Mosis ìge ikpa keyi ikpọ me lek ebi otoko kè Libai, ìrere otoko Okumugwem ogobobe ibe ekesi ikwaan̄ enyi ọmọ. Eya orọ ebi ìkakana ikpa yi itap me usem Giris egwenbe ikpa yi Libitikọs. Mosis ìge ikpa yi isasa ijeen̄ ebi otoko kè Libai ubọk ema ebekisi ikwaan̄ kiban̄, mè ubọk ebi Ijeren ebekiluk ugwem òkup mbuban.

Emen ikpa keyi ke ekpa owuwa ikan echi ebi Ijeren ebekigọọk me lek ikifaka Okumugwem. Mîkpa inu òfo me lek ubọk ebekisa igobo ebi ngwugwa, mè ubọk ebekisa igwa ngwugwa.

Ibot ibot ikọ òkup me emen ikpa yi ìre ikukup me mbuban. Sa me lek Ikan chi ke ema ebekisun̄ lek kiban̄ me mbuban, inyi ema ekekọt ekaan̄ mgbaan̄-nrọ melek Okumugwem, mè ekejeen̄ orọmijọn̄ Okumugwem me ugwem kiban̄ usen geelek.

Ibot ikọ òmimin ichit me emen ikpa yi ìre eyi egebe me ibot 19:2 ibe, “Ìkup me mbuban, mije, emi, Okumugwem Awaji kinyi, ǹkup me mbuban.”