1
00:00:05,000 --> 00:00:29,640
Naž bchéꞌgakeꞌ Jesusenꞌ, naꞌ bezáꞌgakeꞌ liž Kaifás, naꞌ bžíngakeꞌ yolaweꞌ che benneꞌ wnná biaꞌ, danꞌ nzinꞌ Pretorio. Danꞌ ba žaꞌníꞌ ža naꞌ, naꞌ benneꞌ judío kaꞌ bi wyóꞌogakeꞌ yolawenꞌ danꞌ žékgekleꞌ bágaꞌgakeꞌ ẕia chaꞌ chóꞌogakeꞌ ga naꞌ, daꞌ gonen ga bi gak gáwgakeꞌ x̱cheꞌ Lni Paskoꞌ, lninꞌ žejsáꞌ ḻážeꞌgakeꞌ kan ben Dios, katenꞌ bebejeꞌ benneꞌ Israel kaꞌ ḻo yežlyó Egipto.

2
00:00:29,640 --> 00:00:36,880
Naž bžoj Pilato, benneꞌ wnná bianꞌ, naꞌ bḻeꞌe gan nnítaꞌgakeꞌ, naꞌ gožeꞌ ḻégakeꞌ: —¿Biẕ ẕia žesbágaꞌle benneꞌ ni?

3
00:00:36,880 --> 00:00:42,140
Bežíꞌigakeꞌ, naꞌ belyiꞌe ḻeꞌ: —Chelaꞌ bi nbagaꞌ benneꞌ ni ẕia, bi wdetoꞌ-neꞌ ḻawoꞌ.

4
00:00:42,140 --> 00:00:54,820
Naž Pilatonꞌ gožeꞌ ḻégakeꞌ, naꞌ wnnéꞌ: —Ḻeꞌekze le chiꞌe, naꞌ le wchiꞌa ḻažeꞌe Ḻeꞌ kan ẕnna daꞌ žsédlele ḻeꞌe. Benneꞌ judío kaꞌ belyiꞌe ḻeꞌ, naꞌ wnnágakeꞌ: —Bi nziꞌ ḻo naꞌtoꞌ gottoꞌ no benneꞌ.

5
00:00:54,820 --> 00:00:58,760
Kaꞌ goken, bžin x̱tižaꞌ Jesusenꞌ, daꞌ wnníeꞌ kan gateꞌ.

6
00:00:58,760 --> 00:01:05,920
Naž Pilatonꞌ beyoéꞌe yolawenꞌ, naꞌ bḻižeꞌ Jesusenꞌ, naꞌ gožeꞌ Ḻeꞌ: —¿Nakoꞌ leꞌ benneꞌ nna biꞌe benneꞌ judío kaꞌ?

7
00:01:05,920 --> 00:01:12,700
Bechebe Jesusenꞌ, naꞌ gožeꞌ ḻeꞌ: —¿Žakze chioꞌ ẕnnoꞌ ki, o gožgak benách kaꞌ leꞌ ki naken chiaꞌ?

8
00:01:12,700 --> 00:01:21,640
Pilatonꞌ gožeꞌ Ḻeꞌ: —¿Žekloꞌ nakaꞌ benneꞌ judío? Benneꞌ wláž chioꞌ kaꞌ, naꞌ bx̱oz wnná biaꞌ kaꞌ, bdégakeꞌ Leꞌ ḻo naꞌa. ¿Biẕkze benoꞌ?

9
00:01:21,640 --> 00:01:43,000
Naž bechebe Jesusenꞌ, naꞌ gožeꞌ ḻeꞌ: —Ẕnna biꞌa nedaꞌ, san kege kan ẕnna biaꞌgak benách kaꞌ nnítaꞌgakeꞌ yežlyó nga. Chelaꞌ ẕnna biꞌa kan ẕnna biaꞌgak benách kaꞌ, naꞌ tiḻgak benneꞌ kaꞌ žónḻengakeꞌ nedaꞌ tẕen, nich bi wéꞌgakeꞌ latje no benneꞌ wdíeꞌ nedaꞌ ḻo naꞌgak benneꞌ judío kaꞌ. Kan ẕnna biꞌa nedaꞌ bi naken kan ẕnna biaꞌgak benách kaꞌ nnítaꞌgakeꞌ yežlyó nga.

10
00:01:43,000 --> 00:02:00,040
Naž Pilatonꞌ gožeꞌ Ḻeꞌ: —¿Nakoꞌ benneꞌ ẕnna biꞌe? Bechebe Jesusenꞌ, naꞌ gožeꞌ ḻeꞌ: —Nakaꞌ kan ẕnnoꞌ. Che ḻen goljaꞌ yežlyó nga, nich wzóa liaꞌ che daꞌ naken dot daꞌ li. Yógoꞌte benneꞌ kaꞌ, benneꞌ žóngakeꞌ daꞌ naken dot daꞌ li, ẕze nággakeꞌ daꞌ ẕnniaꞌ.

11
00:02:00,040 --> 00:02:15,000
Pilatonꞌ gožeꞌ Ḻeꞌ: —¿Biẕenꞌ daꞌ naken dot daꞌ li? Kateꞌ beyóž wnná Pilato ki, bežojeꞌ ga naꞌ, naꞌ bḻeꞌe daꞌ yoble gan zej nnitaꞌ benneꞌ judío wnná biaꞌ kaꞌ, naꞌ gožeꞌ ḻégakeꞌ: —Bi be daꞌ ẕia bžeḻ-laꞌ daꞌ nbagaꞌ benneꞌ ni.

12
00:02:15,000 --> 00:02:27,920
Ḻeꞌe de to daꞌ žónteze žonle kateꞌ žak Lni Paskoꞌ ni, ẕnnáblele nedaꞌ wsanaꞌ ḻo naꞌle to benneꞌ nyejweꞌ liž ya. ¿Žénelele wsanaꞌ ḻo naꞌle benneꞌ ẕnna biꞌe benneꞌ judío kaꞌ?

13
00:02:27,920 --> 00:02:38,120
Naž wžéžeyaꞌagakeꞌ zižje yógoꞌtegakeꞌ, naꞌ wnnágakeꞌ: —Kege benneꞌ ni, san Barrabás wsanoꞌ-neꞌ ḻo naꞌtoꞌ. Barrabásenꞌ nakeꞌ benneꞌ wen daꞌ ẕinnj.