Ebi ìkọt okwa me Uwu Mbuban
25
Debit onenitọt melek ebi ibot akọn̄, mè inigobo bọn kè Asafu, mè bọn kè Eyiman, mè bọn kè Jedutun isun̄ esese, inyi ekeben nriran. Isibekiben nriran ya, mêkikwak uneen̄ ija mè uneen̄ ile mè mkpamkpa. Erieen̄ ebi ìkisi ikwaan̄ yi, igọọk me chieen̄ ikwaan̄ kiban̄ ìre:2 Me etete bọn kè Asafu:
Jakuru, mè Josefu, mè Netaniya mè Asarela. Ogwu òkikpọ ema chieen̄ me lek ìre nte kiban̄, Asafu, ogwu òkiben nriran mgbọ geelek ogwu ubọọn̄ onyibe ida.
3 Me etete bọn kè Jedutun:
Gedaliya, mè Jeri, mè Jesaya, mè Simei, mè Asabiya, mè Matitiya, ema ene gweregwen. Ogwu òkikpọ ema chieen̄ me lek ìre nte kiban̄, Jedutun, ogwu òkikwak uneen̄ ile isa ikikọt okwa ibe Okumugwem onirọ, mè ikitọn̄ ọmọ me mgbọ îkiben nriran.
4 Me etete bọn kè Eyiman:
Bukia, mè Mataniya, mè Ujiyen, mè Sebuyen, mè Jerimot, mè Ananiya, mè Anani, mè Eliata, mè Gidaliti, mè Romamiti-Ejeri, mè Josibekasa, mè Maloti, mè Otiri, mè Mayajiot. 5 Ebibi otutuuk ere bọn kè Eyiman ogwu òkiben nriran inyi ogwu ubọọn̄. Awaji ìnyi ọmọ bọn chi sa me owuwa use îchieekbe ọmọ. Akọp mè ibot bọn ebirieen̄ ini, mè ibot bọn ebibaan̄ ita ke Awaji onyi Eyiman.
6 Otutuuk ebirieen̄ chi ekup me irak nte kiban̄, ogwu òkikpọ chieen̄ me lek ikọkọt okwa mè ikwakwak nkwukwak me Uwu Mbuban Okumugwem. Ema ekikwak mkpamkpa, mè uneen̄ ija, mè uneen̄ ile me Uwu Mbuban Awaji. Ogwu ubọọn̄ okikpọ chieen̄ me lek kè Asafu, mè Jedutun, mè Eyiman. 7 Ema otutuuk, igbaalek ebi ngwan̄, ìre ebi ekpukpobe isibi, mè ebi usọ me lek ikọkọt okwa mè ikwakwak nkwukwak inyi Okumugwem. Ema ìre efit ene iba mè akọp ene jeeta mè ene jeeta. 8 Ekiroroon̄ nriroon̄ isa ikigobo ema ito me ikwaan̄ usen geelek, mè ìre ebi ijija mè ìre ebi ilile, mè ìre ebi ijejeen̄ mè ìre ebi ìkikwekween̄.
9 Adasi nriroon̄ òrere eyi kè Asafu ìrọn̄ inyi Josefu, ọmọ mè ebi bọn mè ebi ngwan̄,a ema akọp mè ene iba.
Nriroon̄ eyi òso iba orọn̄ inyi Gedaliya, ọmọ mè ebi bọn mè ebi ngwan̄, ema akọp mè ene iba.b
10 Eyi òso ita orọn̄ inyi Jakuru, ọmọ mè ebi bọn mè ebi ngwan̄, ema akọp mè ene iba.
11 Eyi òso ini orọn̄ inyi Ijiri, ọmọ mè ebi bọn mè ebi ngwan̄, ema akọp mè ene iba.
12 Eyi òso go orọn̄ inyi Netaniya, ọmọ mè ebi bọn mè ebi ngwan̄, ema akọp mè ene iba.
13 Eyi òso gweregwen orọn̄ inyi Bukia, ọmọ mè ebi bọn mè ebi ngwan̄, ema akọp mè ene iba.
14 Eyi òso jaaba orọn̄ inyi Jesarela, ọmọ mè ebi bọn mè ebi ngwan̄, ema akọp mè ene iba.
15 Eyi òso jeeta orọn̄ inyi Jesaya, ọmọ mè ebi bọn mè ebi ngwan̄, ema akọp mè ene iba.
16 Eyi òso onaan̄ge orọn̄ inyi Mataniya, ọmọ mè ebi bọn mè ebi ngwan̄, ema akọp mè ene iba.
17 Eyi òso akọp orọn̄ inyi Simei, ọmọ mè ebi bọn mè ebi ngwan̄, ema akọp mè ene iba.
18 Eyi òso akọp mè ge orọn̄ inyi Ajaren, ọmọ mè ebi bọn mè ebi ngwan̄, ema akọp mè ene iba.
19 Eyi òso akọp mè iba orọn̄ inyi Asabiya, ọmọ mè ebi bọn mè ebi ngwan̄, ema akọp mè ene iba.
20 Eyi òso akọp mè ita orọn̄ inyi Subayen, ọmọ mè ebi bọn mè ebi ngwan̄, ema akọp mè ene iba.
21 Eyi òso akọp mè ini orọn̄ inyi Matitiya, ọmọ mè ebi bọn mè ebi ngwan̄, ema akọp mè ene iba.
22 Eyi òso akọp mè go orọn̄ inyi Jeremot, ọmọ mè ebi bọn mè ebi ngwan̄, ema akọp mè ene iba.
23 Eyi òso akọp mè gweregwen orọn̄ inyi Ananiya, ọmọ mè ebi bọn mè ebi ngwan̄, ema akọp mè ene iba.
24 Eyi òso akọp mè jaaba orọn̄ inyi Josibekasa, ọmọ mè ebi bọn mè ebi ngwan̄, ema akọp mè ene iba.
25 Eyi òso akọp mè jeeta orọn̄ inyi Anani, ọmọ mè ebi bọn mè ebi ngwan̄, ema akọp mè ene iba.
26 Eyi òso akọp mè onaan̄ge orọn̄ inyi Maloti, ọmọ mè ebi bọn, mè ebi ngwan̄, ema akọp mè ene iba.
27 Eyi òso akọp iba orọn̄ inyi Eliata, ọmọ mè ebi bọn mè ebi ngwan̄, ema akọp mè ene iba.
28 Eyi òso akọp iba mè ge orọn̄ inyi Otiri, ọmọ mè ebi bọn mè ebi ngwan̄, ema akọp mè ene iba.
29 Eyi òso akọp iba mè iba orọn̄ inyi Gidaliti, ọmọ mè ebi bọn mè ebi ngwan̄, ema akọp mè ene iba.
30 Eyi òso akọp iba mè ita orọn̄ inyi Mayajiot, ọmọ mè ebi bọn mè ebi ngwan̄, ema akọp mè ene iba.
31 Eyi òso akọp iba mè ini orọn̄ inyi Romamiti-Ejeri, ọmọ mè ebi bọn mè ebi ngwan̄, ema akọp mè ene iba.