1
00:00:05,000 --> 00:00:19,500
Ža chope ža, gókbeꞌegekle benneꞌ zan kaꞌ, benneꞌ zej ngaꞌneꞌ yecheḻáꞌa nisdonꞌ, daꞌ goken, danꞌ toze barkw bžinen ga naꞌ, naꞌ Jesusenꞌ bi wžénḻeneꞌ benneꞌ wsedle chieꞌ kaꞌ ḻo barkwnꞌ, san ḻégakzeꞌ jakeꞌ.

2
00:00:19,500 --> 00:00:31,900
Naž bžojgak yebaḻe barkw kaꞌ ḻo yež Tiberias, naꞌ bžíngaken to latje daꞌ ženꞌ gawze gan bdáwgakeꞌ yet x̱til, katenꞌ X̱anžo Jesusenꞌ gožeꞌ Dios: “Žóx̱kenoꞌ” chen.

3
00:00:31,900 --> 00:00:44,820
Danꞌ bḻéꞌegekleꞌ biž zoa Jesusenꞌ ga naꞌ, naꞌ bi zej nnitaꞌ benneꞌ wsedle chieꞌ kaꞌ ga naꞌ, che ḻen belbeneꞌ ḻaw barkw kaꞌ, naꞌ bžíngakeꞌ ḻo yež Kapernaum, gan bejdíljgakeꞌ Jesusenꞌ.

4
00:00:44,820 --> 00:00:54,940
Kateꞌ bžingak benneꞌ zan kaꞌ yecheḻáꞌa nisdonꞌ, bejx̱ákaꞌgakeꞌ Jesusenꞌ, naꞌ belyiꞌe Ḻeꞌ: —Benneꞌ wsedle, ¿batx̱ beḻóꞌo nga?

5
00:00:54,940 --> 00:01:06,000
Bechebe Jesusenꞌ, naꞌ gožeꞌ ḻégakeꞌ: —Daꞌ li žapaꞌ ḻeꞌe: žeyiljle nedaꞌ, kege danꞌ bḻéꞌelele yeḻaꞌ wak kaꞌ daꞌ benaꞌ, san danꞌ bdawle yet xtilenꞌ, naꞌ béljelele.

6
00:01:06,000 --> 00:01:22,400
Le gon žin, kege nich siꞌle yeḻaꞌ waw daꞌ ẕde chen, san nich siꞌle yeḻaꞌ waw daꞌ gátaꞌtezen, naꞌ gonnen yeḻaꞌ nban daꞌ zejlí kanne chele. Yeḻaꞌ waw ki naken daꞌ wneẕjwaꞌ nedaꞌ, Benneꞌ Goljeꞌ Benách, chele, danꞌ X̱ažo Dios bḻoeꞌeleꞌ ḻaw nakaꞌ Ẕiꞌneꞌ.

7
00:01:22,400 --> 00:01:29,400
Naž wnnábgekleꞌ Ḻeꞌ, naꞌ wnnágakeꞌ: —¿Biẕ daꞌ žon byenen gontoꞌ nich gontoꞌ daꞌ žaz ḻažeꞌ Dios?

8
00:01:29,400 --> 00:01:36,900
Bechebe Jesusenꞌ, naꞌ gožeꞌ ḻégakeꞌ: —Daꞌ žaz ḻažeꞌ Dios naken chejḻeꞌle chiaꞌ nedaꞌ, nakaꞌ Bennenꞌ bseḻeꞌe Ḻeꞌ.

9
00:01:36,900 --> 00:01:45,660
Naž wnnábgekleꞌ Ḻeꞌ, naꞌ wnnágakeꞌ: —¿Biẕ daꞌ nak biaꞌ gonoꞌ, daꞌ ḻeꞌeltonꞌ nich chejḻeꞌtoꞌ chioꞌ Leꞌ? ¿Biẕ yeḻaꞌ wak gonoꞌ?

10
00:01:45,660 --> 00:01:57,220
X̱a gole chežo kaꞌ bdáwgakeꞌ yet x̱til daꞌ nzinꞌ maná ḻo latje dach, kan nyejw ḻeꞌe yiche laꞌy, daꞌ ẕnnan: “Moisés benneꞌ chégakeꞌ yet x̱til che yaꞌabá, danꞌ bdáwgakenꞌ.”

11
00:01:57,220 --> 00:02:07,520
Bechebe Jesusenꞌ, naꞌ gožeꞌ ḻégakeꞌ: —Daꞌ li žapaꞌ ḻeꞌe: kege Moisés naꞌ benneꞌ chele yet x̱til che yaꞌabá, san X̱ažo Dios žonneꞌ chele yet x̱tilenꞌ.

12
00:02:07,520 --> 00:02:17,400
Yet x̱til danꞌ žonn Dios chegak benách kaꞌ nakaꞌ nedaꞌ, danꞌ bžojen yaꞌabá, naꞌ ẕneẕjwn yeḻaꞌ nban chegak benách kaꞌ, benneꞌ nnítaꞌgakeꞌ yežlyó nga.

13
00:02:17,400 --> 00:02:22,180
Naž belyiꞌe Ḻeꞌ: —X̱an, bénnteze yet x̱tilenꞌ chetoꞌ.

14
00:02:22,180 --> 00:02:38,780
Jesusenꞌ gožeꞌ ḻégakeꞌ: —Nedaꞌ nakaꞌ yet x̱til daꞌ zej nbanḻen benách kaꞌ to chiꞌize. Nóteꞌteze benneꞌ gónḻeneꞌ nedaꞌ tẕen, wéljeleꞌ to chiꞌize daꞌ naken che Dios, naꞌ nóteꞌteze benneꞌ chejḻiꞌe chiaꞌ nedaꞌ, ba weꞌjeꞌ to chiꞌize daꞌ naken che Dios.

15
00:02:38,780 --> 00:02:43,560
Naken kan ba gožkzaꞌ ḻeꞌe, ḻaꞌkze ẕḻéꞌelele nedaꞌ, bi žejḻeꞌle chiaꞌ.

16
00:02:43,560 --> 00:02:51,040
Yógoꞌte benneꞌ kaꞌ žonn X̱aꞌ chiaꞌ, gónḻengakeꞌ nedaꞌ tẕen, naꞌ benneꞌ kaꞌ gónḻengakeꞌ nedaꞌ tẕen, bi yesbíꞌigakaꞌ-neꞌ.

17
00:02:51,040 --> 00:03:01,580
Ki naken danꞌ bžojaꞌ yaꞌabá che Dios, naꞌ betjaꞌ nga, kege nich gonaꞌ kan žénelaꞌ nedkzaꞌ, san nich gonaꞌ kan žénele X̱ažo Dios, Bennenꞌ bseḻeꞌe nedaꞌ.

18
00:03:01,580 --> 00:03:10,660
Daꞌ žénele X̱aꞌ, Bennenꞌ bseḻeꞌe nedaꞌ, naken bi kwia yiꞌ nitó benneꞌ, bennenꞌ benn Dios chiaꞌ, naꞌ yesbanaꞌ-neꞌ ža ze ḻawte ža.

19
00:03:10,660 --> 00:03:23,620
Daꞌ žénele X̱ažo Dios, Bennenꞌ bseḻeꞌe nedaꞌ, naken gataꞌ yeḻaꞌ nban chegak yógoꞌte benneꞌ kaꞌ ḻéꞌegekleꞌ nedaꞌ, Ẕiꞌneꞌ, naꞌ chejḻéꞌgakeꞌ chiaꞌ nedaꞌ, naꞌ nedaꞌ yesbángakaꞌ-neꞌ ža ze ḻawte ža naꞌ.

20
00:03:23,620 --> 00:03:31,580
Naž benneꞌ judío wnná biaꞌ kaꞌ wnnégakeꞌ che Jesusenꞌ, danꞌ wnnéꞌ: “Nedaꞌ nakaꞌ yet x̱tilenꞌ daꞌ zanꞌ yaꞌabá.”

21
00:03:31,580 --> 00:03:42,800
Che ḻen wnnágakeꞌ: —¿Kege benneꞌ ni Jesusenꞌ, ẕiꞌn Jwsé? Nónbiaꞌžo x̱a x̱neꞌe. ¿Nakx̱ chenꞌ, ẕnna benneꞌ ni: “Bžojaꞌ yaꞌabá che Dios?”

22
00:03:42,800 --> 00:03:48,160
Naž bechebe Jesusenꞌ, naꞌ gožeꞌ ḻégakeꞌ: —Bi nnele chiaꞌ ḻaꞌ ḻeꞌeze.

23
00:03:48,160 --> 00:03:58,080
Bi gak nitó benneꞌ gónḻeneꞌ nedaꞌ tẕen, chaꞌ X̱aꞌ, Bennenꞌ bseḻeꞌe nedaꞌ, bi yedjwéꞌe bennenꞌ chiaꞌ nedaꞌ, naꞌ nedaꞌ yesbanaꞌ-neꞌ ža ze ḻawte ža naꞌ.

24
00:03:58,080 --> 00:04:14,000
Nyejw ḻeꞌe yiche laꞌy kan wnnagak benneꞌ kaꞌ bcháḻjgakeꞌ ḻo wláz Dios, daꞌ ẕnnan ki: “Dios wsedleꞌ yógoꞌte benách.” Che ḻen, yógoꞌte benneꞌ kaꞌ, benneꞌ želyenleꞌ chiꞌi X̱aꞌ, naꞌ nsédgekleꞌ ḻo neꞌe Ḻeꞌ, gónḻengakeꞌ nedaꞌ tẕen.

25
00:04:14,000 --> 00:04:22,520
ꞌBi zoa no benneꞌ bḻeꞌeleꞌ X̱ažo Dios, san toze Bennenꞌ bžojeꞌ gan zoa Dios. Bennenꞌ ẕḻeꞌekzleꞌ X̱ažo Dios.

26
00:04:22,520 --> 00:04:28,940
Daꞌ li žapaꞌ ḻeꞌe: nóteꞌteze benneꞌ žejḻiꞌe chiaꞌ nedaꞌ de yeḻaꞌ nban daꞌ zejlí kanne chieꞌ.

27
00:04:28,940 --> 00:04:33,240
Nedaꞌ nakaꞌ yet x̱til daꞌ zej nbanḻen benách kaꞌ to chiꞌize.

28
00:04:33,240 --> 00:04:41,020
X̱a x̱toꞌle kaꞌ bdáwgakeꞌ yet x̱tilenꞌ danꞌ nzinꞌ maná ḻo latje dach, naꞌ kateꞌ bzaꞌa ža chégakeꞌ, gótgakeꞌ.

29
00:04:41,020 --> 00:04:47,680
Nedaꞌ nakaꞌ yet x̱til daꞌ ẕžojen yaꞌabá che Dios, naꞌ nóteꞌteze benneꞌ gawenꞌ, bi gateꞌ to chiꞌize.

30
00:04:47,680 --> 00:05:06,760
Nedkzaꞌ nakaꞌ yet x̱tilenꞌ daꞌ zej nbanḻen benách kaꞌ, danꞌ bžojen yaꞌabá che Dios, naꞌ chaꞌ nóteꞌteze benneꞌ gaweꞌ yet xtilenꞌ, naꞌ gak baneꞌ to chiꞌize. Yet x̱tilenꞌ daꞌ ẕneẕjwaꞌ nedaꞌ naken x̱peḻaꞌa, daꞌ ẕneẕjwanꞌ nich gataꞌ yeḻaꞌ nban chegak benách kaꞌ nnítaꞌgakeꞌ yežlyó nga.

31
00:05:06,760 --> 00:05:15,340
Naž benneꞌ judío wnná biaꞌ kaꞌ belchíx̱ ljéžgakeꞌ, naꞌ wnnágakeꞌ: —¿Nakx̱ gak gonn benneꞌ ni x̱peḻeꞌe nich gawžon?

32
00:05:15,340 --> 00:05:26,180
Che ḻen Jesusenꞌ gožeꞌ ḻégakeꞌ: —Daꞌ li žapaꞌ ḻeꞌe: chaꞌ bi gawle x̱peḻaꞌa nedaꞌ, Benneꞌ Goljeꞌ Benách, naꞌ chaꞌ bi yeꞌjle x̱chenaꞌ, bi de yeḻaꞌ nban naꞌ chele.

33
00:05:26,180 --> 00:05:34,320
Nóteꞌteze benneꞌ gaweꞌ x̱peḻaꞌa, naꞌ yeꞌjeꞌ x̱chenaꞌ, de yeḻaꞌ nban daꞌ zejlí kanne chieꞌ, naꞌ nedaꞌ yesbanaꞌ-neꞌ ža ze ḻawte ža naꞌ.

34
00:05:34,320 --> 00:05:41,380
Ki naken danꞌ nak x̱peḻaꞌa yeḻaꞌ waw daꞌ li, naꞌ x̱chenaꞌ naken to daꞌ li daꞌ yeꞌjen no benneꞌ.

35
00:05:41,380 --> 00:05:47,780
Nóteꞌteze benneꞌ gaweꞌ x̱peḻaꞌa, naꞌ yeꞌjeꞌ x̱chenaꞌ, sóaḻentezeꞌ nedaꞌ, naꞌ nedaꞌ sóaḻentezaꞌ ḻeꞌ.

36
00:05:47,780 --> 00:05:57,480
Kan zoa nban X̱ažo Dios, Bennenꞌ bseḻeꞌe nedaꞌ, naꞌ nedaꞌ nbánḻenaꞌ Ḻeꞌ, ḻezkaꞌ nóteꞌteze benneꞌ gaweꞌ nedaꞌ, soeꞌ nbánḻeneꞌ nedaꞌ.

37
00:05:57,480 --> 00:06:13,560
Daꞌ ni naken yet x̱til daꞌ bžojen yaꞌabá che Dios, naꞌ bi naken ka yet x̱tilenꞌ danꞌ nzinꞌ maná, danꞌ bdawgak x̱a x̱toꞌle kaꞌ, naꞌ kateꞌ bzaꞌa ža chégakeꞌ, gótgakeꞌ. Nóteꞌteze benneꞌ gaweꞌ yet x̱til ni gak baneꞌ to chiꞌize.

38
00:06:13,560 --> 00:06:26,040
Daꞌ ni bchaḻj Jesusenꞌ gan nak to ḻo yoꞌo gan ẕdobgak benneꞌ judío kaꞌ nich yéngekleꞌ x̱tižaꞌ Dios, naꞌ gok daꞌ ni kateꞌ ne žsedleꞌ benách kaꞌ nnítaꞌgakeꞌ ḻo yež Kapernaum.

39
00:06:26,040 --> 00:06:38,500
Kateꞌ benneꞌ wsedle kaꞌ che Jesusenꞌ béngekleꞌ daꞌ ki, benneꞌ zan ládjwgakeꞌ wnnégakeꞌ chen, naꞌ wnnágakeꞌ: —Zédeḻeꞌe nak dižaꞌ ni. ¿Noẕkze benneꞌ gak siꞌ ḻo neꞌen?

40
00:06:38,500 --> 00:06:46,960
Wnnezle Jesusenꞌ ẕnnegak benneꞌ wsedle chieꞌ kaꞌ che x̱tižeꞌe, naꞌ wnnableꞌ ḻégakeꞌ, naꞌ wnnéꞌ: —¿Žon dižaꞌ ni ḻeꞌe zede?

41
00:06:46,960 --> 00:06:52,140
¿Nakx̱kze gaken chaꞌ ḻéꞌelele nedaꞌ, Benneꞌ Goljeꞌ Benách, yeyepaꞌ gan wzóaꞌ zgaꞌale?

42
00:06:52,140 --> 00:07:05,040
Daꞌ nak che Dios Beꞌ Laꞌy naken daꞌ žonnen yeḻaꞌ nban chele. Daꞌ nakze beḻaꞌ žen bi gak gon chawenꞌ ḻeꞌe. Dižaꞌ daꞌ bcháḻjḻenaꞌ ḻeꞌe naken che Dios Beꞌ Laꞌy, naꞌ žonnen yeḻaꞌ nban chegak benách kaꞌ.

43
00:07:05,040 --> 00:07:17,240
Naꞌa, báḻele ḻeꞌe bi žejḻeꞌle chiaꞌ. Wnná Jesusenꞌ ki danꞌ nnézkzeleꞌ Ḻeꞌ ža niꞌte no benneꞌ kaꞌ bi žejḻéꞌgakeꞌ chieꞌ, naꞌ ḻezkaꞌ bennenꞌ wdíeꞌ Ḻeꞌ ḻo naꞌgak benneꞌ kaꞌ gótgakeꞌ Ḻeꞌ.

44
00:07:17,240 --> 00:07:25,060
Che ḻen wnnéꞌ: —Che ḻen ba gožkzaꞌ ḻeꞌe bi gak no benneꞌ gónḻeneꞌ nedaꞌ tẕen, chaꞌ bi weꞌ X̱ažo Dios ḻeꞌ latje.

45
00:07:25,060 --> 00:07:31,880
Gok chope ḻážeꞌgak benneꞌ zan ža naꞌ, benneꞌ wsedle chieꞌ kaꞌ, naꞌ biž wdáḻengakeꞌ Ḻeꞌ tẕen.

46
00:07:31,880 --> 00:07:38,920
Naž Jesusenꞌ wnnableꞌ benneꞌ chežinno, benneꞌ wsedle chieꞌ kaꞌ, naꞌ wnnéꞌ: —¿Ḻezkaꞌ ḻeꞌe yekwasle?

47
00:07:38,920 --> 00:07:48,120
Bechebe Bedw, naꞌ gožeꞌ Ḻeꞌ: —X̱an, ¿noẕ benneꞌ chéjḻentoꞌ? Leꞌ napoꞌ dižaꞌ daꞌ žonnen yeḻaꞌ nban daꞌ zejlí kanne chetoꞌ.

48
00:07:48,120 --> 00:07:56,040
Netoꞌ žejḻeꞌtoꞌ chioꞌ, naꞌ nónbiaꞌtoꞌ Leꞌ, nakoꞌ Benneꞌ Cristonꞌ, Bennenꞌ bseḻaꞌ Dios, naꞌ nakoꞌ Ẕiꞌnkze Dios ban.

49
00:07:56,040 --> 00:08:04,820
Bechebe Jesusenꞌ, naꞌ gožeꞌ ḻégakeꞌ: —Wžekzaꞌ nedaꞌ ḻeꞌe chežínnole ki, san to benneꞌ ládjwle ḻeꞌe žonḻen daꞌ x̱iweꞌ ḻeꞌ tẕen.

50
00:08:04,820 --> 00:08:17,640
Daꞌ ni bchaḻj Jesusenꞌ che Judas Iskariote, ẕiꞌn to benneꞌ lieꞌ Smon, danꞌ nak Judas naꞌ bennenꞌ wdíeꞌ Ḻeꞌ ḻo naꞌgak benneꞌ kaꞌ gótgakeꞌ Ḻeꞌ, naꞌ nbábḻeneꞌ yechinéj benneꞌ wsedle chieꞌ kaꞌ.