4 Adasi nriroon̄ onenirọn̄ inyi ebi owot iman kè Koyat. Me etete ebi owot iman yi, bọn kè Erọn ogwu ngwugwa, ogwu otoko kè Libai, ke enyi akọp mè ama ile ita egobobe me lek ìrot ebi otoko kè Juda, mè Simiọn, mè Benjamin. 5 Ebi owot iman kè Koyat ebi ìsisik ke esa me nriroon̄ inyi akọp ama ile egobobe me lek ìrot ebi otoko kè Iferem, mè Dan, melek eyi ebi ìkike iba otoko kè Manasi.

6 Ebi owot iman kè Gasiọn ke esa me nriroon̄ inyi akọp mè ama ile ita egobobe me lek ìrot ebi otoko kè Isaka, mè Ase, mè Nafitali, melek eyi ebi ìkike iba otoko kè Manasi me agan̄ Basan.

7 Ebi owot iman kè Merari ke enyi akọp mè ama ile iba egobobe me lek ìrot ebi otoko kè Ruben, mè Gadi, mè Jebulọn.

8 Ikeyi ke ebi Ijeren eroon̄ nriroon̄ isa idọmọ ama ile chi melek ijọn̄ urie anam, inyi ebi otoko kè Libai ike Okumugwem onyibe Mosis ida ibe erọ.

9 Echichi ore erieen̄ ama ile egobobe me etete ìrot ebi otoko kè Juda mè otoko kè Simiọn, 10 echi esabe inyi ebi ototun̄ ukan̄ kè Erọn, ge me lek ebi owot iman kè Koyat me otoko kè Libai. Ema ke edasi inyi, mije, ema ke adasi nriroon̄ orọn̄ inyi.

11 Ama ile enyibe ema ìre Kiriat Ariba (eyi òre Eburọn) me inyọn̄ ijọn̄ ogoon̄ ogoon̄ ebi Juda, mè ijọn̄ urie anam òkakana ama ya okokop. (Ariba ore nte nte kè Anak.) 12 Ire, oron ama ya, mè asabọn ama kan̄, ke esa inyi Kelep gwun̄ kè Jefune ibe îre eyi kan̄.

13 Ebi ototun̄ ukan̄ kè Erọn ogwu ngwugwa ke enyi ama ile Eburọn mè ijọn̄ urie anam òkukup ikana. Eburọn ìre ama itap-ibot inyi ogwu òkpan̄ ene me mfat. Mînyi ema si Libina melek ijọn̄ urie anam kan̄, 14 mè Jatiri melek ijọn̄ urie anam kan̄, mè Esitemowa melek ijọn̄ urie anam kan̄, 15 mè Olon melek ijọn̄ urie anam kan̄, mè Debiri melek ijọn̄ urie anam kan̄, 16 mè Ayin melek ijọn̄ urie anam kan̄, mè Juta melek ijọn̄ urie anam kan̄, mè Bet Semes melek ijọn̄ urie anam kan̄. Otutuuk kechi orere ama ile onaan̄ge me lek otoko iba kecha.

17 Me lek ìrot ebi otoko kè Benjamin, mînyi ema Gibiọn melek ijọn̄ urie anam kan̄, mè Geba melek ijọn̄ urie anam kan̄, 18 mè Anatọt melek ijọn̄ urie anam kan̄, mè Alimọn melek ijọn̄ urie anam kan̄. Otutuuk kechi orere ama ile ini. 19 Otutuuk ama ile enyibe bọn kè Erọn ebi ngwugwa ìre akọp mè ama ile ita, melek ijọn̄ urie anam kiban̄.

20 Ebi ìsisik me lek ebi owot iman kè Koyat ogwu otoko kè Libai ke esa me nriroon̄ inyi ama ile òkup me lek ijọn̄ ebi otoko kè Iferem. 21 Ama cha enyibe ema ìre Sekem òkup me inyọn̄ ijọn̄ ogoon̄ ogoon̄ ebi Iferem melek ijọn̄ urie anam kan̄. Sekem ìre ama itap-ibot inyi ogwu òkpan̄ ene me mfat. Mînyi ema si Gejeri melek ijọn̄ urie anam kan̄, 22 mè Kibisayim melek ijọn̄ urie anam kan̄, mè Bet Oron melek ijọn̄ urie anam kan̄. Otutuuk kechi orere ama ile ini.

23 Ama enyibe ema me lek ìrot ebi otoko kè Dan ìre Eliteke melek ijọn̄ urie anam kan̄, mè Gibeton melek ijọn̄ urie anam kan̄, 24 mè Ajalọn melek ijọn̄ urie anam kan̄, mè Gat Rimọn melek ijọn̄ urie anam kan̄. Otutuuk kechi orere ama ile ini.

25 Ama enyibe ema me lek ìrot ebi ìkike iba otoko kè Manasi ìre Tayanak melek ijọn̄ urie anam kan̄, mè Gat Rimọn melek ijọn̄ urie anam kan̄. Otutuuk kechi orere ama ile iba. 26 Akọp ama ile kechi mè ijọn̄ urie anam kiban̄ ke enyi ebi ìsisik me lek ebi owot iman kè Koyat.

27 Ebi owot iman kè Gasiọn me otoko kè Libai ke enyi ama me lek ìrot ebi ìkike iba otoko kè Manasi. Ama enyibe ema ìre Golan me Basan melek ijọn̄ urie anam kiban̄. Golan ìre ama itap-ibot inyi ogwu òkpan̄ ene me mfat. Mînyi ema si Be Esitera melek ijọn̄ urie anam kan̄. Otutuuk kechi orere ama iba.

28 Me lek ìrot ebi otoko kè Isaka ke enyi ema Kison melek ijọn̄ urie anam kan̄, mè Daberat melek ijọn̄ urie anam kan̄, 29 mè Jarimut melek ijọn̄ urie anam kan̄, mè En Ganim melek ijọn̄ urie anam kan̄. Otutuuk kechi orere ama ile ini.

30 Me lek ìrot ebi otoko kè Ase ke enyi ema Misali melek ijọn̄ urie anam kan̄, mè Abidọn melek ijọn̄ urie anam kan̄, 31 mè Elikat melek ijọn̄ urie anam kan̄, mè Reyobu melek ijọn̄ urie anam kan̄. Otutuuk kechi orere ama ile ini.

32 Me lek ìrot ebi otoko kè Nafitali ke enyi ema Kedes me agan̄ Galili melek ijọn̄ urie anam kan̄. Kedes ìre ama itap-ibot inyi ogwu òkpan̄ ene me mfat. Mînyi ema si Amot Doru melek ijọn̄ urie anam kan̄, mè Karitan melek ijọn̄ urie anam kan̄. Otutuuk kechi orere ama ile ita. 33 Otutuuk ama enyibe ebi owot iman kè Gasiọn ìre akọp mè ama ile ita mè ijọn̄ urie anam kiban̄.

34 Ebi owot iman kè Merari, ebi ìsisik me otoko kè Libai, ke egobo ama me lek ìrot ebi otoko kè Jebulọn inyi. Ama enyibe ema ìre Jokineyam melek ijọn̄ urie anam kan̄, mè Karita melek ijọn̄ urie anam kan̄, 35 mè Dimina melek ijọn̄ urie anam kan̄, mè Nayalan melek ijọn̄ urie anam kan̄. Otutuuk kechi orere ama ile ini.

36 Me lek ìrot ebi otoko kè Ruben ke enyi ema Beseri melek ijọn̄ urie anam kan̄, mè Jayas melek ijọn̄ urie anam kan̄, 37 mè Kedemọt melek ijọn̄ urie anam kan̄, mè Mefayat melek ijọn̄ urie anam kan̄. Otutuuk kechi orere ama ini.

38 Me lek ìrot ebi otoko kè Gadi ke enyi ema Ramot me agan̄ Giliadi melek ijọn̄ urie anam kan̄. Ramot ìre ama itap-ibot inyi ogwu òkpan̄ ene me mfat. Mînyi ema si Mayanayim melek ijọn̄ urie anam kan̄, 39 mè Esibon melek ijọn̄ urie anam kan̄, mè Jajeri melek ijọn̄ urie anam kan̄. Otutuuk kechi orere ama ini. 40 Otutuuk ama esabe me nriroon̄ iche inyi ebi owot iman kè Merari, ìrere ebi ìsisik me lek ebi otoko kè Libai, ìre akọp mè ama ile iba.

41 Otutuuk ama enyibe ebi otoko kè Libai me etete ìrot ebi Ijeren ìre akọp ama ile ini mè jeeta melek ijọn̄ urie anam kiban̄. 42 Otutuuk ama chi geelek îkaan̄ ijọn̄ urie anam ikat ikana okokop. Ikeyi ke ama chi geelek okup.

43 Sa me ikeya ke Okumugwem onyi ebi Ijeren otutuuk ijọn̄ cha înyan̄abe ibot inyinyi ebi nte nte kiban̄. Ebi Ijeren ebọbọkọ lek ijọn̄ ya me akọn̄, mè iluk me ere ya. 44 Okumugwem onyinyi ema utelelek me agan̄ geelek ike înyan̄abe ibot inyi ebi nte nte kiban̄. Kpunu ene geege me lek ebi ochicha kiban̄ òkọkọt ikeke ida ema. Okumugwem ìkakana otutuuk ebi ochicha kiban̄ itap ema me ubọk. 45 Kpunu kubọk inu ge ikeyi òkwakwala me lek otutuuk ata inu cha echi Okumugwem ochieekbe me use inyi ebi Ijeren. Otutuuk inu cha ìrọrọ iso isan̄a kpai.