RUTE
KAPAPIRANI HIDA
Kaariha hi'iki ida Noemi
1
1-2 'Bo'dakari Belém sidajia vaibaviki adani Elimeleque, kidigamo Noemi khama. Judeia kaarabonia hojaki ida Belem. Ija'ari vanasohiva abono va'ora vavaka'da'diki adani Israel kaija'ari oniaro kari. Ni-avahoja'iaki kaho ada arabo kaka'da'dini.Hari. Oniaroa, ni-khararijanaki ada bahi, ni-movajanaki, vavai'amikarahoki adani ija'ari vaipohiki. Hari. Elimeleque, kidigamo Noemi, vakadisai vi'bamiki vihiki vavai'amina ai vihi'aha. Moabe kaarabinia avikha'aha rakhajahi ibavini-ra vanako'dihavini. Makhhira isani adani vakadsai afo'bamakhama. Malom oniki ada aajojahiki. Quiliom oniki ada kajo'ojahiki. Masiko ipohiki vahoja'aha adani Elimeleque Moabe Kaarabonia.
3 Hari. Oniaroa, abini'aha ada Elimeleque. Ava'aani'aha adani Noemi, kidisai vi'bamiki khama.
4-5 Oniaroa, vagamo'bamakhama'aha adani Noemi kaisai moabita kaija'arinia. Gamo hoarani onini Orfa. Gamo hoariha onini Rute.
Hari. Asia mani Moabe kaarabonia vaibavira adani. 10 badara ipohini vahojana naothinia vaabini'aha adani Malom, Quiliom khama. Kaariha hini isajanarini hoja'ihi ida Noemi.
Vajoi'ki adani Noemi, Rute khama
6 Hari. Oniaroa, Noemia bikamitha'ihi ida Israel kaaraboni varani hini, Deus va'ora kajoamora'ianiki adani ija'ari, bianaipohi'ianaki ida vakadirakhajani jo'doni, bononi hiki. Bikamithavini naothinia ibavijahaha'ihi kidinahina-ra. Noemi ka'aboni vi'bamiki jaboni vaibavijahaha'iki avikhara kaimoni kidiania.
7-8 Ai vihi'aha Israel kaaraboni-ra avanikhavini. vaadahana kaba'i va'ora ni'a'ihi ida vakadimasodini Noemi:
Kodi'aboni, avajoi'a bana mahija avakadiamia vagorana avahojavini. Onifiki ida Deus a'onira kajoamoravini, hora avakajoamoravini fori hini. Onofiki avakadima-khira kohana-ra avakajoamoravini vani fori hini ida Deus a'onira kajoamoravini jaboni.
9-10 Deu-ra okanikhariavini hiki ida a'onira no'avini makhira afo'iana avaka-makhira'ianaja kaimoni, avahoja'ianaja kaimoni avagorani. Harihi'ida Noemi kavarani, va'ora kaamina'ihi va'ora kajara'ba'ba'ihi. Oniaroa, vaasara'aha, vani'a-'ihi ida vakadimasodini:
- Iniani, ni-anofiki ida aajoina. Ira avaipohiki hari kadaija'ari kania.
11 Noemi va'ora ni'a'ihi:
- Kodi'aboni, jahaki ida avarajoini. Niha avakhanmanija kodiania avikhaki? Ni-okaabokaja-naki ida oisa'ianana, makhira isani-ra va-ora onamonahavini avaka makhira kaimoni vihina.
12-13 Avakadiamia vakadiania avajoi bana. Na'arihavi ohina mani ida hora kanamakhirajanarija. Hihida joma makira hora vaisaja vaha; ni-onokhaki vaha ida oisana. Makhira isani vi'bamiki-ra va'ora onamona-haja vaha; vavijana va'ora avanokhamaniha vaha avakadima-khira vihira kamoni? Oisaja vaha; Makhira vahoariha-ra avakamakhi-rahani-ra onadabamanija koda vaha? Iniani! Kodisai, avarigaki ida oisajanarina bana. Deus ova'ira namokaraki ho. Kaariha avihini ova'i-ra rogo ani'aki ho.
14 Oniaroa, vabarariaria'bama khama'aha afo'iana. Orfa bikajara'ba'ba'ihi ida kidimasodini, bikaamina'ihi, ajihi'ihi, kidija'ari vakadiani-ra anikhaha'avini.Rute vani ida hojaroni'ihi. Bikabiokarahoki ida kidimasodini.
15 Noemia bini'a'ihi:
- Rute, ajoi'iki ida Orfa kidija'ari vakadiania, kidideus-rakanamasiviki kania ajoi'ini. Ivani jaboni ajoi'a bana kidiania.
16 Rutea bigathani'iki ida Noemi athini:
Hari'a bana ira onahojahavini-ra kanikhari'a. Iva'aha bana ida kadania ookhana. Ibavi hana hinia iokhahi; ookhaki bana hokadania. Gora hana hinia iibavihi; oibaviki bana ho jaboni kadania. Onofiki ida kadaijaàri ohina. Onofiki ada kada Deus, kodiDeus hina.
17 Ibavi hana hinia iabinihiç oabinina-ra onofiki jaboni, oniania oka'damana-ra onofija jaboni. Oabinina kamahini bona ariabono akakakara'okhama'ihi, ni-ova'ahaki ida nahina hoariha ariabono aka- nahoarihakhamavii hiki. Onaabahi hida hihida oathi; onofihi-nihi ida Rute.
18 Noemia bikava'ibodivaranihi ida Rute okhani-ra nofidorovini; ni-vara bini'a'ianiki ajoinia.
19 Hari. Oniaroa, avika'aha, Belem sidajia avakhano'aha. Vakaikahina vani sidaji kaija'arini hahavi khai vakhani'aha, vajoroni'aha. Gamo vaabono vakanana'do-hikhama'aha:
- Hihida gamo Noemi hida?
20 Vaathi bigathanihi:
- Hari'a hora vanaonijana Noemia. Ija'ari khaii niki onini hida Noemi. Hora vanaoni bana Mara. Ija'ari va'ini mokaraniki onini hida Mara. Deua bikaabo-kaki ida hahavi binofiki. Ova'i-ra namokaraki ada.
21 Belea ai ohina kari ni-okainamoki hida kodina-hina. Okanahinarina vani Deus ojoina-ra nofija hida avakadiania. Hari'a gamo khai nikia hora vanaonijana bana. Deus danoki hora nahojaha'avini-ra okava'ibo-divaranivini, ova'i-ra rogo ani'akiho.
22 Hari. Vakhanina vani Moabe Kaarabonia vajoira adani Noemi, Rute khama. Noemi ka'aboni ida moabita anani Rute oniki. Cevada a'dihani kamasikoni vani vakaikahi'aha. Ija'aria biava'boa-hahaki ida cevada avani. Arroz kanokiani fori hiki ida cevada.