1
00:00:05,000 --> 00:00:15,540
Wdé gok daꞌ ki, bḻoeꞌe ḻaw Jesusenꞌ daꞌ yoble ḻawgak benneꞌ wsedle chieꞌ kaꞌ gan nak žoaꞌa nisdoꞌ daꞌ nzinꞌ Nisdoꞌ Che Tiberias, naꞌ ki goken kan bḻoeꞌe ḻaweꞌ ḻáwgakeꞌ.

2
00:00:15,540 --> 00:00:29,040
Zej ndobe Smon Bedw, naꞌ Mas, bennenꞌ ḻezkaꞌ lieꞌ Benneꞌ Kwach, naꞌ Natanael, benneꞌ yež Kaná, yeženꞌ nbaben Galilea, naꞌ ḻezkaꞌ ẕiꞌn Sebedeo kaꞌ, naꞌ yechope benneꞌ wsedle kaꞌ che Jesusenꞌ.

3
00:00:29,040 --> 00:00:42,600
Smon Bedwnꞌ gožeꞌ ḻégakeꞌ: —Chaꞌa chejx̱enaꞌ bel kaꞌ. Yezikaꞌ benneꞌ kaꞌ belyiꞌe ḻeꞌ, naꞌ wnnágakeꞌ: —Sáꞌḻentoꞌ leꞌ. Naž jakeꞌ, naꞌ wžéngakeꞌ to ḻo barkw, naꞌ yelenꞌ nitó bel bi wẕéngakeꞌ.

4
00:00:42,600 --> 00:00:50,120
Kateꞌ zaꞌ žaꞌníꞌ, bejsé Jesusenꞌ žoaꞌa nisdonꞌ, naꞌ benneꞌ wsedle chieꞌ kaꞌ bi gókbeꞌegekleꞌ chaꞌ Jesusenꞌ.

5
00:00:50,120 --> 00:00:58,140
Naž Jesusenꞌ gožeꞌ ḻégakeꞌ: —Ẕíꞌnaꞌdoꞌ kaꞌ, ¿bi de bel chele? Bežíꞌigakeꞌ, naꞌ belyiꞌe Ḻeꞌ: —Nitobaꞌ.

6
00:00:58,140 --> 00:01:09,920
Naž Jesusenꞌ gožeꞌ ḻégakeꞌ: —Le wsé yix̱jw bel chele cheḻáꞌa ḻi ža barkwnꞌ, naꞌ senle-baꞌ. Naž bségakenꞌ, naꞌ biž gok yekáꞌagakenꞌ, danꞌ nžaꞌte yix̱jw naꞌ bel kaꞌ.

7
00:01:09,920 --> 00:01:22,000
Naž benneꞌ wsedle, bennenꞌ nžiꞌil Jesusenꞌ, gožeꞌ Bedonꞌ, naꞌ wnnéꞌ: —¡X̱anžonꞌ! Kateꞌ benle Smon Bedonꞌ, “X̱anžonꞌ” beyakweꞌ lažeꞌ gokweꞌ, daꞌ bekéꞌen zgaꞌale, naꞌ wyazeꞌ ḻo nis.

8
00:01:22,000 --> 00:01:32,880
Yezikaꞌ benneꞌ wsedle kaꞌ bsáꞌgakeꞌ barkwnꞌ, naꞌ bedjẕóbgakeꞌ yix̱jwnꞌ danꞌ nžaꞌten bel kaꞌ. Bi nak ziꞌtoꞌ gan de yo biž, daꞌ nakze ka to gaywáꞌ lkaꞌ níꞌažo.

9
00:01:32,880 --> 00:01:41,140
Katenꞌ bžíngakeꞌ ḻo yo biženꞌ, naꞌ bḻéꞌegekleꞌ žeꞌ to yiꞌ balje ga naꞌ, naꞌ ẕoa to bel ḻawenꞌ, naꞌ ḻezkaꞌ de yet ga naꞌ.

10
00:01:41,140 --> 00:01:46,100
Jesusenꞌ gožeꞌ ḻégakeꞌ: —Le yedjwáꞌ bel kaꞌ ba wẕéngakle-baꞌ ga zoaꞌ ni.

11
00:01:46,100 --> 00:01:57,760
Bebén Bedonꞌ ḻo barkwnꞌ, naꞌ wẕobeꞌ yix̱jwnꞌ zakaꞌ ḻo yo bižle, naꞌ nžaꞌten bel žiꞌa kaꞌ, to gaywáꞌ chonne-yonbaꞌ. Ḻaꞌkze zej nak bel zanḻeꞌe, bi bžezaꞌ yix̱jwnꞌ.

12
00:01:57,760 --> 00:02:08,100
Naž Jesusenꞌ gožeꞌ ḻégakeꞌ: —Le da gawle. Nitó benneꞌ wsedle chieꞌ bi bežogleꞌ nnableꞌ Ḻeꞌ, bi nneꞌ: “¿Noẕ Leꞌ?” Nnézkzegekleꞌ nakeꞌ X̱anžonꞌ.

13
00:02:08,100 --> 00:02:13,960
Naž wbigaꞌ Jesusenꞌ, naꞌ bex̱weꞌ yet kaꞌ, naꞌ ḻezkaꞌ bel naꞌ, naꞌ biꞌen chégakeꞌ.

14
00:02:13,960 --> 00:02:20,380
Daꞌ ni naken daꞌ chonne chiꞌi bḻoeꞌe ḻaw Jesusenꞌ ḻawgak benneꞌ wsedle chieꞌ kaꞌ wdé bebaneꞌ ḻo yeḻaꞌ got.

15
00:02:20,380 --> 00:02:39,100
Kateꞌ beyóž bdáwgakeꞌ, Jesusenꞌ gožeꞌ Smon Bedw: —Smon, ẕiꞌn Jonás, ¿nžíꞌiželoꞌ nedaꞌ kan zej nžiꞌil benneꞌ ki nedaꞌ? Bechebe Bedonꞌ, naꞌ gožeꞌ Ḻeꞌ: —Oꞌ, X̱an. Leꞌ nnézkzeloꞌ nžiꞌilaꞌ Leꞌ. Jesusenꞌ gožeꞌ ḻeꞌ: —Bwaw ẕílaꞌdoꞌ chiaꞌ kaꞌ.

16
00:02:39,100 --> 00:02:55,580
Jesusenꞌ gožeꞌ ḻeꞌ daꞌ chope chiꞌi, naꞌ wnnéꞌ: —Smon, ẕiꞌn Jonás, ¿nžiꞌiloꞌ nedaꞌ dot ḻažoꞌo? Bechebe Bedonꞌ, naꞌ gožeꞌ Ḻeꞌ: —Oꞌ, X̱an. Leꞌ nnézkzeloꞌ nžiꞌilaꞌ Leꞌ. Jesusenꞌ gožeꞌ ḻeꞌ: —Bwaw ẕilaꞌ chiaꞌ kaꞌ.

17
00:02:55,580 --> 00:03:17,580
Jesusenꞌ gožeꞌ ḻeꞌ daꞌ chonne chiꞌi: —Smon, ẕiꞌn Jonás, ¿nžiꞌiloꞌ nedaꞌ? Gok nyacheꞌ ḻažeꞌ Bedonꞌ danꞌ chonn chiꞌi wnnableꞌ ḻeꞌ, naꞌ wnnéꞌ: “¿Nžiꞌiloꞌ nedaꞌ?” naꞌ bechebe Bedonꞌ, naꞌ gožeꞌ Ḻeꞌ: —X̱an, yógoꞌte nnézkzeloꞌ Leꞌ. Nnezloꞌ nžiꞌilaꞌ Leꞌ. Jesusenꞌ gožeꞌ ḻeꞌ: —Bwaw ẕilaꞌ chiaꞌ kaꞌ.

18
00:03:17,580 --> 00:03:30,720
Daꞌ li žapaꞌ leꞌ, katenꞌ gokoꞌ x̱kwideꞌ, žakze chioꞌ bwakw kwinoꞌ, naꞌ kan ẕnnazen chioꞌ wdóꞌ. Kateꞌ goloꞌ, wḻíoꞌ noꞌo, naꞌ benneꞌ yoble wakweꞌ leꞌ lažeꞌ, naꞌ chiꞌe leꞌ gan bi yéneloꞌ chejoꞌ.

19
00:03:30,720 --> 00:03:42,340
Daꞌ ni wnná Jesusenꞌ nak bianꞌ kan gat Bedonꞌ, danꞌ chejtéꞌe ḻeꞌe yag kroze, nich gaꞌn ẕen Dios. Kateꞌ beyóž wnná Jesusenꞌ ki, yetó daꞌ wnnéꞌ: —Benḻen nedaꞌ tẕen.

20
00:03:42,340 --> 00:03:55,920
Byechj Bedonꞌ, naꞌ bḻeꞌeleꞌ benneꞌ wsedlenꞌ Jesusenꞌ nžiꞌileꞌ ḻeꞌ, zedjnaweꞌ ḻégakeꞌ. Nakeꞌ benneꞌ wsedlenꞌ wžiꞌe kwit Jesusenꞌ katenꞌ bdáwgakeꞌ, naꞌ gožeꞌ Jesusenꞌ: “X̱an, ¿noẕ bennenꞌ wdíeꞌ Leꞌ?”

21
00:03:55,920 --> 00:04:01,140
Kateꞌ Bedonꞌ bḻeꞌeleꞌ ḻeꞌ, gožeꞌ Jesusenꞌ: —X̱an, ¿biẕ gon benneꞌ ni?

22
00:04:01,140 --> 00:04:08,580
Jesusenꞌ gožeꞌ ḻeꞌ: —Chaꞌ žénelaꞌ gaꞌn bennenꞌ kateꞌ yeḻaꞌžaꞌ, bi žaḻaꞌ gek zedloꞌ. Benḻen nedaꞌ tẕen leꞌ.

23
00:04:08,580 --> 00:04:23,340
Wzé dižaꞌ ni gan zej nnitaꞌ lježžo kaꞌ, benneꞌ kaꞌ žejḻéꞌgakeꞌ che Jesusenꞌ. Žékgekleꞌ bi gat benneꞌ wsedlenꞌ. Jesusenꞌ bi gožeꞌ ḻeꞌ bi gateꞌ, san ki wnnéꞌ: “Chaꞌ žénelaꞌ gaꞌn bennenꞌ kateꞌ yeḻaꞌžaꞌ, bi žaḻaꞌ gek zedloꞌ.”

24
00:04:23,340 --> 00:04:33,300
Benneꞌ wsedlenꞌ nakaꞌ nedaꞌ, Ẕwa. Ẕzoa liaꞌ daꞌ ki, naꞌ bzojaꞌ ḻeꞌe yiche daꞌ ki, naꞌ nnézlele daꞌ ẕnniaꞌ naken dot daꞌ li.

25
00:04:33,300 --> 00:04:44,780
Ben Jesusenꞌ daꞌ zanže kaꞌ. Chelaꞌ no benneꞌ wzojeꞌ ḻégaken ḻeꞌe yiche to ton, žeklaꞌ bi gataꞌ latje yežlyó nga ga kwaꞌgak yiche kaꞌ žaḻaꞌ wzojenꞌ. Kaꞌkze naken.