Ikpa Makabi Eyi Òso Iba ìre mfufuk Jason ogwu Sairini ogebe me emen ikpa go, eyi echichikibe itap me emen ikpa ge gaalek. Ikpa yi ìre mfufuk ebi Ju, ibene me mgbọ Onias orebe ogwu òban Awaji me acha 180 sabum Karais, isi ire mgbọ Nikanọ, ogwu ibot akọn̄, okwube me acha 161 sabum Karais.

Ikpa yi ìkibieen̄ inye ibe ke înwọn ibe ekesun̄ Ikan Awaji, mè ikijeen̄ si ibe ke Awaji môkpe ebi ìkwakwaan̄ mkpa mije ichechieek kiban̄ mkpukpe. Ikpa yi ìkijeen̄ ibe ke Awaji môsulu ebi geelek ìrọrọ ijo inu osusut, ikerere ebi kan̄. Ire, ire ema igwu ikom inu me lek kan̄, ke ọmọ mônyan̄a ema, mè inyi ema ntim-mkpan̄.

Ikpa yi îjeen̄ si ibe ke îkup me uyọt ibe etọbọ ebum enyi Awaji me oniin̄ òtatat me Uwu Mbuban kan̄ me Jeruselem.