Malakai ìben nriran kan̄ mgbọ owuwa ebi Juda enan̄abe me usun̄ akọn̄ me Babilọn ika. Ìben nriran yi isasa itaba ebi Juda igwu ikom inu me lek Ikan Okumugwem melek inyan̄a-ibot Okumugwem onyan̄abe melek ebi nte nte kiban̄. Îben nriran yi isan̄a sabum Ejira mè Neyemaya enika.

Mîkpọk inama Uwu Mbuban isan̄a, ebi ngwugwa ebebene ikigwa ngwugwa inyi Okumugwem. Ire, ebi ngwugwa mè ebi ikike kpeyaka ikisun̄ Ikan Okumugwem. Ema ekekifeen̄ ebi ugbọọn̄ mè ebi una ene, ebirieen̄ ekekiyaak ebi nwa. Malakai okekitaba ebi ene ubọk me utọn̄ ibe ekesun̄ inyan̄a-ibot Okumugwem. Ìbe ema ekegwa ngwugwa òtatat enyi Okumugwem, mè ekenyi ọmọ irek ge me akọp irek me lek inu kiban̄ geelek.

Îtumu si ibe ke Okumugwem mônisibi oyerebet me ibot ebi kan̄, mè igwọk ema itana, mè iria Ogwu Ikwaan̄ kan̄ inu, inyi inirọ inyan̄a-ibot kan̄ iso.