Îre Matiyu, ogwu ekigwen si Libai, ogwu otitip ido ònikana ene ge me etete ebi otuchieen̄ kè Jisọs oge ata etip yi. Matiyu ìge ikpa yi isasa ijeen̄ ebi Ju ebi ìchechieek me lek kè Jisọs ibe ke Jisọs ogwu Najeret ore Karais ya, (mè ìre ogwu Mesaya ya, òrere ogwu Awaji otọkọbe aran̄ me ibot), ogwu Awaji ochieekbe use ibe ke ọmọ môria inu.

Îtumu ibe ke Jisọs ore Gwun̄ Awaji ogwu òkup me ugwem, mè ire si ogwu Ubọọn̄, ogwu ebi Ju ekikpọ chieen̄ inunu kan̄ karake ukot ukot. Îjeen̄ si ibe ke otutuuk inu ebi nriran ukot ikaan̄ etumube ofolek ogwu Mesaya ya îrọ iso me lek kè Jisọs ogwu Najeret.