Ikpa Okwa Ito ìre okwa ito go, echi Jerimaya ogwu nriran otobe me ibot ama Jeruselem, eyi ebi Babilọn egbugbọbe igwook. Jerimaya îmun̄ ibe ke ejijaka ama Jeruselem mije ijo inu ebi kiban̄ erọbe. Ire, ìkup ọmọ me lek kubọk ke osusut ama ya îmin igak mkpukpe ijo inu ebi ama ya odobe. Ire, îkaan̄ ikpọchieen̄ ibe ke Awaji môkpọk ikaan̄ ejit nsan me lek ama ya, ire ebi kiban̄ itele ijo inu kiban̄, mè igwu ikom inu me lek Awaji.

Ito ya ìkup irek go. Adasi irek (ibot 1), ìre mije ufieejit òkekeme ama Jeruselem. Òso irek iba (ibot 2), ìre mije ikpele osusut òrọrọn̄ inyi ama ya. Òso irek ita (ibot 3), ìre mije ke ikpọchieen̄ òwa inyi ama ya. Òso irek ini (ibot 4), ìre mije ke Jeruselem îkana ǹrioon̄. Òso irek go (ibot 5), ìre uriaak isasa ibeek Awaji nsan.