Esidaras ìre ofifi ubọk ekigwen erieen̄ kè Ejira, òrere ene ge me lek ebi etumube owuwa ikọ ofolek me emen ikpa yi. Owuwa inu òkup me emen ikpa Esidaras Eyi Adasi ìnan̄a me emen ikpa Mfufuk Eyi Òso Iba, mè ikpa Ejira, mè ikpa Neyemaya.

Ikpa Esidaras Eyi Adasi ìkibieen̄ inye ibe ke bọn owot iman kè Debit mîkup me uyọt, ke ikpọkpọk inama Uwu Mbuban Okumugwem îkup si me uyọt. Ikpa yi îtumu si inu òrọrọ Okumugwem otelebe ibe Josaya ogwu ubọọn̄ Juda ikwu mkpa nsek, ubọk geelek Josaya orebe ogwu ògbagban̄ utọn̄ inyi Awaji.