3 Ogwu ute mè ogwu uga ebebe ọmọ, “Ìre okpọ me etete ebi ngwan̄ kwun̄, mè ìre me etete otutuuk ebi kiji, òkamun̄ gwun̄ enenwaan̄ geege ògbegbe ibe owu òdo? Ilọ me lek ebibaan̄ Filisia, ife kpefieek afi chi, ìre owu òkpodo nwa ni?”

Ire, Samsin otutumu inyi ogwu ute ibe, “Si do ogwu enenwaan̄ ya nyi emi, ke îre ogwugwa oneme emi.” 4 (Ogwu ute mè ogwu uga kperiọọn̄ ibe ke îre Okumugwem odọmọ inu ya isun̄, inyi ọmọ isa me ikeya ikaan̄ irek itim ebi Filisia akọn̄ me lek. Me ike mgbọ ya, îre ebi Filisia ekikpulu ebi Ijeren.) 5 Samsin onenisa ogwu ute mè ogwu uga igbaalek ije isi Timina. Mgbọ ema ejebe igbet lek uko gerep ebi Timina, me ekakpọge chieen̄, ogbaragbat egbe àtat ge onanan̄a me oron ya isibi, mè ikigbin inin̄ Samsin lek. 6 Ekwukwu Okumugwem oninin̄ emen kan̄, mè itap ọmọ unye me emen. Isasa ubọk ikike itet egbe àtat ya, mè itaba igwaka iba kubọk ìyaka ire gwun̄ ebot ikike ke îtaba igwak. Ìkakpa inu ya îrọbe ìnyi nte kan̄ mè nga kan̄. 7 Samsin onenisi ikitumu ikọ melek ogwu enenwaan̄ ya, inu ogwu enenwaan̄ ya oneneme ọmọ.

8 Sọnja mgbọ iraraka, Samsin onenigwu ikom isi ibosi ido ogwu enenwaan̄ ya. Mgbọ îjebe ire ike ere inu ya orọbe, mè ikọọn̄ chieen̄ ikpọ ere nkwukwu ogbaragbat egbe àtat ya okupbe, imumun̄ akwọọk onin̄be ijot lek nkwukwu anam ya, melek aran̄ akwọọk si me emen. 9 Inenikọbọ aran̄ akwọọk ya itap me ubọk, mè ikilaka ije me oniin̄. Mgbọ îjebe itut ogwu ute mè ogwu uga, icheche aran̄ akwọọk ya inyi ema, ema ebọbọkọ ilaka. Ire, ìkakpa ìnyi ema ibe ke ọmọ ìsan̄a aran̄ akwọọk ya me lek nkwukwu egbe àtat ya.

10 Nte kè Samsin onenisi imun̄ ogwu enenwaan̄ ya, mè idọmọ inu ofolek ido-nwa ya. Samsin ototo ijọk me Timina, kubọk ebi ìbedo nwa me agan̄ ya ekirọ. 11 Mgbọ ebi Timina emun̄be Samsin, egogobo akọp nsabọn irieen̄ ita inyi ọmọ ibe ekup melek kan̄, kubọk ebi unene.

12 Samsin onenibe ema, “Mânito urọk ge inyi enyi. Ire enyi ikọt ibum ibot urọk ya inyi emi me emen usen jaaba eyi ijọk yi, emi mânyi enyi akọp ofọnti lilin̄ ita mè ofifi esese chieen̄ akọp ofọnti ita. 13 Ire, ire enyi kpekọt ibum ibot urọk yi inyi emi, enyi mênyi emi akọp ofọnti lilin̄ ita mè ofifi esese chieen̄ akọp ofọnti ita.”

Ema ebebe ọmọ, “Înwọn! To-nu urọk kwun̄ ya, inyi eji enọ.”

14 Samsin onenito urọk inyi ema ibe ikeyi,

15 Òso usen ini^a me lek ijọk ya, ema enenitumu inyi nwa kè Samsin ibe, “Si kap nlom kwun̄ otu, inyi ibum ibot urọk ya inyi owu, mè òsa ònokpa ònyi eji. Ire ikare ikeya, eji ebetatap ukan̄ iwọp owu melek ebi uwu nte kwun̄ ikpan̄ isan̄a. Ìre enyi egwen eji inu me ijọk yi, inyi enyi enesa me ikeya echichim eji etap ugbọọri?”

16 Nwa kè Samsin onenisi ito ito inyi ogwu olom, mè ikitumu inyi ibe, “Owu ocha emi! Òkama emi kubọk ge! Owu okat ejit ito urọk inyi ebi kiji, òkabum ibot ìnyi emi.”

Samsin ofọfọọk ibe, “Kpọ, ikerere nte n̄a mè nga n̄a, ǹkabum ibot urọk yi ìnyi, m̀bajeje inibum inyi owu?” 17 Ogwu enenwaan̄ yi ototo ito inyi Samsin otuuk kè egwe jaaba eyi ijọk ya. Me òso egwe jaaba, òrere me òta usen ijọk ya, Samsin obubum ibot urọk ya inyi ogwu nwa, mije îsisaakbe ọmọ enenen. Ogwu enenwaan̄ yi oneniben ibot urọk ya isi ikpa inyi ebi kiban̄.

18 Me òso egwe jaaba ya, sabum ura oninim, ebirieen̄ ama ya etutumu inyi Samsin ibe,

Samsin otutumu inyi ema ibe,

19 Ekwukwu Okumugwem oninin̄ emen kan̄, mè itap ọmọ unye me lek. Inanan̄a ije isi Asikelọn, mè ikpan̄ akọp ebirieen̄ ita, mè ikpulu inu kiban̄, mè isa ofọnti kiban̄ isi inyi ebi ìbubum ibot urọk ya. Ejit onanaan̄ ọmọ enenen, igwugwu ikom ije ifo uwu ogwu ute. 20 Ebi ama ya esasa nwa kè Samsin iche olom inyi ene ge me etete ebi ìgọgọọk Samsin isi orirọ ido-nwa ya.