Noemia binofiki ida Rute kamakhira'ianani
3
Hari. Oniaroa, Noemia bini'a-'ihi ida Rute:- Jahaki ida ikamakhira'ianani ira akadava'aki kaimoni.Ira oakodiaki bana ho.
2 Ikava'ibodivaranimanira ada Boaz? Bada ini'ikii kidibadani abono vakadiania. Akadija'ari ada. Mitha ini'a. Hida-kaba'i mithani Boaz, kidibadani abono khama avaka Boaz, kidibadani abono khama avaka'diririki bana ida cevada 'ba'dani aniaja kaimoni ida ba'ba'da asafini.
3 Kana'a bana. Iabono kamisai'a bana. Ikai-maha'a bana ida makari nokiani jahaki. Iabononi inajahavini naothinia okha'a bana avaka'dirihaki vakadiania. 'Baina oadani, vinho-ra avivini oadani hari'a iabono nanokia bana kidiania.
4 'Baina naothinia omaki bana ada. Vada iani'a bana ida bivi'omaki kani. Vadina naothinia okhami bana kidiania. Inabiini ida karahobi 'dama namania hojaki mahija i'omavini onija. Oniaro naothinia, ira nava'isohiki bana ada hada ini'aki kaimonia. Ni-bada ira ni'aki bana ada Boaz.
5 Rutea bini'a'ihi:
- Hari. Ba onabava hida hora inava'isohijoravini hiki.
6 Oniaroa, okha'ihi ida Rute avaka'diririhaki vakadiania, binaba'ihi ida kidimasodinia binava'isohijoravini hi'iki.
7 'Baina naothinia va'ijahajaha'aha ada Boaz. Cevada 'ba'dani ajorosiki namania oma'aha, vadi'aha. Vajaforia okhami'ihi, biani'ihi ida karahobi Boaz 'dama kanamania hojaki. Omariama'o'ihi ida Rute. Hari. Oniaroa Rute biogavini binofiki ida Boaz biakadava'avini jahani oniani ida Rute-ra navadihaja Boaz 'damaja. 'Bo'dakari vakadihojai hiki nahina ogavahani. Oniaroa vajaforia okha'ihi ida Rute.
8 Joma vani jorakia nokho'afora'aha, roarimanani'aha, va'i kadi hini hiki ida gamo kidiania omaki.
9 - hana ihini mani i? - Binana'dohi'hi.
- Hovani, Rute ho - athi bigathani'aha. - Kodika'da'di, ivani Noemi kamakhira kohana igamina i, oniani ida hora iakadava'avini-ra onofivini hija. Kadaija'ari kahojai hida hora ikanagamohavini.
10 Boaz bini'ahi:
- Onofiki ida Deus ira kajoamoravini. Jahani arafiaki hida kadava'ibodivarani. Ni-ikava'ipahini'iki ida kadamasodini. Ni-inofiki jaboni ida kidija'ari va'ora ikava'i pahinivini. Ni-inako'dihaki ada imakhinava kanahinaki, kanahinariki kadamakhira aja'dina kaimoni.
11 Rute, hari'a iva'ini soko iniva. Sidaji kaija'arini hahavia avigaki ida gamo kidihojai sohiki ihini. Onabaki bana hida hora ikanikhariavini hi'iki.
12 Ka'oa hiki hida iathini avaigamini hoariha ohina. Kodibadani hiki ida kaariha ihinia ira oakadava'avini. Hojaki ada makhira hoariha avaigamini hoariha hiki jaboni. Ovari miro'a kabadani ida ira akadava'avini. Bikajonihi; ho ida ira maina kodibadani hiki ida.
13 Hihida joma hoja'a bana kodiania. Vagavagani onana'dohihaki bana ada hoariha binofivini binofiravini akadava'avini kidigamo ihini. Deua viaha ira onava'iponiki ho, ovaria binofirihi; ira oakadava'ahi.
14 Oniaroa, 'dama kania oma'ianahi vadi'ihi. Mahi avagarini vani gama'ihi ahojaia ajihi'ihi. Boaz ni-binofiki ida vahoariha hoja'ini avigavini, oiani ida ahojaia na'ajihini hi'ia.
15 Ajihini viahania Boaz bini'a'ihi:
- Hora bana oni kadakarahobi arabo namania iarafaravini. Oniaroa, binaba'ihi ida athi. Boaz binavararahi ida cevada 'ba'dani 20 kilo ipohini karahobi namania. Binavararavini naothinia biakodia'ihi binabiinivini, bikama'adosiha'avini. Oniaroa, ajihi'ihi, sidajia ajoi'ihi.
16 Kidimasodini kania okha'ihi. Binana'dohi'ihi ida Rute:
- Nahina namithamanija kadania?
Oniaroa, Rutea binava'isohi'ihi ida hahavi namitha'ikia, Boaz kavarania:
17 Hora ni'a'iki ada: “Ni-o-nofiki ida idairini iajoini,” oniania hora no'avini hi'iki ida cevada 'ba'dani ipohiki.
18 Noemia bini'a'ihi: hari'a iva'ini vidavida hava bana. Inaviahanokha bana ida namithaki kaimoni. Jorakia bada bini'aki bana ida ira nava'iponivini hi'iki. Vaabono vakanava'isohikhamaravini oadani, ni-akoiriki bana ada Boaz.