Mfufuk owot iman bọn kè Nuwa
10
Eyi ìre mfufuk owot iman kè Sem mè Am mè Jefet, bọn kè Nuwa. Ema mîboon̄ si bọn ebirieen̄ mgbọ mun̄ ile ya orakabe.Egep kè Jefet
2 Bọn kè Jefet ìre Goma, mè Magọgu, mè Madai, mè Jafan, mè Tubali, mè Mesek, mè Tiras. 3 Bọn kè Goma enenire Asikenaji, mè Rifat, mè Togama. 4 Bọn kè Jafan enenire Elisa, mè Tasisa mè ebi Kitim,b mè ebi Rodan.c 5 Bọn kè Jefet chi ere ebi ìluluk me agba awaji, me uwu me uwu, me ama me ama, me otu usem me otu usem, me ido me ido.
Egep kè Am
6 Bọn kè Am ìre Kus mè Mijirayim,d mè Put,e mè Kenan. 7 Bọn kè Kus enenire Seba, mè Abila, mè Sabita, mè Rayama, mè Sabiteka. Bọn kè Rayama enenire Sieba, mè Dedan. 8 Kus obon si Nimirọdu ogwu òrere adasi ikpele ogwu usọ akọn̄ me otutuuk linyọn̄. 9 Nimirọdu yi ke Okumugwem omun̄ kubọk ikpele ogwu usọ ota òrọriọọn̄ ota ichit me otutuuk linyọn̄. Mije keyi ke ekisa ata ogwu ota geelek itọt me lek kan̄ ibe, “Owu òbet lek Nimirọdu, ikpele ogwu ota Okumugwem oriọọn̄be.” 10 Ibebene mkpulu kè Nimirọdu ìre me ama Babilọn, mè Erek, mè Akadi, mè Kaline echi òkup me inyọn̄ ijọn̄ ekigwen Babilonia.f 11 Nimirọdu oneninan̄a me inyọn̄ ijọn̄ keya isi ido Asiria ere înamabe ama Ninife, mè Reyobot Iri, mè Kala, 12 mè Resen eyi înamabe me etete Ninife mè Kala eyi òre uga ama.
13 Mijirayim ore nte ebi Ludu, mè ebi Anam, mè ebi Leyabu, mè ebi Nafutu, 14 mè ebi Paturus, mè ebi Kasilu (ìrere nte ebi Filisia), mè ebi Kafitọ. 15 Kenan onenibon Sidọn, adasi gwun̄ kan̄, mè ibon si Et. 16 Kenan si ore nte ebi Jebus, mè ebi Amọ, mè ebi Girigas, 17 mè ebi Ifi, mè ebi Arak, mè ebi Sin, 18 mè ebi Arifadi, mè ebi Semara, mè ebi Amat. Ike mgbọ okije, ebi egep kè Kenan enenikpọk isan. 19 Oke ijọn̄ kè Kenan onenibene me Sidọn inyana isi ire Gera, mè isi ire Gaja, mè iraka isi ire Sodọm, mè Gomora, mè Adima, mè Seboyim mè inyana si isi igwook me Lesa.
20 Ikeya ke bọn kè Am eluk, me uwu me uwu, me ama me ama, me otu usem me otu usem, me ido me ido.
Egep kè Sem
21 Sem, ngwan̄ kè Jefet ogwu ugane, îbon si bọn ebirieen̄ iwa. Ọmọ ore nte nte ebi Eberi.g 22 Bọn kè Sem ìre Elam, mè Asuru, mè Afakisadi, mè Ludu, mè Aram. 23 Bọn kè Aram enenire Usu, mè Ulu, mè Geteri, mè Mas.h 24 Afakisadi onenibon Siela, Siela onenibon Eberi. 25 Eberi onenibon bọn ebirieen̄ iba. Erieen̄ ogwu ene ge ìre Pelegi,i mije, îre me ukot kan̄ ke eche linyọn̄. Erieen̄ ogwu ngwan̄ ore Jọkitan. 26 Jọkitan onenibon Alimodadi, mè Selefu, mè Ajaramabet, mè Jera, 27 mè Adoram, mè Ujan, mè Dikila, 28 mè Oban, mè Abimayen, mè Sieba, 29 mè Ofiri, mè Abila, mè Jobabu. Ebibi otutuuk ere bọn ebirieen̄ kè Jọkitan. 30 Ere ema elukbe ìbene me Mesa inyana isi itut me Sefara, me inyọn̄ ogoon̄ eyi òkup me agan̄ mbum-ura. 31 Ikeya ke bọn kè Sem eluk me uwu me uwu, me ama me ama, me otu usem me otu usem, me ido me ido.
32 Ikeya ke egep chi ònan̄a me owot iman kè Nuwa ekup me uwu me uwu, me ido me ido. Ebi ene enan̄a me lek kiban̄ ikpọk ichon iso otutuuk linyọn̄ mgbọ mun̄ ile ya orakabe.