1
00:00:05,000 --> 00:00:22,680
Kateꞌ ne zej ngaꞌn yex̱óp ža žin Lni Paskoꞌ kateꞌ žejsáꞌ ḻážeꞌgakeꞌ kan ben Dios katenꞌ bebejeꞌ benách chieꞌ kaꞌ ḻo yežlyó Egipto, bḻaꞌ Jesusenꞌ ḻo yež Betania, gan zoa Lásaro, bennenꞌ goteꞌ, naꞌ besbán Jesusenꞌ ḻeꞌ ḻo yeḻaꞌ got.

2
00:00:22,680 --> 00:00:35,640
Naž bsíꞌniꞌagakeꞌ to yeḻaꞌ waw ga naꞌ daꞌ gaw Jesusenꞌ. Lia, noꞌle zan Lásaronꞌ, wloéꞌe yeḻaꞌ wawnꞌ, naꞌ žeꞌ Lásaronꞌ ladjw benneꞌ kaꞌ žéꞌḻengakeꞌ Jesusenꞌ tẕen, gan žeꞌj žáwgakeꞌ.

3
00:00:35,640 --> 00:00:48,040
Naž Lianꞌ bex̱weꞌ ka to ya daꞌ ẕḻaꞌ ẕix̱ che yeje susén ḻas, daꞌ zákaꞌḻeꞌen, naꞌ wloéꞌen ḻo niꞌa Jesusenꞌ. Besbižeꞌ niꞌe ḻen yichaꞌ yichjeꞌ. Dot ḻo yoꞌonꞌ wžéꞌ beꞌ ẕix̱enꞌ.

4
00:00:48,040 --> 00:00:59,240
Naž bchaḻj to benneꞌ wsedle che Jesusenꞌ, bennenꞌ lieꞌ Judas Iskariote, ẕiꞌn to benneꞌ lieꞌ Smon, naꞌ nakeꞌ bennenꞌ wdíeꞌ Jesusenꞌ ḻo naꞌgak benneꞌ yodoꞌ kaꞌ, naꞌ wnnéꞌ:

5
00:00:59,240 --> 00:01:07,820
—¿Biẕ chenꞌ bi wdóꞌw daꞌ ẕḻaꞌ ẕix̱enꞌ, daꞌ zakanꞌ láẕjwžo che to yiz, naꞌ gak no benneꞌ chiseꞌ mežwnꞌ chegak benneꞌ yacheꞌ kaꞌ?

6
00:01:07,820 --> 00:01:17,660
(Wnnéꞌ ki, kege danꞌ žeꞌ ḻažeꞌe benneꞌ yacheꞌ kaꞌ, san nakeꞌ wbán, naꞌ ḻekzeꞌ noeꞌe bzod mežw chégakeꞌ, naꞌ ẕkáꞌlaneꞌ mežwnꞌ daꞌ ẕgóꞌogakeꞌ ḻo bzodenꞌ.)

7
00:01:17,660 --> 00:01:25,400
Naž Jesusenꞌ gožeꞌ ḻeꞌ: —Le weꞌe latje, danꞌ nak daꞌ ni daꞌ beneꞌ to daꞌ ẕpeꞌen che ža gachaꞌa ḻo yežw ba.

8
00:01:25,400 --> 00:01:30,300
Benneꞌ yacheꞌ kaꞌ zej nnítaꞌḻentezeꞌ ḻeꞌe, san nedaꞌ bi gáꞌntezaꞌ gan zoale.

9
00:01:30,300 --> 00:01:44,700
Kateꞌ béngekle benneꞌ judío kaꞌ zoa Jesusenꞌ ḻo yež Betania, benneꞌ zan žjakeꞌ ga naꞌ, kégeze danꞌ zoa Jesusenꞌ ga naꞌ, san ḻezkaꞌ danꞌ žénegekleꞌ ḻéꞌegekleꞌ Lásaro, bennenꞌ besbán Jesusenꞌ ḻo yeḻaꞌ got.

10
00:01:44,700 --> 00:01:48,960
Naž bx̱oz wnná biaꞌ kaꞌ ben x̱tížaꞌgakeꞌ ḻezkaꞌ gótgakeꞌ Lásaronꞌ.

11
00:01:48,960 --> 00:01:57,600
Kaꞌ goken danꞌ benneꞌ zan, benneꞌ judío kaꞌ, žejḻéꞌgakeꞌ che Jesusenꞌ, naꞌ ba wléj yíchjgakeꞌ bx̱oz wnná biaꞌ kaꞌ niꞌa che Lásaronꞌ.