Ikpa keyi Josuwa gwun̄ kè Nun ogebe ìre mfufuk ubọk ebi Ijeren esabe inin̄ lek ijọn̄ ido Kenan, mè ibọkọ ijọn̄ ya me ìrot, mè iche inyi lek kiban̄ me otoko me otoko. Josuwa, ogwu ònenikana ogwu ibot kiban̄ mgbọ Mosis okwube iraka, osa ema ije. Eya orọ si ikpa yi ochieekbe erieen̄ kan̄.

Ikpele inu echi egebe itap me ikpa yi ìre ubọk ebi Ijeren esababe okwaan̄ Jodan, mè ike ebọkọbe ama Jeriko, mè akọn̄ etimbe me Ayi, mè inyan̄a-ibot eyi ebi Ijeren ekpọkbe inyan̄a melek Awaji, mè ubọk esabe iche ijọn̄ Kenan inyi ema, me otoko me otoko.