Neyemaya ìre ogwu Ju òkup me usun̄ akọn̄, mè ikisi ikwaan̄ kubọk gwun̄ uwu me uwu ogwu ubọọn̄ Atejakisis ogwu Pesia. Mgbọ akọp mè acha iba orakabe me lek òta inu egebe me emen ikpa Ejira, Neyemaya oneninọ ibe ke kpenama-nu si mgban ama Jeruselem melek otunchit kan̄ cha isan̄a. Ifefieek ejit, mè iriaak uriaak ibe Awaji irọ inyi ogwu ubọọn̄ Atejakisis iria ọmọ isi Jeruselem, inyi ọmọ isi ikpọk inama ama ya. Awaji orọrọ si ikeya.

Ikpa yi ìkup irek ini. Adasi irek ìre mfufuk ike ogwu ubọọn̄ Atejakisis oriabe Neyemaya ika inu Jeruselem ibe inikpọk ama ya inama. Òso irek iba ìre mfufuk ubọk esabe ikpọk inama mgban ama Jeruselem. Òso irek ita ìre mfufuk mgbọ Ejira ofukbe Ikan Okumugwem isibi me isi otutuuk ebi Juda, mè ubọk ebi Juda efukbe ijo kiban̄. Òso irek ini ore ofifi ikwaan̄ echi Neyemaya osibe kubọk ogwu ibot mkpulu agan̄ Juda.

Ikpele ikween̄-inu òkup me emen ikpa yi ìre ubọk Neyemaya osabe itoon̄ ejit enenen me lek Awaji, mè ikiriaak uriaak inyi Awaji mgbọ geelek mè irek geelek.