1
00:00:05,000 --> 00:00:15,560
Naž bchaḻjgak baḻe benneꞌ kaꞌ nnítaꞌgakeꞌ ḻo yež Jerusalén, naꞌ wnnágakeꞌ: —¿Kege benneꞌ ni bennenꞌ žeyiljgak benneꞌ judío wnná biaꞌ kaꞌ nich gótgakeꞌ Ḻeꞌ?

2
00:00:15,560 --> 00:00:27,560
Le wia nga. Kwáselo ẕchaḻjeꞌ, naꞌ bi be žéꞌgakeꞌ Ḻeꞌ. ¿Žákbeꞌegekle benneꞌ kaꞌ, benneꞌ ẕnna biáꞌgakeꞌ žoꞌo, daꞌ li benneꞌ ni nakeꞌ Benneꞌ Cristonꞌ, Bennenꞌ žaḻaꞌ nna biꞌe žoꞌo?

3
00:00:27,560 --> 00:00:34,500
Benneꞌ ni, nnezlžo ga benneꞌ Ḻeꞌ. Kateꞌ yid Benneꞌ Cristonꞌ, bi nnezle nitó benneꞌ ga benneꞌ Ḻeꞌ.

4
00:00:34,500 --> 00:00:51,880
Wzóa Jesusenꞌ ẕsedleꞌ benách kaꞌ ḻo ẕchil yodoꞌ, naꞌ katenꞌ benleꞌ daꞌ ni, wnníeꞌ zižje, naꞌ wnnéꞌ: —¿Nónbiaꞌle nedaꞌ, naꞌ nnézlele ga benneꞌ nedaꞌ? Bḻaꞌa yežlyó nga, kege žakze chiaꞌ, san Dios naꞌkze bseḻeꞌe nedaꞌ, naꞌ Ḻeꞌ, bi nónbiaꞌle-neꞌ.

5
00:00:51,880 --> 00:00:56,440
Nedaꞌ nónbiꞌa-neꞌ, danꞌ zaꞌa ḻo wlazeꞌ Ḻeꞌ, naꞌ Ḻekzeꞌ bseḻeꞌe nedaꞌ.

6
00:00:56,440 --> 00:01:04,360
Naž ben byéngakeꞌ séngakeꞌ Ḻeꞌ, san nitó benneꞌ bi bex̱weꞌ Ḻeꞌ, danꞌ bi naꞌ žin ža chieꞌ nich choeꞌe ḻo náꞌgakeꞌ.

7
00:01:04,360 --> 00:01:12,860
Benneꞌ zan bejḻéꞌgakeꞌ chieꞌ, naꞌ wnnágakeꞌ: —Kateꞌ ḻaꞌ Benneꞌ Cristonꞌ, ¿goneꞌ daꞌ zanže yeḻaꞌ wak kaꞌ ka daꞌ žon Benneꞌ ni?

8
00:01:12,860 --> 00:01:24,600
Béngekle benneꞌ yodoꞌ fariseo kaꞌ daꞌ ẕchaḻjgak benách kaꞌ kan nak che Jesusenꞌ, naꞌ bx̱oz wnná biaꞌ kaꞌ ḻen benneꞌ yodoꞌ fariseo kaꞌ, bséḻaꞌgakeꞌ niꞌa náꞌgakeꞌ nich chejx̱éngakeꞌ Ḻeꞌ.

9
00:01:24,600 --> 00:01:31,260
Naž Jesusenꞌ wnnéꞌ: —Yetó chíꞌidoꞌze sóaḻenaꞌ ḻeꞌe, naꞌ naž yeyáꞌa gan zoa X̱aꞌ, Bennenꞌ bseḻeꞌe nedaꞌ.

10
00:01:31,260 --> 00:01:36,800
Yeyiljle nedaꞌ, san bi yežéḻ-lele nedaꞌ. Gan chejsóaꞌ nedaꞌ bi gak yidle ḻeꞌe.

11
00:01:36,800 --> 00:01:51,160
Naž benneꞌ judío kaꞌ belyiꞌe ljéžgakeꞌ kaꞌ, naꞌ wnnágakeꞌ: —¿Gaẕ chej benneꞌ ni, gan bi yežéḻ-lžo-neꞌ? ¿Chejeꞌ gan zej nnitaꞌ benneꞌ judío kaꞌ, benneꞌ zej náslaseꞌ dot yežlyó nga, naꞌ wsedleꞌ benneꞌ ziꞌtoꞌ kaꞌ?

12
00:01:51,160 --> 00:01:59,620
¿Biẕ zejḻás danꞌ wnnéꞌ: “Yeyiljle nedaꞌ, naꞌ bi yežéḻ-lele nedaꞌ” naꞌ ḻezkaꞌ: “Gan chejsóaꞌ nedaꞌ bi gak yidle ḻeꞌe”?

13
00:01:59,620 --> 00:02:12,280
Kateꞌ nak ža ze ḻawte ža che lni naꞌ, ža naꞌ naken blo, wzó žaꞌ Jesusenꞌ. Wnníeꞌ zižje, naꞌ wnnéꞌ: —Chaꞌ zoa no benneꞌ ẕbiž yichj ḻáẕdaꞌweꞌ, žaḻaꞌ yideꞌ gan zoaꞌ, naꞌ yeꞌjeꞌ.

14
00:02:12,280 --> 00:02:26,820
Nóteꞌteze benneꞌ žejḻiꞌe chiaꞌ nedaꞌ, gak chieꞌ kan nyejw ḻeꞌe yiche laꞌy, daꞌ ẕnnan: “Ḻo yichj ḻáẕdoꞌw bennenꞌ galj daꞌ gaken ka to nis yego” danꞌ gon chawenꞌ benách kaꞌ, naꞌ gataꞌ yeḻaꞌ nban chégakeꞌ.

15
00:02:26,820 --> 00:02:40,180
Bchaḻj Jesusenꞌ daꞌ ni kan nak che Dios Beꞌ Laꞌy, Bennenꞌ žaḻaꞌ yedjsóaḻeneꞌ benneꞌ kaꞌ chejḻéꞌgakeꞌ che Jesusenꞌ. Ki wnnéꞌ danꞌ bi naꞌ žin Dios Beꞌ Laꞌy naꞌ, danꞌ bi naꞌ yeyepe Jesusenꞌ gan gakeꞌ Benneꞌ blo.

16
00:02:40,180 --> 00:02:50,620
Kateꞌ benneꞌ zan kaꞌ béngekleꞌ daꞌ ki, baḻeꞌ wnnágakeꞌ: —Daꞌ li benneꞌ ni nakeꞌ bennenꞌ ẕchaḻjeꞌ ḻo wláz Dios, bennenꞌ bchebe ḻažeꞌ Dios seḻeꞌe chežo.

17
00:02:50,620 --> 00:02:59,460
Yebaḻeꞌ wnnágakeꞌ: —Benneꞌ ni nakeꞌ Benneꞌ Cristonꞌ. Wnnagak yebaḻe benách kaꞌ: —¿Galj Benneꞌ Cristonꞌ gan nbab Galilea?

18
00:02:59,460 --> 00:03:08,560
Nyejw ḻeꞌe yiche laꞌy daꞌ ẕnnan: “Galj Benneꞌ Cristonꞌ ladjw ẕiꞌn ẕaꞌsó Dabí kaꞌ, naꞌ gakeꞌ benneꞌ yež Belén, daꞌ goken laž Dabínꞌ.”

19
00:03:08,560 --> 00:03:12,580
Kaꞌ goken, gok chóplegak benneꞌ kaꞌ niꞌa che Jesusenꞌ.

20
00:03:12,580 --> 00:03:17,500
Gónegekleꞌ baḻeꞌ séngakeꞌ Jesusenꞌ, san nitó benneꞌ bi be beneꞌ chieꞌ.

21
00:03:17,500 --> 00:03:31,600
Naž niꞌa naꞌgak bx̱oz wnná biaꞌ kaꞌ ḻen niꞌa naꞌgak benneꞌ yodoꞌ fariseo kaꞌ, bežíngakeꞌ gan zej nnitaꞌ benneꞌ yodoꞌ wnná biaꞌ kaꞌ, naꞌ benneꞌ ki belyiꞌe niꞌa náꞌgakeꞌ kaꞌ, naꞌ wnnágakeꞌ: —¿Biẕ chenꞌ bi žedjwaꞌle-neꞌ?

22
00:03:31,600 --> 00:03:37,960
Naž bechébegak niꞌa náꞌgakeꞌ, naꞌ wnnágakeꞌ: —Bi ẕchaḻj nitó benneꞌ kan ẕchaḻj bennenꞌ.

23
00:03:37,960 --> 00:03:43,840
Naž bežiꞌigak benneꞌ yodoꞌ fariseo kaꞌ, naꞌ wnnágakeꞌ: —¿Beꞌle latje ben ḻážeꞌleꞌ ḻeꞌe?

24
00:03:43,840 --> 00:03:48,800
¿Zoa no benneꞌ wnná biaꞌ, o no benneꞌ yodoꞌ fariseo, bejḻiꞌe chieꞌ?

25
00:03:48,800 --> 00:03:53,420
Benneꞌ ki, benneꞌ bi žákgakeꞌ x̱tižaꞌ Dios, zej nbageꞌe ẕia.

26
00:03:53,420 --> 00:04:02,360
Ḻezkaꞌ zoa Nikodemo ga naꞌ, bennenꞌ bḻeꞌe gan wzóa Jesusenꞌ to xeꞌle. Nikodemonꞌ nakeꞌ benneꞌ yodoꞌ fariseo, naꞌ gožeꞌ ḻégakeꞌ:

27
00:04:02,360 --> 00:04:10,200
—¿Ẕchogžo che to benneꞌ gateꞌ niꞌa che daꞌ bchiꞌle Dios žoꞌo chaꞌ bi yénležo chieꞌ zgaꞌale nich nnézležo biẕ beneꞌ?

28
00:04:10,200 --> 00:04:22,680
Naž bežíꞌigakeꞌ yebaḻeꞌ kaꞌ, naꞌ belyiꞌe ḻeꞌ: —¿Nakoꞌ leꞌ benneꞌ Galilea? Beḻ daꞌ nyejw ḻeꞌe yich laꞌy, naꞌ wioꞌ batkle bžoj nitó benneꞌ ẕchaḻjeꞌ ḻo wláz Dios gan nbab Galilea.

29
00:04:22,680 --> 00:04:29,580
Naž che chégakeꞌ beyéjgakeꞌ lížgakeꞌ.