1
00:00:05,000 --> 00:00:18,020
Daꞌ ni daꞌ ẕnniaꞌ bi žapaꞌ yógoꞌtele. Nónbiaꞌkzaꞌ benneꞌ kaꞌ wžekzaꞌ nedaꞌ, san žon byenen gak danꞌ nyejwn ḻeꞌe yiche laꞌy, danꞌ ẕnnan: “To benneꞌ žeꞌj žáwḻeneꞌ nedaꞌ tẕen wžiꞌe chiaꞌ nedaꞌ.”

2
00:00:18,020 --> 00:00:23,960
Naꞌa ẕḻoeꞌelaꞌ ḻeꞌe zgaꞌale kan gaken, nich katenꞌ gaken ki, naꞌ chejḻeꞌle zoakzaꞌ nedaꞌ.

3
00:00:23,960 --> 00:00:35,940
Daꞌ li žapaꞌ ḻeꞌe: no benneꞌ gapeꞌ to benneꞌ wbás ba laꞌne, benneꞌ seḻaꞌa nedaꞌ, ḻezkaꞌ gapeꞌ nedaꞌ ba laꞌne, naꞌ no benneꞌ gapeꞌ nedaꞌ ba laꞌne, ḻezkaꞌ gapeꞌ X̱aꞌ ba laꞌne, Bennenꞌ bseḻeꞌe nedaꞌ.

4
00:00:35,940 --> 00:00:45,760
Kateꞌ beyóž bchaḻj Jesusenꞌ daꞌ ni, gok nyacheꞌ ḻažeꞌe, naꞌ kwáselo wnnéꞌ: —Daꞌ li žapaꞌ ḻeꞌe: to benneꞌ zoeꞌ ládjwle ḻeꞌe nga wdíeꞌ nedaꞌ.

5
00:00:45,760 --> 00:00:55,620
Naž benneꞌ wsedle chieꞌ kaꞌ bwíagakeꞌ ḻaw ljéžgakeꞌ toeꞌ yetóeꞌ, naꞌ gok zédgekleꞌ, naꞌ wzáꞌ ḻážeꞌgakeꞌ nólegakeꞌ bchaḻj Jesusenꞌ chieꞌ.

6
00:00:55,620 --> 00:01:00,260
To benneꞌ wsedle chieꞌ, bennenꞌ Jesusenꞌ nžiꞌileꞌ ḻeꞌ, zoeꞌ kwiteꞌ.

7
00:01:00,260 --> 00:01:05,500
Smon Bedw bḻoéꞌezeleꞌ bennenꞌ nich nnableꞌ Jesusenꞌ nólegakeꞌ bchaḻjeꞌ chieꞌ.

8
00:01:05,500 --> 00:01:11,060
Naž bennenꞌ zoeꞌ kwit Jesusenꞌ gožeꞌ Ḻeꞌ: —X̱an, ¿noẕenꞌ bchaḻjoꞌ chieꞌ?

9
00:01:11,060 --> 00:01:21,540
Bechebe Jesusenꞌ, naꞌ gožeꞌ ḻeꞌ: —Bennenꞌ waꞌa-neꞌ yet x̱til daꞌ nbisen. Naž besbiseꞌ yet x̱tilenꞌ, naꞌ biꞌen che Judas Iskariote, ẕiꞌn to benneꞌ lieꞌ Smon.

10
00:01:21,540 --> 00:01:30,800
Beyóž bdaw Judas naꞌ yet x̱tilenꞌ, wyáz daꞌ x̱iweꞌ ḻo yichj ḻáẕdaꞌweꞌ. Naž Jesusenꞌ gožeꞌ ḻeꞌ: —Danꞌ yoꞌo ḻažoꞌo gonoꞌ, bentgan naꞌa.

11
00:01:30,800 --> 00:01:39,120
Yezikaꞌ benneꞌ wsedle kaꞌ che Jesusenꞌ, benneꞌ žéꞌgakeꞌ ga naꞌ, naꞌ žeꞌj žáwgakeꞌ, bi žejníꞌigekleꞌ biẕ chenꞌ gožeꞌ ḻeꞌ ki.

12
00:01:39,120 --> 00:01:49,300
Danꞌ nwaꞌ Judas naꞌ bzod mežw chégakeꞌ, che ḻen gókgekleꞌ baḻeꞌ Jesusenꞌ gožeꞌ ḻeꞌ: “Bejx̱íꞌ daꞌ gawžo” o wnnéꞌ: “Biaꞌ lateꞌ chegak benneꞌ yacheꞌ kaꞌ.”

13
00:01:49,300 --> 00:01:54,700
Katenꞌ Judas naꞌ beyóž bdaweꞌ yet x̱tilenꞌ, naꞌ ḻaꞌ bžojtieꞌ, ne nak žel.

14
00:01:54,700 --> 00:02:04,160
Kateꞌ ba bžoj Judas, wnná Jesusenꞌ: —Naꞌa zaꞌ ḻaꞌ ḻaw yeḻaꞌ ẕen chiaꞌ nedaꞌ, Benneꞌ Goljeꞌ Benách, naꞌ ḻezkaꞌ ḻaꞌ ḻaw yeḻaꞌ ẕen che Dios.

15
00:02:04,160 --> 00:02:14,340
Chaꞌ ḻaꞌ ḻaw yeḻaꞌ ẕen che Dios niꞌa chiaꞌ nedaꞌ, Ẕiꞌneꞌ, ḻezkaꞌ gonkze Dios ga ḻaꞌ ḻaw yeḻaꞌ ẕen chiaꞌ nedaꞌ, Ẕiꞌneꞌ, naꞌ ḻaꞌ gontieꞌ ki.

16
00:02:14,340 --> 00:02:26,880
Ḻeꞌe, ẕíꞌnaꞌdoꞌ kaꞌ, yetó chíꞌidoꞌze zóaḻenaꞌ ḻeꞌe. Yeyiljle nedaꞌ, naꞌ kan ba gožaꞌ benneꞌ judío kaꞌ, ḻezkaꞌ žapaꞌ ḻeꞌe naꞌa: gan chaꞌa nedaꞌ, bi gak yidle žakze chele.

17
00:02:26,880 --> 00:02:35,200
To daꞌ kobe ẕchiꞌlaꞌ ḻeꞌe: le žiꞌil lježle tole yetole. Kan nedaꞌ nžiꞌilaꞌ ḻeꞌe, ḻezkaꞌ žaḻaꞌ žíꞌilele lježle tole yetole.

18
00:02:35,200 --> 00:02:40,700
Chaꞌ žíꞌilele lježle tole yetole, gékbeꞌegekle yógoꞌte benách žónḻenle nedaꞌ tẕen.

19
00:02:40,700 --> 00:02:53,220
Naž Smon Bedw wnnableꞌ Jesusenꞌ, naꞌ wnnéꞌ: —X̱an, ¿gaẕkzenꞌ chejoꞌ? Bechebe Jesusenꞌ, naꞌ wnnéꞌ: —Gan chaꞌa nedaꞌ, bi gak sáꞌḻenoꞌ nedaꞌ naꞌa, san te naꞌa yidoꞌ gan chaꞌa nedaꞌ.

20
00:02:53,220 --> 00:03:02,040
Bedonꞌ gožeꞌ Ḻeꞌ: —X̱an, ¿biẕ chenꞌ bi gak sáꞌḻenaꞌ Leꞌ naꞌa? Zoakzaꞌ wdíaꞌ yeḻaꞌ nban chiaꞌ, naꞌ gataꞌ danꞌ nžiꞌilaꞌ Leꞌ.

21
00:03:02,040 --> 00:03:14,220
Bechebe Jesusenꞌ, naꞌ gožeꞌ ḻeꞌ: —¿Wdíoꞌ yeḻaꞌ nban chioꞌ danꞌ nžiꞌiloꞌ nedaꞌ? Daꞌ li žapaꞌ leꞌ, zgaꞌale kateꞌ kweže lekoꞌ, wžiꞌo chiaꞌ chonne chiꞌi, naꞌ nnoꞌ bi nónbiꞌo nedaꞌ.