Erieen̄ ikpa Tobit ìre erieen̄ ene ge me lek ebi ìkup me emen mfufuk òkup me ikpa yi. Tobit, ogwu esabe erieen̄ kan̄ igwen ikpa yi, ìre ene ge me lek ebi ido Ijeren agan̄ inyọn̄, ebi ekpulube me usun̄ akọn̄ inu me Ninife, ama ibot ido Asiria, mije ema ejitbe Okumugwem, mè ikitọbọ ebum inyi mkpọmfaka. Tobit ìre ogwu òtetet lek inye ikigban̄ utọn̄ inyi Okumugwem me usun̄ akọn̄ ya ema ekupbe.

Ikpa Tobit ìre ikpa mfufuk òfo me lek ubọk Awaji osabe me uyeke uyeke oniin̄ inyan̄a ebi kan̄, ebi ìgbagban̄ utọn̄ inyi ọmọ. Ikpa yi ìkijeen̄ si ubọk iluk ugwem ebi Ju, mè ubọk ema mêsabe ikup me mbuban. Ikpa yi îjeen̄ si orọmijọn̄ ebi Ju, mè ubọk ema ekitọbọ ebum inyi Awaji sabum ukot mgbọ Ayaya Inyan̄a-ibot obenebe.