Mfufuk òkup me ikpa Ejira ìgọọk me udun̄ mfufuk òkup me òta ikpa Mfufuk eyi òso iba, òfo me lek ubọk ebi Juda ìkup me usun̄ akọn̄ me Babilọn esabe ika inu Jeruselem. Ege mfufuk cha me irek me irek. Esa erieen̄ kè Ejira ogwu usọ Ikan Okumugwem igwen erieen̄ ikpa yi.

Mfufuk egebe me emen ikpa yi ìkup irek ita. Adasi irek ìre mfufuk ikaka eyi adasi ukpa ebi usun̄ akọn̄ enan̄abe me Babilọn ika inu Jeruselem, sa me ida Sarọs ogwu ubọọn̄ Pesia onyibe. Òso irek iba ìre mfufuk ubọk ekpọkbe inama Uwu Mbuban, mè igbana. Òso irek ita ìre mfufuk ubọk Ejira osabe ofifi ukpa ebi usun̄ akọn̄ ika, mè ijeen̄ ebi Juda ubọk ebesa ikpọk ibene ikiriaak Awaji, mè ubọk ebesa ikiluk ugwem igọọk me lek Ikan mè orọmijọn̄ echi Awaji onyibe ebi Ijeren.