Esidaras ìre ofifi ubọk ekigwen erieen̄ kè Ejira. Ikpa Esidaras Eyi Òso Iba ìre mfufuk owuwa ilaak ọkpọchieen̄ echi ejeen̄be Ejira ogwu nriran me ukot mkpulu kè Atejakisis ogwu ubọọn̄ Pesia, me mgbọ ebi Ju ekupbe me usun̄ akọn̄ me agan̄ Midia me ido Pesia. Ogwu osat Awaji ge onibum ibot ilaak ọkpọchieen̄ chi inyi Ejira. Ilaak ọkpọchieen̄ chi ìkijeen̄ inu ofolek ijo inu, mè ufialek me linyọn̄, mè ijeen̄ ibe ke mfufuk linyọn̄ ìkup me ubọk Awaji. Îjeen̄ si inu ofolek òta mgbọ, melek òta oyerebet Awaji obosibi me ibot ebilene.

Ikpa Esidaras Eyi Òso Iba ìkijeen̄ ebi Ijeren ibe ke ufialek ema ekikaan̄ melek ebi Rom ìre ojelek echi ebi nte nte kiban̄ ekaan̄be melek ebi Babilọn. Ire, ikpa yi ìkitap ebi eyi Okumugwem efuuk me emen ibe etoon̄ ejit me lek Okumugwem.