3 Ebi Ijeren ebene ije kiban̄ me Rameses, me òso akọp mè usen go me adasi onyan̄ me acha, òrere usen ògọgọọk usen ijọk Iraraka. Ema eje ikeya ukaan̄-lek ukaan̄-lek inan̄a me ido Ijipiti isibi, me isi otutuuk ebi Ijipiti. 4 Me ike mgbọ ya, otutuuk uwu geelek me ido Ijipiti ekikwukwulu me lek ifufuun̄ adasi bọn ebirieen̄ kiban̄, ebi Okumugwem osulube ikpan̄ igwook. Sa me ikeyi ke Okumugwem ojeen̄ unye kan̄ me lek otutuuk awaji ebi Ijipiti geelek.

5 Ikeya ke ebi Ijeren eje inan̄a me Rameses inire Sukot, mè igwugwuun̄ uwu ọfọ kiban̄ ikup itap efuuk.

6 Ema eneninan̄a me Sukot ije inire Etam me otu èwê, mè igwugwuun̄ uwu ọfọ kiban̄ me agba lek Migidọn ikup itap efuuk.

7 Ema eneninan̄a me Etam, mè igwu ikana isi Pi Yayirot eyi òkibene chieen̄ ikpọ Baali-Sefon, mè igwugwuun̄ uwu ọfọ kiban̄ ikup itap efuuk me agba lek ama Migidọn.

8 Ema eneninan̄a me Pi Yayirot ije isaba okwaan̄ Anyiaan̄ ikisi agan̄ emen èwê, mè ije ije usen ita inin̄ emen èwê Etam, mè inire Mara, mè igwugwuun̄ uwu ọfọ kiban̄ ikup itap efuuk.

9 Ema eneninan̄a me Mara ije inire Elim, ere akọp mè ogbuuruk iba mè akọp ebon uti asaak jaaba okupbe, mè igwugwuun̄ uwu ọfọ kiban̄ ikup itap efuuk.

10 Ema eneninan̄a me Elim ije inire agba okwaan̄ Anyiaan̄, mè igwugwuun̄ uwu ọfọ kiban̄ ikup itap efuuk. 11 Ema eneninan̄a me agba okwaan̄ Anyiaan̄ ije inin̄ emen èwê Sin, mè igwugwuun̄ uwu ọfọ kiban̄ ikup itap efuuk.

12 Ema eneninan̄a me emen èwê Sin ije inire Dọpika, mè igwugwuun̄ uwu ọfọ kiban̄ ikup itap efuuk.

13 Ema eneninan̄a me Dọpika ije inire Alus, mè igwugwuun̄ uwu ọfọ kiban̄ ikup itap efuuk.

14 Ema eneninan̄a me Alus ije inire Refidim, mè igwugwuun̄ uwu ọfọ kiban̄ ikup itap efuuk. Ire, me ere ya, kpunu mudim ebi ene ebenwọ.

15 Ema eneninan̄a me Refidim ije inire emen èwê Saina, mè igwugwuun̄ uwu ọfọ kiban̄ ikup itap efuuk.

16 Ema eneninan̄a me èwê Saina ije inire Kiborot Atayaba, mè igwugwuun̄ uwu ọfọ kiban̄ ikup itap efuuk.

17 Ema eneninan̄a me Kiborot Atayaba ije inire Aserot, mè igwugwuun̄ uwu ọfọ kiban̄ ikup itap efuuk.

18 Ema eneninan̄a me Aserot ije inire Ritima, mè igwugwuun̄ uwu ọfọ kiban̄ ikup itap efuuk.

19 Ema eneninan̄a me Ritima ije inire Rimọn Pereji, mè igwugwuun̄ uwu ọfọ kiban̄ ikup itap efuuk.

20 Ema eneninan̄a me Rimọn Pereji ije inire Libina, mè igwugwuun̄ uwu ọfọ kiban̄ ikup itap efuuk.

21 Ema eneninan̄a me Libina ije inire Risa, mè igwugwuun̄ uwu ọfọ kiban̄ ikup itap efuuk.

22 Ema eneninan̄a me Risa ije inire Keyelata, mè igwugwuun̄ uwu ọfọ kiban̄ ikup itap efuuk.

23 Ema eneninan̄a me Keyelata ije inire lek ogoon̄ Seferi, mè igwugwuun̄ uwu ọfọ kiban̄ ikup itap efuuk.

24 Ema eneninan̄a me lek ogoon̄ Seferi ije inire Arada, mè igwugwuun̄ uwu ọfọ kiban̄ ikup itap efuuk.

25 Ema eneninan̄a me Arada ije inire Makiyelot, mè igwugwuun̄ uwu ọfọ kiban̄ ikup itap efuuk.

26 Ema eneninan̄a me Makiyelot ije inire Tayat, mè igwugwuun̄ uwu ọfọ kiban̄ ikup itap efuuk.

27 Ema eneninan̄a me Tayat ije inire Tera, mè igwugwuun̄ uwu ọfọ kiban̄ ikup itap efuuk.

28 Ema eneninan̄a me Tera ije inire Mitika, mè igwugwuun̄ uwu ọfọ kiban̄ ikup itap efuuk.

29 Ema eneninan̄a me Mitika ije inire Asimona, mè igwugwuun̄ uwu ọfọ kiban̄ ikup itap efuuk.

30 Ema eneninan̄a me Asimona ije inire Moserot, mè igwugwuun̄ uwu ọfọ kiban̄ ikup itap efuuk.

31 Ema eneninan̄a me Moserot ije inire Bene Jayakan, mè igwugwuun̄ uwu ọfọ kiban̄ ikup itap efuuk.

32 Ema eneninan̄a me Bene Jayakan ije inire Oru Agidigadi, mè igwugwuun̄ uwu ọfọ kiban̄ ikup itap efuuk.

33 Ema eneninan̄a me Oru Agidigadi ije inire Jotibata, mè igwugwuun̄ uwu ọfọ kiban̄ ikup itap efuuk.

34 Ema eneninan̄a me Jotibata ije inire Aborona, mè igwugwuun̄ uwu ọfọ kiban̄ ikup itap efuuk.

35 Ema eneninan̄a me Aborona ije inire Esiọn Geberi, mè igwugwuun̄ uwu ọfọ kiban̄ ikup itap efuuk.

36 Ema eneninan̄a me Esiọn Geberi ije inire Kades me emen èwê Jin, mè igwugwuun̄ uwu ọfọ kiban̄ ikup itap efuuk.

37 Ema eneninan̄a me Kades ije inire lek ogoon̄ Ôru òkup me okike ijọn̄ ebi Edọm, mè igwugwuun̄ uwu ọfọ kiban̄ ikup itap efuuk.

38 Mgbọ ema ekupbe me ebon ogoon̄ Ôru ya, Erọn oneninene isi inyọn̄ ogoon̄ ya, ike Okumugwem onyibe ida ibe irọ. Me inyọn̄ ogoon̄ ya ke îkwu me adasi usen me òso onyan̄ go me òso akọp acha ini bene me mgbọ ebi Ijeren enan̄abe me Ijipiti isibi. 39 Erọn ìre efit acha ge mè akọp acha iba mè acha ita mgbọ îkwube me inyọn̄ ogoon̄ Ôru.

40 Me ike mgbọ ya, ogwu ubọọn̄ ebi Kenan ge, òrere ogwu ubọọn̄ ama Aradi, òkup me èwê agan̄ osiki, oneninọ ibe ke ebi Ijeren mêkinu.

41 Ebi Ijeren eneninan̄a me lek ogoon̄ Ôru ije inire Jalimona, mè igwugwuun̄ uwu ọfọ kiban̄ ikup itap efuuk.

42 Ema eneninan̄a me Jalimona ije inire Punọn, mè igwugwuun̄ uwu ọfọ kiban̄ ikup itap efuuk.

43 Ema eneninan̄a me Punọn ije inire Obot, mè igwugwuun̄ uwu ọfọ kiban̄ ikup itap efuuk.

44 Ema eneninan̄a me Obot ije inire Iye Abarim, eyi òkup me okike ijọn̄ ebi Mowabu, mè igwugwuun̄ uwu ọfọ kiban̄ ikup itap efuuk.

45 Ema eneninan̄a me Iyim^a ije inire Dibọn Gadi, mè igwugwuun̄ uwu ọfọ kiban̄ ikup itap efuuk.

46 Ema eneninan̄a me Dibọn Gadi ije inire Alimọn Dibilatayim, mè igwugwuun̄ uwu ọfọ kiban̄ ikup itap efuuk.

47 Ema eneninan̄a me Alimọn Dibilatayim ije inire lek ogoon̄ Abarim me agba lek ogoon̄ Nebo, mè igwugwuun̄ uwu ọfọ kiban̄ ikup itap efuuk.

48 Ema eneninan̄a me lek ogoon̄ Abarim ije inire òla ijọn̄ ido Mowabu, me usaba agan̄ okwaan̄ Jodan, me ere òkibene isi ikpọ Jeriko, mè igwugwuun̄ uwu ọfọ kiban̄ ikup itap efuuk. 49 Ikeya ke ema egwugwuun̄ uwu ọfọ kiban̄ me òla ijọn̄ ido Mowabu, me agba okwaan̄ Jodan, ibene me Bet Jesimot mege isi igwook me Aben Sitim.

50 Mgbọ ebi Ijeren ekupbe me òla ijọn̄ ido Mowabu, me usaba agan̄ okwaan̄ Jodan, me ere òkibene isi ikpọ Jeriko, Okumugwem onenitumu inyi Mosis ibe 51 itumu inyi ebi Ijeren ibe, “Enyi isisaba okwaan̄ Jodan itoon̄ me agan̄ ijọn̄ ido Kenan, 52 ìrieen̄ otutuuk ebi ìluk me inyọn̄ ijọn̄ ya ìsan̄a kpai, ene geege ikasik. Ìjijaka si otutuuk mkpọmfaka kiban̄ cha geelek, echi ekọkọ mè echi etọtọkọ, mè ìjijaka si otutuuk isi-ijọn̄ kiban̄ cha geelek ìgbaalek. 53 Ìbọkọ otutuuk ijọn̄ kiban̄, mè ìluk ìbia me inyọn̄ ijọn̄ cha, mije, îre enyi ke nkana otutuuk ijọn̄ cha inyi ibe ire eyi kinyi. 54 Ìroon̄ nriroon̄ ìsa ìche ijọn̄ cha ìnyi lek kinyi me ìrot, ìgọọk me ikeke otoko geelek. Otoko òmimin môkaan̄ ijọn̄ òmimin, otoko òsisip môkaan̄ ijọn̄ òsisip. Okike ijọn̄ geelek òrọrọn̄ inyi otoko geelek, eya obore eyi kiban̄. Ikeya ke mêche ìrot cha inyi otutuuk otoko ebi nte nte kinyi geelek iso.

55 “Ire, ire enyi kperieen̄ otutuuk ebi ìluk me inyọn̄ ijọn̄ cha isan̄a kpai, ebi geelek ìsisik mêkana nchichiin̄ me emen chieen̄ kinyi, mè ikana si ukpak me agba nkan̄ kinyi. Ema mêsisaak enyi enenen me inyọn̄ ijọn̄ ya enyi ebeluk. 56 Ire enyi kperieen̄ ema isan̄a kpai, otutuuk jakajaka ntọtbe ijijijaka ema, îre enyi ke mbajijaka me useen̄ kiban̄.”