1
00:00:05,000 --> 00:00:12,660
Baḻe benneꞌ ziꞌtoꞌ kaꞌ zej nžageꞌ benneꞌ kaꞌ bžíngakeꞌ ḻo yež Jerusalén ža Lni Paskonꞌ nich wkáꞌn ẕéngakeꞌ Dios.

2
00:00:12,660 --> 00:00:24,040
Benneꞌ ziꞌtoꞌ kaꞌ bejchággakeꞌ Lip, benneꞌ Betsaida, yeženꞌ nbaben Galilea, naꞌ gótaꞌyoegekleꞌ ḻeꞌ, naꞌ wnnágakeꞌ: —Benneꞌ, žéneltoꞌ ḻeꞌeltoꞌ Bennenꞌ lieꞌ Jesús.

3
00:00:24,040 --> 00:00:30,260
Wyéj Lipenꞌ, naꞌ bzenleꞌ Ndres daꞌ ni. Naž Ndrezenꞌ ḻen Lipenꞌ bejzéngeklenꞌ Jesusenꞌ.

4
00:00:30,260 --> 00:00:38,540
Bechebe Jesusenꞌ, naꞌ gožeꞌ ḻégakeꞌ: —Zaꞌ žin ža gataꞌ nedaꞌ, Benneꞌ Goljeꞌ Benách, naꞌ yeyáꞌa latje chiaꞌ yaꞌabá che Dios.

5
00:00:38,540 --> 00:00:48,660
Daꞌ li žapaꞌ ḻeꞌe: gaꞌn toze to bínnedoꞌ chaꞌ bi gachenꞌ ḻo yo, naꞌ te chen. Chaꞌ te che bínnedonꞌ, ḻanꞌ, naꞌ wneẕjwn bínnedoꞌ zánḻeꞌeže.

6
00:00:48,660 --> 00:01:02,060
No benneꞌ žeꞌ ḻážeꞌzeꞌ yeḻaꞌ nban chieꞌ, wnitenꞌ, danꞌ gat to chiꞌize bennenꞌ. No benneꞌ bi žeꞌ ḻážeꞌzeꞌ yeḻaꞌ nban daꞌ napeꞌ yežlyó nga gape chiꞌen, naꞌ gataꞌ yeḻaꞌ nban daꞌ zejlí kanne chieꞌ.

7
00:01:02,060 --> 00:01:14,500
Chaꞌ žénele no benneꞌ goneꞌ x̱chinaꞌ, žaḻaꞌ gónḻeneꞌ nedaꞌ tẕen, naꞌ gan chejsóaꞌ nedaꞌ, chejsóa bennenꞌ žoneꞌ x̱chinaꞌ. Chaꞌ žon to benneꞌ x̱chinaꞌ, X̱ažo Dios gapeꞌ ḻeꞌ ba laꞌne.

8
00:01:14,500 --> 00:01:27,780
Ḻezkaꞌ wnná Jesusenꞌ: —Naꞌa žek zédḻeꞌelaꞌ. ¿Biẕkze nniaꞌ? ¿Nniaꞌ: X̱e, beslá nedaꞌ ḻo daꞌ žaḻaꞌ gaken chiaꞌ naꞌa? Che ḻen bḻaꞌa, nich soelaꞌ daꞌ žaḻaꞌ gaken chiaꞌ naꞌa.

9
00:01:27,780 --> 00:01:39,960
X̱e, ben ga ḻaꞌ ḻaw yeḻaꞌ ẕen chioꞌ. Naž benle chiꞌi to Benneꞌ ẕchaḻjeꞌ yaꞌabá che Dios, naꞌ wnnéꞌ: —Ba benaꞌ ga nḻaꞌ ḻaw yeḻaꞌ ẕen chiaꞌ, naꞌ daꞌ yoble gonaꞌ ga ḻaꞌ ḻawn.

10
00:01:39,960 --> 00:01:51,240
Benneꞌ zan, benneꞌ kaꞌ nnítaꞌgakeꞌ ga naꞌ, béngekleꞌ chiꞌi naꞌ, naꞌ wnnágakeꞌ: —¡Wzióꞌ wnnén! Yebaḻe benneꞌ kaꞌ wnnágakeꞌ: —To wbás che yaꞌabá che Dios bcháḻjḻeneꞌ Ḻeꞌ.

11
00:01:51,240 --> 00:01:58,100
Naž bechebe Jesusenꞌ, naꞌ gožeꞌ ḻégakeꞌ: —Benle chiꞌi naꞌ, kege niꞌa chiaꞌ nedaꞌ, san niꞌa chele ḻeꞌe.

12
00:01:58,100 --> 00:02:06,900
Ba bžin ža wchiꞌa ḻažeꞌ Dios benách yežlyó nga. Naꞌa Dios choꞌneꞌ daꞌ x̱iweꞌ naꞌle, danꞌ ẕnna bianꞌ benách kaꞌ nnítaꞌgakeꞌ yežlyó nga.

13
00:02:06,900 --> 00:02:17,240
Naꞌa, chaꞌ benneꞌ kaꞌ, benneꞌ gótgakeꞌ nedaꞌ, wchísgakeꞌ nedaꞌ, Benneꞌ Goljeꞌ Benách, žaꞌle, gonaꞌ ga dobgak yógoꞌte benách kaꞌ gan soaꞌ nedaꞌ.

14
00:02:17,240 --> 00:02:21,080
Ḻen daꞌ ni daꞌ bchaḻj Jesusenꞌ bḻoeꞌeleꞌ ḻaw kan gateꞌ.

15
00:02:21,080 --> 00:02:37,660
Benneꞌ zan kaꞌ belyiꞌe Jesusenꞌ, naꞌ wnnágakeꞌ: —Netoꞌ benltoꞌ chegak benneꞌ kaꞌ, benneꞌ béḻgakeꞌ x̱tižaꞌ Dios, daꞌ ẕnnan: “Sóateze Benneꞌ Cristonꞌ.” ¿Biẕ chenꞌ ẕnnoꞌ Leꞌ: “Žon byenen wchísgakeꞌ Benneꞌ Goljeꞌ Benách?” ¿Noẕkzenꞌ Benneꞌ Goljeꞌ Benách?

16
00:02:37,660 --> 00:02:53,720
Naž Jesusenꞌ gožeꞌ ḻégakeꞌ: —Yetó chíꞌidoꞌze sóaḻenaꞌ ḻeꞌe, naꞌ nakaꞌ baníꞌ chele. Le da kateꞌ ne zóaḻenaꞌ ḻeꞌe, naꞌ de banínꞌ chele, nich bi gak choḻ nitle. Nóteꞌteze benneꞌ ẕdeꞌ gan nak choḻ bi nnezleꞌ gan zejeꞌ.

17
00:02:53,720 --> 00:03:08,640
Kateꞌ ne zóaḻenaꞌ ḻeꞌe, nakaꞌ baníꞌ chele. Le chejḻéꞌ chiaꞌ nedaꞌ, nakaꞌ baníꞌ chele nich gakle ẕiꞌn Bennenꞌ nakeꞌ banínꞌ daꞌ naken ḻi ḻažeꞌ. Kateꞌ beyóž bchaḻj Jesusenꞌ, beyejeꞌ, naꞌ benít ḻaweꞌ gan nnítaꞌgakeꞌ.