1
00:00:05,000 --> 00:00:13,700
Che ḻen Pilatonꞌ bdieꞌ Jesusenꞌ ḻo náꞌgakeꞌ, nich chejdáꞌgakeꞌ Ḻeꞌ ḻeꞌe yag kroze. Naž béx̱wgakeꞌ Jesusenꞌ, naꞌ bchéꞌgakeꞌ Ḻeꞌ naꞌle.

2
00:00:13,700 --> 00:00:22,960
Bžoj Jesusenꞌ ga naꞌ, naꞌ noeꞌe yag kroze chieꞌ, nich chejeꞌ latjenꞌ danꞌ nzinꞌ Latje Che Žit Yichjžo, naꞌ kan nak dižaꞌ hebreo nzinꞌ Gólgota.

3
00:00:22,960 --> 00:00:34,520
Ḻo latjenꞌ bdáꞌgakeꞌ Jesusenꞌ ḻeꞌe yag krozenꞌ, naꞌ bdáꞌgakeꞌ yechope benneꞌ ḻeꞌe yag kroze kaꞌ ga naꞌ. Cheḻáꞌa weje zej deꞌe, naꞌ Jesusenꞌ deꞌe gachje ḻáweꞌle gan daꞌgak chope benneꞌ kaꞌ.

4
00:00:34,520 --> 00:00:43,620
Pilatonꞌ bseḻeꞌe to benneꞌ bzojeꞌ to daꞌ bdeꞌe ḻeꞌe yag kroze yichjle Jesusenꞌ, daꞌ ẕnnan ki: “Jesús, benneꞌ Nasaret, benneꞌ ẕnna biꞌe benneꞌ judío kaꞌ.”

5
00:00:43,620 --> 00:00:55,680
Benneꞌ zan, benneꞌ judío kaꞌ, beḻgakeꞌ dižanꞌ, danꞌ naken gawze žoaꞌa yež gan bdáꞌgakeꞌ Jesusenꞌ ḻeꞌe yag krozenꞌ, naꞌ dižanꞌ nyejwn ḻen dižaꞌ hebreo, naꞌ ḻen dižaꞌ griego, naꞌ ḻen dižaꞌ latín.

6
00:00:55,680 --> 00:01:06,920
Bx̱oz wnná biaꞌ kaꞌ chegak benneꞌ judío kaꞌ belyiꞌe Pilatonꞌ, naꞌ wnnágakeꞌ: —Bi wzojoꞌ: “Benneꞌ ẕnna biꞌe benneꞌ judío kaꞌ.” Bzoj ki: “Ḻeꞌ wnnéꞌ nna biꞌe benneꞌ judío kaꞌ.”

7
00:01:06,920 --> 00:01:11,880
Bežíꞌi Pilatonꞌ, naꞌ gožeꞌ ḻégakeꞌ: —Daꞌ ba bzojaꞌ, to chiꞌize bzojanꞌ.

8
00:01:11,880 --> 00:01:29,680
Kateꞌ benneꞌ kaꞌ žjakeꞌ ḻo wdiḻe, beyóž bdáꞌgakeꞌ Jesusenꞌ ḻeꞌe yag krozenꞌ, naꞌ béx̱wgakeꞌ lažeꞌ daꞌ gokweꞌ. Wléjgakenꞌ tápele, naꞌ goken to kweꞌ weje daꞌ gotaꞌ che chégakeꞌ. Ḻezkaꞌ béx̱wgakeꞌ laženꞌ daꞌ bx̱oa yen Jesusenꞌ, naꞌ laženꞌ bi ndian, san naken to wḻize.

9
00:01:29,680 --> 00:01:52,240
Naž benneꞌ kaꞌ žjakeꞌ ḻo wdiḻe, belyiꞌe ljéžgakeꞌ toeꞌ yetóeꞌ, naꞌ wnnágakeꞌ: —Bi chogžon, san gakže chaweꞌ kwejžo daꞌ gak bianꞌ, nich nnezlžo nolžo gaken chežo. Kaꞌ goken, bžin danꞌ nyejw ḻeꞌe yiche laꞌy, daꞌ ẕnnan: Wdísgakeꞌ lažeꞌ nakwaꞌ che chégakeꞌ, naꞌ che lažeꞌ chiaꞌ wléjgakeꞌ daꞌ nak bianꞌ. Ki bengak benneꞌ kaꞌ žjakeꞌ ḻo wdiḻe.

10
00:01:52,240 --> 00:02:02,180
Gawze gan daꞌ Jesusenꞌ ḻeꞌe yag krozenꞌ wnnítaꞌgak noꞌle kaꞌ. Zej nakeꞌ x̱neꞌe, naꞌ noꞌle bile x̱neꞌe, naꞌ Lia, ẕoꞌle Kleofas, naꞌ Lia Madlen.

11
00:02:02,180 --> 00:02:13,200
Kateꞌ Jesusenꞌ bḻeꞌeleꞌ x̱neꞌe, naꞌ ḻezkaꞌ bḻeꞌeleꞌ benneꞌ wsedle chieꞌ, bennenꞌ nžiꞌileꞌ, zoeꞌ ga naꞌ, gožeꞌ x̱neꞌe: —Nóꞌledoꞌ, bwia ẕiꞌnoꞌ zoeꞌ kwitoꞌ leꞌ.

12
00:02:13,200 --> 00:02:21,420
Naž gožeꞌ benneꞌ wsedle chieꞌ naꞌ: —Bwia, x̱noꞌo zoeꞌ kwitoꞌ leꞌ. Ḻaꞌ ža naꞌze benneꞌ wsedlenꞌ bchiꞌe ḻeꞌ nich chejsóeꞌ ližeꞌ.

13
00:02:21,420 --> 00:02:29,200
Wdé naꞌ, danꞌ nnézkzele Jesusenꞌ yógoꞌte ba goken, naꞌ nich žin daꞌ nyejw ḻeꞌe yiche laꞌy, wnnéꞌ: —Ẕbiḻaꞌ nis.

14
00:02:29,200 --> 00:02:41,320
De to žeꞌe ga naꞌ, daꞌ yožen nop zichj. Naž to benneꞌ žejeꞌ ḻo wdiḻe besbiseꞌ to daꞌ bḻol ḻen nop zichjenꞌ, naꞌ bzoenꞌ ḻaw to ya x̱til, naꞌ bdeꞌen žoaꞌa Jesusenꞌ nich x̱openꞌ.

15
00:02:41,320 --> 00:02:49,440
Beyóž weꞌj Jesusenꞌ nop zichjenꞌ, naꞌ wnnéꞌ: —Ba nakten. Naž bzechweꞌ yichjeꞌ. Bežojte beꞌ nakkzeꞌ, naꞌ goteꞌ.

16
00:02:49,440 --> 00:03:11,480
Naž, danꞌ nak ža zaꞌ žin Lni Paskoꞌ, naꞌ danꞌ bi žaḻaꞌ gaꞌngak benneꞌ gat kaꞌ ḻeꞌe yag kroze kaꞌ kateꞌ nak ža laꞌy chégakeꞌ, naꞌ naken to ža laꞌy ẕente, che ḻen benneꞌ judío kaꞌ gótaꞌyoegekleꞌ Pilatonꞌ yiꞌe benneꞌ kaꞌ žjakeꞌ ḻo wdiḻe, chejtíchjwgakeꞌ x̱kachjgak benneꞌ kaꞌ dáꞌgakeꞌ ḻeꞌe yag kroze kaꞌ, naꞌ wetíngakeꞌ ḻégakeꞌ ḻeꞌe yag kroze kaꞌ.

17
00:03:11,480 --> 00:03:21,280
Che ḻen benneꞌ kaꞌ žjakeꞌ ḻo wdiḻe wbígaꞌgakeꞌ ga naꞌ, naꞌ bdíchjwgakeꞌ x̱kachje benneꞌ nežw, naꞌ ḻezkaꞌ béngakeꞌ che yetó bennenꞌ dáꞌḻeneꞌ Jesusenꞌ ḻeꞌe yag kroze.

18
00:03:21,280 --> 00:03:26,760
Kateꞌ bžíngakeꞌ gan daꞌ Jesusenꞌ, bḻéꞌegekleꞌ ba goteꞌ, naꞌ bi bdíchjwgakeꞌ x̱kachjeꞌ.

19
00:03:26,760 --> 00:03:33,580
Naž to benneꞌ žejeꞌ ḻo wdiḻe godweꞌ yag ntocheꞌ chieꞌ ḻeꞌel sinaꞌ Jesusenꞌ, naꞌ ḻaꞌ bžojte žen, naꞌ nis.

20
00:03:33,580 --> 00:03:43,780
Nedaꞌ, Ẕwa, bḻeꞌelaꞌ daꞌ ni, naꞌ ẕzoa lianꞌ, naꞌ daꞌ ẕnniaꞌ naken dot daꞌ li. Nnézkzelaꞌ ẕchaḻjaꞌ daꞌ naken dot daꞌ li, nich ḻezkaꞌ ḻeꞌe chejḻeꞌle che Jesusenꞌ.

21
00:03:43,780 --> 00:03:49,120
Ki goken, bžin daꞌ nyejw ḻeꞌe yiche laꞌy, daꞌ ẕnnan: “Bi gachjw nitó žit yoeꞌe.”

22
00:03:49,120 --> 00:03:54,140
Yetó daꞌ nyejw ḻeꞌe yiche ẕnnan ki: “Wíagakeꞌ bennenꞌ godweꞌ Ḻeꞌ yag ntocheꞌ.”