Bada niki Rute Boaz kasiroia
2
1-3 Hari. Oniaroa, Rutea bina-na'dohi'ihi ida Noemi:- Kodimasodini, iva'ahama-nija ida siroia ookhana? Makhira avava'boahaahaki ida cevada avani, voroniki ida cevada 'da'dini hoarahanana. Okanikhariaki bana ada badani abono vakadika'da'di makhira vanaothi cevada voroniki-ra odoravini - nihi ida Rute.
- Ba okha, kodisai - Noemia athini bigathani'ihi.
Oniaroa, siroi kania okha'ihi, makhira bada vakhaniki vanaothi okasiaga'ihi, bidora'ihi ida cevada 'da'dini voroni'iki araboa hojaro-niki.Ni-Rutea bioga'iaki kaho ida makhira hana hina kasiroia ada-hani. Boaz kasiroi mani ida bivaa-dahaja. Noemi kamakhira kohana Elimeleque oniki kaija'aria ada Boaz. Kanahina'ahapikiki ada Boaz. Vaipohiki adani kidibadani abono, kidihonai abono vihiki. Ipo-hiki ida kidsiroi. Ija'ari hahavia avigaki ada Boaz kasiroi hini biogara-vini kaba'i.
4 Oniaroa, kaikahi'aha ada Boaz Belea kha'ina. Va'ora ka'iva-niti'aha adani kidibadani abono siroia bada vakhaniki. Va'ora ni'aha:
- Onofiki ada Deus avakadia-nia hojana.
- Anofiki ida Deus ira kajoa-moravini - Boaz athi-ra vagatha-nivini.
5 Boaz binana'dohi'aha ada badani abono vakadika'da'di.
- Hana hini kaija'arini gamo mani ida?
6 Bini'a'aha:
- Hi'ida gamo, moabita anani ida. Bivaipohiha'iki ida Noemi Moabe kaarabnia joi'ini.
7 Hora kanikhariavini hi'iki ida cevada 'da'dini vararaki voroniki-ra dora-vini makhira badani abono vanao-thia kasiagani. Ova'ahaki ida. Vagavagani kama'da'iki ida kidiba-dani asia bidoravini. Akoiripa'itxi-iki ida amokhinia - niha ada Boaz kahonai abono.
8 Hari. Oniaroa, Rute kania okha'aha ada Boaz, bini'a'ihi:
- Ivaniti. Mitha ini'a bana hida oathi. Hari'a okha bana makhira hoariha kasiroia, idoraja kaimoni ida rakhajahi 'ba'dani. Gamo bada vakhaniki vamaaka-rina hoja bana mahija cevada 'da'dini-ra idoravini.
9 Vada va''ora ni'a bana mahija rakhajahi avani avava'boahaahaki-ra idoravini. Va'ora ohonariaki adani kodiba-dani abono makhira ira vakanaba-daniharavini. Ikanabidini akaafo-rahi, okha'a bana paha bavini kania mahija paha-ra i'avivini.Kodibadani abonoa vaniji'biniba-khiaki ida paha bavini - niha ada Boaz.
10 Oniaroa, aasiama'o'ihi ida Rute Boaz viaha, nokhoni araboa hoja'ini, bini'aha:
- Nahina mani hida hora ika-joamoravini hija arabo hoariha kaija'arini ohina kaba'i?
11 Rute-ra ni'a'aha:
- Varani ihini-ra okamitha-'iki ho. Ija'aria vara vavani'a'iki ida kadamasodini-ra ikajoamora-vini kadamakhira abinina naothi-nia. Oogaki ida va'ora inahojaha-vini adanin kadabi'i, kadamia, kada-rabo hiki ivaipohija kaimoni ida kadamasodini, iibavija kaimoni akadija'ari vakadiania va'ora ioga-ravini kaba'i.
12 Onofiki ida Deus kadabadani jahaki-ra naabosivini. Kidiania ikha'ini ira akadava'arakaimoni. Ovari Israel kaija'ari vakadiDeus danoki ada.
13 Rutea athi bigathani'aha:
- Jahaki ida hora ikajoamora-vini. Iathini ova'i-ra khai ni'aki ho.
14 Hari. Oniaroa, safini sohira-rina vani vi'baijabana'aha adani bada vakhaniki. Boaz bini'ahi ida Rute:
- Kha'a bana mahija i'baivini akadiania. Iakoba'aha bana oni pao vinho a'bani bavinia.Oniania badani abono vakadiania vithima-'o'ihi ida Rute. Boaz bino'avini kihi'ihi ida cevada kakodanahaki. Rutea biha'ihi ida gahinani hi'iki, akhari'ihi. Asia bivahoja'ihi ida'bai ahabarini.
15 'Baini naothinia ajihi'ihi, bidora'ianahi ida cevada 'da'dini voro-niki. Oniaroa, Boaz va'ora ni'a'aha adani kidibadani abono:
- Cevada avani a'boaki dabohamisiki hojama'oki kania Rutea bidoravini bino-fihi; vava'aha bana. Hari'a bana vanadaba.
16 Cevada avani-ra avava'boavini vani vaani bana ida rakha-jahi 'da'dini hoaraha-nana, hojaronija kai-moni mahija bidora-vini. Hari'a vakaabani bana.
17 Hari. Mahi oadani Rutea bidorahi ida rakhajahi 'ba'dani. Safini a'biri'ina vani hari hi'ihi ida badani. Oniaroa, bidafiafiarari'ihi ida rakhajahi 'da'dini, aniaja kai-moni ida 'ba'dani. Dava bini'a'iki ida so'oro hoarani cevada 'ba'dani bidora'ikia.
18 Hari. Oniaroa, Rutea biavikha'ihi ida rakhajahi 'ba'dani, sidajia ajoini. Kidimaso-dini kania akhano'ihi, Noemia binoki'ihi ida cevada 'ba'dani bivi-kha'iki. Rutea bino'a'ihi jaboni kidi'bai ahabarinia.
19 Noemia binana'dohi'ihi:
- Hanaja idorahaja hidaka-ba'i? Hana hina kasiroi kania bada inija hidakaba'i? Onofiki ida makhira ira kajoamoraki Deua bikajoamoravini.
Oniaroa, Rutea binava'isohi'ihi:
Boaz oniki ada makhira. Kidisiroi bada oani'aki.
20 Noemia athini bigathani'ihi:
- Onofiki Deua bikajoamora-vini ada makhira! Deua binanami-tha'iki ida athi va'ora nava'iponi-vini hi'iki ija'ari vahokiki, ija'ari kohana vihiki vakadiania. Hi'ada makhira akadija'ari ada. Akadija-'ari kahojai ida makhira niki kaba-dani, kidija'ari kaariha hiki-ra aka-dava'avini - Rute-ra ni'ahi.
21 Rutea bini'a'ihi:
- Kidivarani jaboni ida kidiba-dani abono vakadiania rakhajahi 'ba'dani-ra odoravini, kidirakha-jahi avani avava'boahahaviravini oadani.
22 Noemia bini'a'ihi:
Kodisai, jahaki bana ida Boaz kasiroia bada inini. Makhira hoariha kasiroia iokhahi; makhira ira kanabadanihahi.
23 Oniaroa, siroia bada nihi ida Rute badani abono vakadiania. Hari hi'ihi ida cevada avani a'diki a'boani, trigo 'ba'dani a'diki kasi-roini kani maina bada vakhani-'aha. Rutea bidora'ihi ida trigo 'ba'dani voroniki badani abono vanaothia. Asia mani hojahi ida Rute kidimasodini gorania.