1
00:00:05,000 --> 00:00:14,800
Ḻezkaꞌ Jesusenꞌ gožeꞌ ḻégakeꞌ: —Nakaꞌ nedaꞌ ka to lba uba daꞌ naken ḻi ḻažeꞌ, naꞌ X̱aꞌ nakeꞌ ka benneꞌ žaz žaꞌn, benneꞌ žape chiꞌe lbanꞌ.

2
00:00:14,800 --> 00:00:27,940
Chogeꞌ bíteꞌteze niꞌa naꞌ lbanꞌ, danꞌ nakaꞌ nedaꞌ, daꞌ kaꞌ bi be želbían, naꞌ wchiꞌe yógoꞌte niꞌa nenꞌ kaꞌ, daꞌ želbían, nich gákgaken chaweꞌ, naꞌ kwíagaken yelateꞌ.

3
00:00:27,940 --> 00:00:31,480
Ḻeꞌe ba nakle chaweꞌ niꞌa che dižanꞌ daꞌ ba bcháḻjḻenaꞌ ḻeꞌe.

4
00:00:31,480 --> 00:00:47,820
Le gónḻenteze nedaꞌ tẕen, kan nedaꞌ žónḻentezaꞌ ḻeꞌe tẕen. Kan nak che niꞌa naꞌ lbanꞌ, bi be gak kwian žakze chen, chaꞌ bi gónḻentezen lbanꞌ tẕen, ḻezkaꞌ naken chele, bi be gak gonle chaꞌ bi gónḻentezle nedaꞌ tẕen.

5
00:00:47,820 --> 00:01:02,940
ꞌNakaꞌ nedaꞌ ka lbanꞌ, naꞌ ḻeꞌe nakle ka niꞌa nenꞌ kaꞌ. No benneꞌ gónḻentezeꞌ nedaꞌ tẕen, kan nedaꞌ žónḻentezaꞌ ḻeꞌ tẕen, benneꞌ ni nakeꞌ ka niꞌa naꞌ lbanꞌ danꞌ ẕbian daꞌ ẕenḻeꞌe, danꞌ chaꞌ yekwasle ḻen nedaꞌ, bi be gak gonle.

6
00:01:02,940 --> 00:01:18,980
No benneꞌ bi gónḻentezeꞌ nedaꞌ tẕen, gak chieꞌ kan žak chegak niꞌa naꞌ lbanꞌ, daꞌ kaꞌ bi zej naken chaweꞌ, Ẕchóggakeꞌ niꞌa nenꞌ kaꞌ, naꞌ bížgaken. Katenꞌ ba nbižgak niꞌa nenꞌ kaꞌ, naꞌ wtóbgakenꞌ, naꞌ chóꞌngakenꞌ ḻo yiꞌ, naꞌ chéygaken.

7
00:01:18,980 --> 00:01:26,520
ꞌChaꞌ gónḻentezle nedaꞌ tẕen, naꞌ chaꞌ gonle kan ẕnna x̱tižaꞌa, wake nnable bi daꞌ yénelele, naꞌ nedaꞌ gonanꞌ.

8
00:01:26,520 --> 00:01:37,420
Gaple ḻeꞌe X̱ažo Dios ba laꞌne katenꞌ gonle x̱chineꞌ, naꞌ gakle ka niꞌa naꞌ lbanꞌ, daꞌ kaꞌ želbían, naꞌ ki gak biaꞌ daꞌ li nakle benneꞌ kaꞌ žónḻengakeꞌ nedaꞌ tẕen.

9
00:01:37,420 --> 00:01:44,020
Kan X̱ažo Dios nžiꞌileꞌ nedaꞌ, ḻezkaꞌ nžiꞌilaꞌ ḻeꞌe. Le gónteze kan žaḻaꞌ gon no benneꞌ nžiꞌilaꞌ-neꞌ.

10
00:01:44,020 --> 00:01:56,100
Chaꞌ gonle kan žapaꞌ ḻeꞌe, gonle kan žaḻaꞌ gon no benneꞌ nžiꞌilaꞌ-neꞌ, kan nedaꞌ žonaꞌ kan X̱ažo Dios ba gožeꞌ nedaꞌ gonaꞌ, naꞌ žóntezaꞌ daꞌ žaz ḻažeꞌ Dios, Bennenꞌ nžiꞌileꞌ nedaꞌ.

11
00:01:56,100 --> 00:02:02,300
ꞌDaꞌ ki žapaꞌ ḻeꞌe nich yebélele tẕen ḻen nedaꞌ, naꞌ gaken dot ḻi ḻažeꞌ kan yebélele.

12
00:02:02,300 --> 00:02:08,240
Daꞌ ni naken daꞌ ẕchiꞌlaꞌ ḻeꞌe gonle: le žiꞌil lježle tole yetole, kan nedaꞌ nžiꞌilaꞌ ḻeꞌe.

13
00:02:08,240 --> 00:02:17,280
Bi gak no benneꞌ žíꞌiželeꞌ lježeꞌ ka gon bennenꞌ wdíeꞌ yeḻaꞌ nban chieꞌ, naꞌ gateꞌ nich gákḻeneꞌ lježeꞌ kaꞌ danꞌ nžiꞌileꞌ ḻégakeꞌ.

14
00:02:17,280 --> 00:02:21,100
Ḻeꞌe nakle ljéžaꞌdoꞌ kaꞌ chaꞌ gonle kan bchiꞌlaꞌ ḻeꞌe gonle.

15
00:02:21,100 --> 00:02:33,060
Biž nniaꞌ chele nakle wen žin chiaꞌ kaꞌ, danꞌ bi nnezle benneꞌ wen žin daꞌ gon x̱aneꞌ. Nedaꞌ wnníaꞌ chele nakle ljéžaꞌdoꞌ kaꞌ, danꞌ benaꞌ ga nnézlele yógoꞌte daꞌ gož X̱aꞌ nedaꞌ gonaꞌ.

16
00:02:33,060 --> 00:02:51,360
Kege ḻeꞌe wžele nedaꞌ, san nedaꞌ wžekzaꞌ ḻeꞌe, naꞌ bnnitaꞌa ḻeꞌe nich chejle bi daꞌ chjenle, kan žongak niꞌa naꞌ lbanꞌ, daꞌ kaꞌ želbían daꞌ ẕenḻeꞌe, naꞌ gáꞌnteze danꞌ gonle. Ki gaken, X̱ažo Dios gonneꞌ chele yógoꞌte daꞌ nnáblele-neꞌ, katenꞌ wkónlele žin laꞌ nedaꞌ.

17
00:02:51,360 --> 00:02:56,440
Daꞌ ni naken daꞌ ẕchiꞌlaꞌ ḻeꞌe gonle. Le žiꞌil lježle tole yetole.