Ikpa Samien eyi adasi ìre adasi okpọkọ me lek ikpa ge gaalek ekigwen ikpa Samien. Eche ikpa yi irek iba, Samien eyi adasi mè Samien eyi òso iba, mije, mfufuk cha îjọn̄ọ iraka inu òbokọt inin̄ me lek ikpa ekakat ge.

Ikpa keyi ìre mfufuk ubọk ido Ijeren osabe inan̄a me irak ubọk ebi oyerebet inin̄ me ubọk ebi ubọọn̄. Mfufuk ido Ijeren me emen ikpa yi ìbieen̄ me lek ene ita: Samien, òrere òta ene me etete ikpele ebi oyerebet; mè Sọọlu, adasi ogwu ubọọn̄ ebi Ijeren; mè Debit, ogwu ubọọn̄ Ijeren òmimin ichit. Îre Samien orọ ene iba chi ubọọn̄. Erieen̄ kan̄ ke esa igwen ikpa yi.

Ibot ikọ òkup me emen ikpa yi ìre ke igbagban̄ utọn̄ inyi Awaji ìkirọ ibe inu ije ijaan̄ ene me lek, sà ikpakpaka ibot inyi Awaji okisa ùrioon̄ ijet ene. Ikeyi ke ege me ibot 2:30 ibe, “Ebi ìkimin emi ke emi mbamin! Ebi ìkikpọ emi isiki chieen̄ ke emi si mbakpọ isiki chieen̄!”