Ikpa Samien eyi òso iba ìre okpọkọ òso iba me lek ikpa Samien. Agan̄ ilile me lek ikpa Samien eyi òso iba ìre mfufuk mkpulu kè Debit ogwu ubọọn̄.

Mgbọ ogwu ubọọn̄ Sọọlu okwube iraka, ebi otoko kè Juda egogobo Debit ibe inire ogwu ubọọn̄ kiban̄. Acha jaaba iraraka, Debit okakana ogwu ubọọn̄ otutuuk ido Ijeren.

Debit obọkọ ama Jeruselem me ubọk ebi Jebus, mè isa irọ ama ibot me ido kan̄, mè isa okop inyan̄a-ibot Awaji initap me ama ya. Îweek si inanama uwu me ere ya inyi Okumugwem, inyi mêtapbe okop inyan̄a-ibot Awaji ya me emen. Ire, Okumugwem ìkachieek, ìbe ke îre gwun̄ kè Debit obonama. Okumugwem îtumu si ibe ke bọn kè Debit ebekire ebi ubọọn̄ me Ijeren.

Debit îtim akọn̄ ikpan̄ owuwa ebi ochicha ebi Ijeren, mè ikana ikpele ogwu ubọọn̄. Debit îrọ si ijo inu, mè ibọkọ mkpukpe me ubọk Awaji. Ire, me otutuuk ugwem kan̄, îsiki ibot inyi Okumugwem, mè ikitọbọ ebum inyi ọmọ gaalek, Okumugwem orọrọ si inyan̄a-ibot înyan̄abe inyi Debit iso me lek ebi bọn, me ukot me ukot.