Ikpa Mfufuk eyi adasi ìre adasi okpọkọ me lek ikpa Mfufuk ge gaalek egebe. Eche ikpa yi irek iba, Mfufuk eyi adasi mè Mfufuk eyi òso iba, mije, mfufuk cha îjọn̄ọ iraka inu òbokọt inin̄ me lek ikpa ekakat ge. Ikpa Mfufuk eyi adasi mè eyi òso iba ìkikpa mfufuk yaage òkup me ikpa Samien eyi adasi mè eyi òso iba, melek ikpa Ebi Ubọọn̄ eyi adasi mè eyi òso iba, ire, mîkpa mfufuk chi me emen ikpa kechi inwene sọnja me lek echi emen ikpa kechilọ.

Ogwu ubọọn̄ Debit osibi isi ichit me emen ikpa Mfufuk eyi adasi. Ọmọ osa Jeruselem irọ ere otutuuk ebi Ijeren ekinu initọbọ ebum inyi Okumugwem, mè ijeen̄ si ubọk ebekitọbọ ebum me oniin̄ òtatat. Ọmọ si osan̄a Uwu Mbuban isibi, ubọk geelek ibe ke îre Solomọn ogwu gwun̄ onama uwu ya.

Ofifi ikpele inu òkup me emen ikpa Mfufuk eyi adasi ìre mfufuk owot iman ebi Ijeren, ibene me lek kè Adam, adasi ene Awaji orombe, inire ukot mgbọ egebe mfufuk kechi.