1
00:00:05,000 --> 00:00:16,580
Ḻezkaꞌ wnná Jesusenꞌ: —Daꞌ li žapaꞌ ḻeꞌe: no benneꞌ bi choeꞌe gan žoꞌogak ẕilaꞌ kaꞌ ḻo leꞌje chégakbaꞌ, san žoeꞌe ga yoble, benneꞌ ni nakeꞌ wbán, naꞌ ẕbankzeꞌ.

2
00:00:16,580 --> 00:00:21,580
Bennenꞌ žoeꞌe gan žoꞌogak ẕilaꞌ kaꞌ nakeꞌ benneꞌ žape chiꞌikzeꞌ ḻégakbaꞌ.

3
00:00:21,580 --> 00:00:37,180
Nich choꞌo benneꞌ ni, žsaljw benneꞌ zoeꞌ žape chiꞌe gan žoꞌogak ẕilaꞌ kaꞌ, naꞌ ḻégakbaꞌ žéngeklbaꞌ chiꞌe, naꞌ žeyónbiaꞌgakbaꞌ-neꞌ. Ḻeꞌ žḻižgakeꞌ-baꞌ to tobaꞌ kan nziꞌ lágakbaꞌ, naꞌ žebejeꞌ ḻégakbaꞌ.

4
00:00:37,180 --> 00:00:47,380
Kateꞌ ba wlejeꞌ yógoꞌte ẕilaꞌ kaꞌ, bia zej nakbaꞌ chieꞌ, ẕnežweꞌ ḻáwgakbaꞌ, naꞌ ḻégakbaꞌ žejnáwgakbaꞌ ḻeꞌ, danꞌ žeyónbiaꞌgakbaꞌ chiꞌe.

5
00:00:47,380 --> 00:00:53,780
Bi chejnáwgakbaꞌ benneꞌ yoble, san wẕónnjgeklbaꞌ ḻeꞌ, danꞌ bi nónbiaꞌgakbaꞌ chiꞌigak benneꞌ yoble kaꞌ.

6
00:00:53,780 --> 00:01:00,180
Jesusenꞌ bcháḻjḻeneꞌ ḻégakeꞌ daꞌ ni daꞌ bsakaꞌ ḻebeꞌ, san bi bejníꞌigekleꞌ danꞌ gožeꞌ ḻégakeꞌ.

7
00:01:00,180 --> 00:01:07,760
Naž Jesusenꞌ bcháḻjḻeneꞌ ḻégakeꞌ daꞌ yoble, naꞌ wnnéꞌ: —Daꞌ li žapaꞌ ḻeꞌe: nedaꞌ nakaꞌ ka to gan žoꞌogak ẕilaꞌ kaꞌ.

8
00:01:07,760 --> 00:01:23,340
Ba bḻaꞌgak benneꞌ zan, benneꞌ kaꞌ wnnágakeꞌ zej nakeꞌ Benneꞌ Cristonꞌ, san yógoꞌte benneꞌ kaꞌ bžíngakeꞌ zgáꞌalegakeꞌ ka nedaꞌ, zej nakeꞌ benneꞌ wbán kaꞌ, naꞌ želbankzeꞌ, naꞌ bi wzé naggak ẕilaꞌ kaꞌ chégakeꞌ.

9
00:01:23,340 --> 00:01:36,180
Nedaꞌ nakaꞌ ka to gan žoꞌogak benách kaꞌ. Nóteꞌteze benneꞌ chóꞌoḻeneꞌ nedaꞌ, yelá bennenꞌ, naꞌ gakeꞌ ka to ẕilaꞌ žoꞌobaꞌ, naꞌ žežojbaꞌ, naꞌ žéḻ-lbaꞌ daꞌ žawbaꞌ.

10
00:01:36,180 --> 00:01:50,960
ꞌZaꞌze benneꞌ wbán nich kwaneꞌ-baꞌ, naꞌ goteꞌ-baꞌ, naꞌ wžía yiꞌe-baꞌ. Nedaꞌ bḻaꞌa nich gataꞌ yeḻaꞌ nban daꞌ zejlí kanne chegak benách kaꞌ zej nakeꞌ ka ẕilaꞌ chiaꞌ kaꞌ, naꞌ gátaꞌteze yeḻaꞌ nban daꞌ zejlí kanne chégakeꞌ.

11
00:01:50,960 --> 00:02:04,300
Nedaꞌ žape chiꞌa benách chiaꞌ kaꞌ kan žon bennenꞌ, ḻo yeḻaꞌ žiꞌi ḻažeꞌ chieꞌ žape chiꞌe ẕilaꞌ chieꞌ kaꞌ. Bennenꞌ žape chiꞌe ẕilaꞌ kaꞌ ki ba zoakzeꞌ wdíeꞌ yeḻaꞌ nban chieꞌ niꞌa chegak ẕilaꞌ chieꞌ kaꞌ.

12
00:02:04,300 --> 00:02:26,420
Benneꞌ naẕjweꞌ, benneꞌ žape chiꞌe ẕilaꞌ kaꞌ, ẕḻeꞌeleꞌ zaꞌ bekoꞌ yix̱eꞌ snia, naꞌ ẕkaꞌneꞌ ẕilaꞌ kaꞌ, naꞌ žẕonnjeꞌ, naꞌ bekoꞌ yix̱eꞌ snia naꞌ žejtáwyaꞌabaꞌ ẕilaꞌ kaꞌ, naꞌ žesḻásbaꞌ ḻégakbaꞌ. Ki žon benneꞌ naẕjwenꞌ, benneꞌ žape chiꞌe ẕilaꞌ kaꞌ, danꞌ bi nakkzeꞌ benneꞌ wape ẕilaꞌ kaꞌ, naꞌ ẕilaꞌ kaꞌ bi zej nakbaꞌ chekzeꞌ.

13
00:02:26,420 --> 00:02:33,760
Žẕonnj benneꞌ naẕjwenꞌ danꞌ žape chiꞌe ẕilaꞌ kaꞌ nich siꞌzeꞌ mežw, naꞌ bi žeꞌ ḻažeꞌe ḻégakbaꞌ.

14
00:02:33,760 --> 00:02:55,420
ꞌNedaꞌ, ḻo yeḻaꞌ žiꞌi ḻažeꞌ chiaꞌ žape chiꞌa ẕilaꞌ kaꞌ. Kan nonbiaꞌ X̱ažo Dios nedaꞌ, naꞌ nedaꞌ nónbiꞌa X̱anꞌ, ḻezkaꞌ benách chiaꞌ kaꞌ, benneꞌ zej nakeꞌ ka ẕilaꞌ chiaꞌ kaꞌ, zej nónbiꞌe nedaꞌ, naꞌ ẕdiaꞌ yeḻaꞌ nban chiaꞌ niꞌa chegak ẕilaꞌ kaꞌ, naꞌ ẕilaꞌ kaꞌ, bia zej nakbaꞌ chiaꞌ nónbiaꞌgakbaꞌ nedaꞌ.

15
00:02:55,420 --> 00:03:10,040
Ḻezkaꞌ zej nnitaꞌ ẕilaꞌ yoble chiaꞌ kaꞌ, bia kaꞌ bi zej nbabbaꞌ nga. Lezkaꞌ žaḻaꞌ chejx̱íꞌgakaꞌ-baꞌ. Bia kaꞌ yéngeklbaꞌ chiꞌa, naꞌ gákgakbaꞌ toze ḻen yebaḻe ẕilaꞌ chiaꞌ kaꞌ, naꞌ nedkzaꞌ gape chiꞌa ḻégakbaꞌ.

16
00:03:10,040 --> 00:03:21,760
ꞌChe ḻen X̱anꞌ nžiꞌileꞌ nedaꞌ, danꞌ ẕdiaꞌ yeḻaꞌ nban chiaꞌ, naꞌ yeziꞌan daꞌ yoble, daꞌ zejḻás: waꞌa latje benneꞌ kaꞌ gótgakeꞌ nedaꞌ, naꞌ yebanaꞌ ḻo yeḻaꞌ got.

17
00:03:21,760 --> 00:03:35,640
Nitó benneꞌ bi sákeꞌleꞌ goteꞌ nedaꞌ, san nedkzaꞌ ẕdiaꞌ yeḻaꞌ nban chiaꞌ, naꞌ gataꞌ. Nziꞌ ḻo naꞌa wdíanꞌ, naꞌ nziꞌ ḻo naꞌa yeziꞌan daꞌ yoble. Ki naken danꞌ ki gož X̱anꞌ nedaꞌ gonaꞌ.

18
00:03:35,640 --> 00:03:42,360
Kateꞌ béngekle benneꞌ judío kaꞌ daꞌ ki, daꞌ yoble bel-ḻáꞌa lázgakeꞌ kan žékgekleꞌ che Jesusenꞌ.

19
00:03:42,360 --> 00:03:50,060
Benneꞌ zan ládjwgakeꞌ wnnágakeꞌ: —Yoeꞌe beꞌ x̱iweꞌ, naꞌ nyaḻ yichj ḻáẕdaꞌweꞌ. ¿Biẕ chenꞌ ẕze nagle chieꞌ Ḻeꞌ?

20
00:03:50,060 --> 00:03:58,800
Yebaḻeꞌ wnnágakeꞌ: —To benneꞌ yoeꞌe beꞌ x̱iweꞌ bi ẕchaḻjeꞌ ki. ¿Wak to beꞌ x̱iweꞌ wsaljwn yej ḻawgak benneꞌ ḻo choḻe kaꞌ?