1
00:00:05,000 --> 00:00:25,100
Wdé gokgak yógoꞌte daꞌ ki, Jwsé, to benneꞌ yež Arimatea, benneꞌ žónḻeneꞌ Jesusenꞌ tẕen, san ngácheꞌze danꞌ ẕžebeꞌ benneꞌ judío wnná biaꞌ kaꞌ, wyejeꞌ, naꞌ wnnableꞌ Pilato weꞌe ḻeꞌ latje yekéꞌe Jesusenꞌ. Pilatonꞌ biꞌe ḻeꞌ latje. Naž bḻaꞌ Jwsénꞌ gan daꞌ Jesusenꞌ ḻeꞌe yag krozenꞌ, naꞌ bekéꞌe Ḻeꞌ.

2
00:00:25,100 --> 00:00:36,880
Ḻezkaꞌ Nikodemo, bennenꞌ zgaꞌale bejwíeꞌ Jesusenꞌ žel, bḻeꞌe ga naꞌ, naꞌ noeꞌe to nežw sḻaꞌ che yag mirra, daꞌ nchix̱en to daꞌ ẕḻaꞌ ẕix̱, daꞌ naken ka to gaywáꞌ ya.

3
00:00:36,880 --> 00:00:52,340
Naž Jwsénꞌ ḻen Nikodemonꞌ betínngakeꞌ Jesusenꞌ, naꞌ bchéḻgakeꞌ Ḻeꞌ lážeꞌdoꞌ kaꞌ, naꞌ bdébgakeꞌ ḻawn nežw sḻanꞌ che mirra, daꞌ nchix̱en daꞌ ẕḻaꞌ ẕix̱. Béngakeꞌ kan žónteze žongak benneꞌ judío kaꞌ kateꞌ ẕkácheꞌgakeꞌ benneꞌ gat kaꞌ.

4
00:00:52,340 --> 00:01:05,220
Gawze gan bdáꞌgakeꞌ Jesusenꞌ ḻeꞌe yag kroze de to yežlyó, naꞌ gachje ḻáweꞌle yežlyónꞌ zoa to yežw ba kobe daꞌ nádjwgakenꞌ ḻeꞌe yaꞌa yej, naꞌ ḻo yežw banꞌ bi naꞌ gacheꞌ nitó benneꞌ.

5
00:01:05,220 --> 00:01:12,800
Wlóꞌogakeꞌ Jesusenꞌ ḻo yežw banꞌ danꞌ ženꞌ gawze, naꞌ danꞌ nak ža ẕkwezgak benneꞌ judío kaꞌ che Lni Paskonꞌ.

6
00:01:12,800 --> 00:01:23,580
Kateꞌ ba nak zildoꞌ ža nežw, naꞌ ne nak choḻ, wyéj Lia Madlen žoaꞌa yežw banꞌ, naꞌ bḻeꞌeleꞌ ba bkwas yej blag daꞌ bsejwn gan žoꞌo no benneꞌ ḻo yežw banꞌ.

7
00:01:23,580 --> 00:01:36,700
Naž taría taría beyéj Lianꞌ gan zoa Smon Bedw, naꞌ zoaḻen yetó benneꞌ wsedle ḻeꞌ, bennenꞌ Jesusenꞌ nžiꞌileꞌ ḻeꞌ, naꞌ gožeꞌ ḻégakeꞌ: —¡Bebéjgakeꞌ X̱anžonꞌ ḻo yežw banꞌ, naꞌ bi nnezltoꞌ gan wlóꞌogakeꞌ Ḻeꞌ!

8
00:01:36,700 --> 00:01:41,340
Naž bžoj Bedonꞌ ḻen yetó benneꞌ wsedlenꞌ, naꞌ jakeꞌ žoaꞌa yežw banꞌ.

9
00:01:41,340 --> 00:01:47,740
Tẕen wzáꞌḻeꞌegakeꞌ, san yetóenꞌ taríaže wzéꞌe ka Bedonꞌ, naꞌ zgaꞌaleꞌ ḻeꞌ bžineꞌ žoaꞌa yežw banꞌ.

10
00:01:47,740 --> 00:01:56,280
Byechweꞌ, naꞌ bwieꞌ ḻo yežw banꞌ, naꞌ bḻeꞌeleꞌ lážeꞌdoꞌ kaꞌ daꞌ bchéḻgakenꞌ Jesusenꞌ, daꞌ kaꞌ zej nnitanꞌ ga naꞌ, san bi wyoéꞌe ḻo yežw banꞌ.

11
00:01:56,280 --> 00:02:03,960
Wdé naꞌ bḻaꞌ Smon Bedonꞌ x̱kóžeꞌle benneꞌ wsedlenꞌ, naꞌ wyoéꞌe ḻeꞌ ḻo yežw banꞌ, naꞌ bḻeꞌeleꞌ lážeꞌdoꞌ kaꞌ zej nnitanꞌ ga naꞌ.

12
00:02:03,960 --> 00:02:11,420
Ḻezkaꞌ bḻeꞌeleꞌ lážeꞌdonꞌ daꞌ bchéḻgakenꞌ yichj Jesusenꞌ, naꞌ bi žéꞌḻenen yezikaꞌ lážeꞌdoꞌ kaꞌ, san cheḻaꞌale ndoben.

13
00:02:11,420 --> 00:02:19,560
Naž wyóꞌo benneꞌ wsedlenꞌ, bennenꞌ bžineꞌ zgaꞌaleꞌ žoaꞌa yežw banꞌ, naꞌ bḻeꞌeleꞌ kan naken, naꞌ bejḻiꞌe daꞌ wnná Jesusenꞌ.

14
00:02:19,560 --> 00:02:27,640
Kaꞌ goken, danꞌ bi naꞌ chejniꞌileꞌ daꞌ nyejw ḻeꞌe yiche laꞌy kan žon byenen gaken che Jesusenꞌ, daꞌ ẕnnan yebaneꞌ ḻo yeḻaꞌ got.

15
00:02:27,640 --> 00:02:31,320
Naž žopte benneꞌ wsedle kaꞌ beyéjgakeꞌ lížgakeꞌ.

16
00:02:31,320 --> 00:02:37,920
Bgaꞌn Lia kwitle yežw banꞌ, naꞌ ẕbežeꞌ. Kateꞌ ne ẕbežeꞌ, byechweꞌ, naꞌ bwieꞌ ḻo yežw banꞌ.

17
00:02:37,920 --> 00:02:49,560
Bḻeꞌeleꞌ chope wbás che yaꞌabá che Dios nnítaꞌgakeꞌ ga naꞌ, naꞌ zej nakweꞌ lažeꞌ chich. Žéꞌgakeꞌ ga naꞌ, toeꞌ yichjle yežw banꞌ, naꞌ yetóeꞌ x̱níꞌale yežw banꞌ gan wlóꞌogakeꞌ Jesusenꞌ.

18
00:02:49,560 --> 00:02:59,620
Wbás che yaꞌabá kaꞌ belyiꞌe ḻeꞌ, naꞌ wnnágakeꞌ: —Nóꞌledoꞌ, ¿biẕ chenꞌ ẕbežoꞌ? Lianꞌ gožeꞌ ḻégakeꞌ: —Danꞌ bekáꞌagakeꞌ X̱anaꞌ, naꞌ bi nnezlaꞌ gan wlóꞌogakeꞌ Ḻeꞌ.

19
00:02:59,620 --> 00:03:07,660
Kateꞌ beyóž wnnéꞌ ki, bwieꞌ x̱kóžeꞌleꞌ, naꞌ bḻeꞌeleꞌ Jesusenꞌ, zoeꞌ ga naꞌ, san bi gókbeꞌeleꞌ chaꞌ Jesusenꞌ.

20
00:03:07,660 --> 00:03:22,860
Naž Jesusenꞌ gožeꞌ ḻeꞌ: —Nóꞌledoꞌ, ¿biẕ chenꞌ ẕbežoꞌ? ¿Noẕ benneꞌ žeyiljoꞌ? Danꞌ žekle Lianꞌ nakeꞌ Ḻeꞌ benneꞌ žape chiꞌe yežlyónꞌ, naꞌ gožeꞌ Ḻeꞌ: —Benneꞌ, chaꞌ leꞌ bebejoꞌ-neꞌ, bḻoeꞌel nedaꞌ gan wlóꞌo-neꞌ, naꞌ nedaꞌ yeyoáꞌa-neꞌ.

21
00:03:22,860 --> 00:03:33,380
Naž Jesusenꞌ gožeꞌ ḻeꞌ: —Lia. Naž byechj Lianꞌ, naꞌ ḻen dižaꞌ hebreo gožeꞌ Ḻeꞌ: —Raboní. Dižaꞌ hebreo ni ẕnnan: “Benneꞌ Wsedle chiaꞌ.”

22
00:03:33,380 --> 00:03:48,860
Jesusenꞌ gožeꞌ ḻeꞌ: —Bi kanoꞌ nedaꞌ, danꞌ bi naꞌ yeyepaꞌ gan zoa X̱aꞌ. Naꞌa, wyéj gan zej nnitaꞌ benneꞌ ljéžaꞌdoꞌ kaꞌ, naꞌ gož-gakeꞌ: “Ki wnná Jesusenꞌ: yeyepaꞌ gan zoa X̱aꞌ, naꞌ ḻezkaꞌ nakeꞌ X̱ale. Nakeꞌ Dios chiaꞌ, naꞌ Dios chele.”

23
00:03:48,860 --> 00:03:56,400
Naž wyéj Lia Madlenꞌ, naꞌ bejzenleꞌ benneꞌ wsedle kaꞌ che Jesusenꞌ ba beḻeꞌeleꞌ X̱anžonꞌ, naꞌ kan nak danꞌ wnnéꞌ.