1
00:00:05,000 --> 00:00:15,020
Che ḻen bwíagak benneꞌ judío wnná biaꞌ kaꞌ daꞌ žon Jesusenꞌ, naꞌ gónegekleꞌ gótgakeꞌ Ḻeꞌ, danꞌ žoneꞌ daꞌ ki kateꞌ nak ža laꞌy chégakeꞌ.

2
00:00:15,020 --> 00:00:21,760
Bechebe Jesusenꞌ, naꞌ gožeꞌ ḻégakeꞌ: —X̱aꞌ žóntezeꞌ žin, naꞌ ḻezkaꞌ nedaꞌ žonaꞌ žin.

3
00:00:21,760 --> 00:00:36,180
Che ḻen gónežegekle benneꞌ judío wnná biaꞌ kaꞌ gótgakeꞌ Jesusenꞌ, kégeze danꞌ bi žapeꞌ ža laꞌy chégakeꞌ ba laꞌne, san ḻezkaꞌ danꞌ wnnéꞌ nak Dios X̱akzeꞌ, naꞌ ki naken, žon kwineꞌ Dios.

4
00:00:36,180 --> 00:00:51,260
Naž bechebe Jesusenꞌ, naꞌ gožeꞌ ḻégakeꞌ: —Daꞌ li žapaꞌ ḻeꞌe. Bi be gak gonaꞌ nedaꞌ, Ẕiꞌn Dios, žakze chiaꞌ, san toze danꞌ ẕḻeꞌelaꞌ žon X̱ažo Dios. Yógoꞌte daꞌ žon X̱ažo Dios, ḻezkaꞌ žonaꞌ nedaꞌ, Ẕiꞌneꞌ.

5
00:00:51,260 --> 00:01:02,200
X̱ažo Dios nžiꞌileꞌ nedaꞌ, Ẕiꞌneꞌ, naꞌ ẕḻoeꞌeleꞌ nedaꞌ yógoꞌte daꞌ žoneꞌ, naꞌ daꞌ ẕénḻeꞌeže kaꞌ ka daꞌ ni wḻoeꞌeleꞌ nedaꞌ, daꞌ kaꞌ góngaken ga yebán ḻážeꞌle ḻeꞌe.

6
00:01:02,200 --> 00:01:12,940
Kan žon X̱ažo Dios, žesbaneꞌ benneꞌ gat kaꞌ, naꞌ žonneꞌ yeḻaꞌ nban chégakeꞌ, ḻezkaꞌ žonaꞌ nedaꞌ, Ẕiꞌneꞌ, ẕneẕjwaꞌ yeḻaꞌ nban chégakeꞌ kan žénekzelaꞌ.

7
00:01:12,940 --> 00:01:22,400
X̱ažo Dios bi ẕchiꞌa ḻažeꞌe nitó benneꞌ, san ba bdieꞌ ḻo naꞌa nedaꞌ, Ẕiꞌneꞌ, yógoꞌte yeḻaꞌ wnná biaꞌ nich wchiꞌa ḻažaꞌa benách kaꞌ.

8
00:01:22,400 --> 00:01:37,600
Ki naken nich gápegak yógoꞌte benách kaꞌ nedaꞌ, Ẕiꞌneꞌ, ba laꞌne, kan žápegakeꞌ X̱ažo Dios ba laꞌne. Nóteꞌteze benneꞌ bi žapeꞌ nedaꞌ, Ẕiꞌneꞌ, ba laꞌne, bi žapeꞌ ba laꞌne X̱ažo Dios, Bennenꞌ bseḻeꞌe nedaꞌ, Ẕiꞌnenꞌ.

9
00:01:37,600 --> 00:01:55,960
ꞌDaꞌ li žapaꞌ ḻeꞌe. Nóteꞌteze benneꞌ ženleꞌ daꞌ ẕchaḻjaꞌ, naꞌ žejḻiꞌe che X̱ažo Dios, Bennenꞌ bseḻeꞌe nedaꞌ, benneꞌ ni de yeḻaꞌ nban daꞌ zejlí kanne chieꞌ, naꞌ bi nžog chieꞌ gateꞌ, san nakeꞌ ka to benneꞌ ba bebaneꞌ ḻo yeḻaꞌ got danꞌ ba de yeḻaꞌ nban daꞌ zejlí kanne chieꞌ.

10
00:01:55,960 --> 00:02:09,800
Daꞌ li žapaꞌ ḻeꞌe, zaꞌ ža, naꞌ ba ẕžin ža naꞌ, kateꞌ benneꞌ gat kaꞌ yéngekleꞌ chiꞌa nedaꞌ, Ẕiꞌn Dios, naꞌ benneꞌ kaꞌ yéngekleꞌ x̱tižaꞌa, naꞌ góngakeꞌ kan ẕnnan, gataꞌ yeḻaꞌ nban chégakeꞌ.

11
00:02:09,800 --> 00:02:18,860
Kan yoꞌo ḻo naꞌ X̱ažo Dios wneẕjweꞌ yeḻaꞌ nban chegak benách kaꞌ, ḻezkaꞌ bdieꞌ ḻo naꞌa nedaꞌ, Ẕiꞌneꞌ, wneẕjwaꞌ yeḻaꞌ nban chegak benách kaꞌ.

12
00:02:18,860 --> 00:02:26,380
Ḻezkaꞌ bdieꞌ ḻo naꞌa yeḻaꞌ wnná biaꞌ nich wchiꞌa ḻažaꞌa benách kaꞌ danꞌ nakaꞌ Benneꞌ Goljeꞌ Benách.

13
00:02:26,380 --> 00:02:33,180
Bi yebán ḻážeꞌle kan nak daꞌ ni, danꞌ zaꞌ ža kateꞌ yógoꞌte benneꞌ gat kaꞌ yéngekleꞌ chiꞌa,

14
00:02:33,180 --> 00:02:47,640
naꞌ yežójgakeꞌ ḻo yežw ba kaꞌ. Yebangak benneꞌ kaꞌ, benneꞌ béngakeꞌ daꞌ nak chaweꞌ, naꞌ gataꞌ yeḻaꞌ nban chégakeꞌ, san benneꞌ kaꞌ béngakeꞌ daꞌ ẕinnj, yebángakeꞌ, naꞌ chog Dios chégakeꞌ gátgakeꞌ to chiꞌize.

15
00:02:47,640 --> 00:03:03,020
Ḻezkaꞌ wnná Jesusenꞌ: —Bi be gak gonaꞌ nedzaꞌ. Kan nak daꞌ ženlaꞌ daꞌ ẕchaḻj X̱aꞌ, ki ẕchiꞌa ḻažaꞌa, naꞌ kan ẕchiꞌa ḻažaꞌa naken chaweꞌ, danꞌ bi žonaꞌ kan žénezelaꞌ nedaꞌ, san kan žénekzele X̱aꞌ, Bennenꞌ bseḻeꞌe nedaꞌ.

16
00:03:03,020 --> 00:03:06,460
Chaꞌ nedaꞌ ẕchaḻjaꞌ chiaꞌ kwinzaꞌ, bi zakaꞌ danꞌ ẕchaḻjaꞌ.

17
00:03:06,460 --> 00:03:14,940
Zoa Benneꞌ yoble, Benneꞌ ẕzoa lieꞌ kan nakaꞌ nedaꞌ, Bennenꞌ nakeꞌ X̱aꞌ, naꞌ nnezlaꞌ zakaꞌ daꞌ ẕzoa lieꞌ kan nak chiaꞌ.

18
00:03:14,940 --> 00:03:23,980
Ḻeꞌe bséḻaꞌle benneꞌ kaꞌ bejnnábgekleꞌ Ẕwa, bennenꞌ bezóeꞌ benách kaꞌ nis, naꞌ danꞌ bzoa lieꞌ kan nak chiaꞌ naken dot daꞌ li.

19
00:03:23,980 --> 00:03:30,800
Nedaꞌ bi žiážjelaꞌ no benneꞌ wzóa lieꞌ kan nak chiaꞌ, san ẕnniaꞌ daꞌ ki nich yelale ḻeꞌe.

20
00:03:30,800 --> 00:03:40,200
Daꞌ bchaḻj Ẕwanꞌ goken ka to yiꞌ yež, daꞌ wyeyen, naꞌ wzaꞌnínꞌ, naꞌ ḻeꞌe, to chíꞌidoꞌze wyáz ḻážeꞌle siꞌle baníꞌ chienꞌ.

21
00:03:40,200 --> 00:03:57,380
Naꞌa, zoa daꞌ ẕzoa li kan nak chiaꞌ nedaꞌ daꞌ zákaꞌžen ka danꞌ bzoa li Ẕwanꞌ kan nak chiaꞌ. Daꞌ kaꞌ bde X̱ažo Dios ḻo naꞌa gonaꞌ, daꞌ kaꞌ žonaꞌ, naꞌ daꞌ kaꞌ ẕzoa lígaken kan nak chiaꞌ, naꞌ zej nak bianꞌ X̱ažo Dios bseḻeꞌe nedaꞌ.

22
00:03:57,380 --> 00:04:05,560
Ḻezkaꞌ X̱ažo Dios, Bennenꞌ bseḻeꞌe nedaꞌ ẕzoa lieꞌ kan nak chiaꞌ. Batkle bénlele chiꞌe, naꞌ batkle bḻéꞌelele ḻaweꞌ,

23
00:04:05,560 --> 00:04:11,360
naꞌ bi nziꞌ ḻo naꞌle x̱tižeꞌe, danꞌ bi žejḻeꞌle chiaꞌ nedaꞌ, Bennenꞌ bseḻeꞌe Ḻekzeꞌ.

24
00:04:11,360 --> 00:04:26,080
Žsédtezle ḻeꞌe daꞌ nyejw ḻeꞌe yiche laꞌy, danꞌ žéklele gataꞌ yeḻaꞌ nban daꞌ zejlí kanne chele niꞌa che danꞌ nyejwn ḻeꞌe yiche laꞌy, naꞌ danꞌ nyejwn ḻeꞌe yiche laꞌy naꞌ ẕzoa lin kan nak chiaꞌ nedaꞌ.

25
00:04:26,080 --> 00:04:30,420
Bi žénelele gónḻenle nedaꞌ tẕen nich gataꞌ yeḻaꞌ nban chele.

26
00:04:30,420 --> 00:04:33,740
ꞌBi žiljaꞌ yeḻaꞌ ba laꞌne daꞌ gape no benneꞌ nedaꞌ.

27
00:04:33,740 --> 00:04:37,560
Nedaꞌ nónbiꞌa ḻeꞌe, naꞌ nnezlaꞌ bi nžíꞌilele Dios.

28
00:04:37,560 --> 00:04:47,680
Bḻaꞌa nga ḻo wláz X̱ažo Dios, naꞌ ḻeꞌe bi ẕziꞌ ḻo naꞌle nedaꞌ, san chaꞌ ḻaꞌ benneꞌ yoble, benneꞌ yideꞌ žakze chieꞌ, siꞌ ḻo naꞌle bennenꞌ.

29
00:04:47,680 --> 00:04:57,280
¿Nakx̱kze gak chejḻeꞌle che Dios chaꞌ ẕziꞌle yeḻaꞌ ba laꞌne daꞌ žaple lježle tole yetole, naꞌ bi žiljle yeḻaꞌ ba laꞌne daꞌ gape Dios tlichaꞌ ḻeꞌe?

30
00:04:57,280 --> 00:05:07,580
Bi wzóa yichjle yesbagaꞌa ḻeꞌe ẕia ḻaw X̱aꞌ. Bennenꞌ yesbageꞌe ḻeꞌe ẕia nakeꞌ ḻekze Moisés, bennenꞌ žx̱en ḻážeꞌle-neꞌ, ḻaꞌkze goteꞌ ža niꞌte.

31
00:05:07,580 --> 00:05:14,320
Chelaꞌ žejḻeꞌle che Moisés naꞌ, ḻezkaꞌ chejḻeꞌle chiaꞌ nedaꞌ, danꞌ bzoj Moisés naꞌ kan nak chiaꞌ nedaꞌ.

32
00:05:14,320 --> 00:05:20,900
Naꞌa, ¿nakx̱kze gak chejḻeꞌle daꞌ ẕchaḻjaꞌ nedaꞌ chaꞌ bi žejḻeꞌle daꞌ kaꞌ bzoj Moisés naꞌ?