Ofifi ebi owot iman kè Juda
4
Ofifi bọn ebirieen̄ kè Juda:Pereji, mè ebi Ejirọn, mè ebi Kami, mè ebi Uru, mè ebi Soban.
2 Reyaya gwun̄ kè Soban onenire nte kè Jayat, Jayat onenire nte kè Ayumai mè Layadi. Ebibi ere ebi owot iman ebi Sora.
3-4 Uru ore nte kè Etam, mè Penuwen,a mè Ejeri.
Etam onenire nte kè Jesereli, mè Isima, mè Idibas. Erieen̄ gwun̄ kan̄ enenwaan̄ ìre Ajeleliponi.
Penuwen ore nte kè Gedoru, sà Eseri ore nte kè Usa.
Uru ore adasi gwun̄ enerieen̄ Efarata omanbe inyi Kelep. Uru ore nte nte ebi ama Beteleyem.
5 Asiyuru nte kè Tekowa ìkaan̄ nwa iba, Elia mè Nayara.
6 Nayara oneniman Ayujam, mè Eferi, mè Temeni, mè Ayasitari inyi Asiyuru. Ebiba ere bọn kè Nayara.
7 Bọn ebirieen̄ kè Elia:
Seret, mè Sowari, mè Etinan, 8 mè Kos ogwu ònire nte kè Anubu mè Ajobeba, melek ebi owot iman kè Ayaren gwun̄ kè Arum.
9 Îkaan̄ ogwu enerieen̄ ge ekigwen Jabeji, ogwu òkakaan̄ umin igak ebi ngwan̄. Ogwu uga ìnyi ọmọ erieen̄ ya Jabeji, mije, unaan̄b îmun̄be mgbọ îmanbe gwun̄ yi. 10 Usen ge, Jabeji onenito ito igwen Awaji ebi Ijeren ibe, “Soso gbana emi, mè rọ inyi oke ijọn̄ n̄a iwele! Keke nyi emi, mè chit emi san̄a me ubọk ijo inu, inyi unan ikare emi lek.” Awaji orọrọ otutuuk inu îbeekbe inyi.
11 Kelup, ngwan̄ kè Suya ore nte kè Meyiri, Meyiri onenire nte kè Esiton. 12 Esiton onenire nte kè Bet Rafa, mè Paseya, mè Teyina ogwu ònenire nte ebi ama Iri Nayas. Ebibi ere ebi ìluk me Reka.
13 Bọn ebirieen̄ kè Kenaji:
Otinien mè Seraya.
Bọn ebirieen̄ kè Otinien:
Seraya onenire nte kè Jowabu,
Jowabu onenire nte ebi ìluk me Gei Arasim,c mije, ebi ìluk me ere ya ìre ebi ikwaan̄ ubọk.
15 Bọn ebirieen̄ kè Kelep gwun̄ kè Jefune:
Iru, mè Ela, mè Nayam.
Gwun̄ enerieen̄ kè Ela:
Kenaji.
16 Bọn ebirieen̄ kè Jeyalelen:
Jifu, mè Jifa, mè Tiriya, mè Asareli.
17-18 Bọn ebirieen̄ kè Ejira:
Jeteri, mè Meredi, mè Eferi, mè Jalon. Bitiya gwun̄ enenwaan̄ ogwu Fero ogwu Meredi odobe me lek nwa oman Miriam, mè Samayi, mè Isiba ogwu ònenire nte kè Esitemowa. Nwa kè Meredi ogwu ònan̄a me Judia oneniman Jeredi ogwu ònenire nte kè Gedoru, mè Eberi ogwu ònenire nte kè Soko, mè Jekutien ogwu ònenire nte kè Janowa.
19 Bọn ebirieen̄ kè Odiya, ebi îbonbe me owot ngwan̄ kè Nayam:
nte ebi ama Keyila eyi ebi Garam, mè nte ebi ama Esitemowa eyi ebi Maaka.
20 Bọn ebirieen̄ kè Simọn:
Aminọn, mè Rina, mè Ben-Yanan, mè Tilọn.
Bọn ebirieen̄ kè Isiyi:
Joyet mè Ben-Joyet.
21 Bọn ebirieen̄ kè Siela gwun̄ kè Juda:
Eri nte kè Leka, mè Layada nte kè Maresa, mè owot iman ebi ìkilọk ekwut lilin̄ me Bet Asibeya, 22 mè Jokim, mè ebi Kojeba, mè Jowas mè Sarafu ebi ìrere ebi ibot me Mowabu mè Jasubi Leyem. (Inu chi ìre inu òrọ karake ukot ikaan̄.) 23 Ebibi ere ebi ìbot ugọn̄ ìkiluk me Netayim mè Gedera, mè ikisi ikwaan̄ inyi ogwu ubọọn̄.
Ebi otoko kè Simiọn
24 Bọn ebirieen̄ kè Simiọn:
Nemuwen, mè Jamin, mè Jaribu, mè Jera, mè Sawulu.
25 Salum ore gwun̄ kè Sawulu, Salum onenibon Mibisam, Mibisam onenibon Misima.
26 Owot iman kè Misima:
Misima obon Amuwen, Amuwen onenibon Jakuru, Jakuru onenibon Simei.
27 Simei ìkaan̄ akọp mè bọn ebirieen̄ gweregwen mè bọn ebibaan̄ gweregwen. Ire, ebi ngwan̄ kpekaan̄ bọn iwa. Eyi orọ ebi owot iman kiban̄ kpewa me otu ifuk kubọk ebi Juda. 28 Îre ebi owot iman keyi eluk me Bieseba, mè Molada, mè Asari Suwali, 29 mè Biliya, mè Esem, mè Toladi, 30 mè Betuwen, mè Oruma, mè Sikilagi, 31 mè Bet Marakabot, mè Asari Susim, mè Bet Biri, mè Seyarayim. Îre ema eluk me ama kechi mege inire ukot mkpulu kè Debit. 32 Erieen̄ asabọn ama go òkup ikana ema ìre Etam, mè Ayin, mè Rimọn, mè Token mè Asan, 33 melek otutuuk asabọn ama kiban̄ òkukup ikana ama chi mege isi igwook me Bayalat. Ama kechi ke ebi owot iman kè Simiọn eluk. Ema mîsun̄ òjot òjot ikpa mfufuk owot iman kiban̄.
Erieen̄ ebi ibot owot iman kiban̄ kubọk egebe me emen ikpa mfufuk cha ìre: 34 Mesobabu, mè Jamilek, mè Josa gwun̄ kè Amajiya, 35 mè Juwen, mè Jewu gwun̄ kè Josibiya, gwun̄ kè Seraya gwun̄ kè Asiyen, 36 mè Elioyenai, mè Jayakoba, mè Jesoyaya, mè Ajaya, mè Adien, mè Jesimien, mè Benaya, 37 mè Jija gwun̄ kè Sifi, gwun̄ kè Alọn, gwun̄ kè Jedaya, gwun̄ kè Simiri, gwun̄ kè Semaya.
38 Ebirieen̄ chi ebi egobe erieen̄ kiban̄ ere ebi ibot me owot iman kiban̄. Ema mîmumana enenen me owot iman kiban̄. 39 Ema mîjijen̄e mege isi igwook me otubọk ijọn̄ ama Gedoru isi ikiweek ijọn̄ urie inyi anam kiban̄. 40 Ema enenimun̄ ata ijọn̄ urie anam ònwọnwọn, mè iwele isaak, mè ikup me esuuk mè utelelek. Usini ebi owot iman kè Am edasi iluk agan̄ ya.
41 Ebirieen̄ chi egobe erieen̄ kiban̄ enu inire agan̄ ya me ukot mkpulu kè Ejikaya ogwu ubọọn̄ Juda, mè inijibi akọn̄ isi itim me lek ebi Am melek ebi Meyun, me uwu me uwu, mè ijijaka ema isan̄a kpai kubọk inu oniin̄ akọn̄, ene geege ìkasik mege inire chereyi. Ema enenibọkọ inyọn̄ ijọn̄ ya iluk, mije, ere ya ìre ata ijọn̄ urie inyi anam kiban̄. 42 Pelatiya, mè Neyariya, mè Refaya, mè Ujiyen, bọn ebirieen̄ kè Isiyi, enenititiin̄ efit ebirieen̄ go ebi owot iman kè Simiọn, mè inijibi akọn̄ isi itim me lek ebi ìluk me inyọn̄ ogoon̄ Seya, 43 mè ikpan̄ si ebi Amalek ìkwakwaan̄ isik, mè inikana iluk me ere ya mege inire chereyi.