7
Mgbọ enamabe mgban ama ya isan̄a, nnenijeen̄ afọn̄ iso lek otutuuk otunchit isan̄a, enenigobo ebi ìkibem otunchit, mè ebi ìkọt okwa, mè ebi otoko kè Libai ito me irek ikwaan̄ kiban̄. 2 Nnenimọnọ ngwan̄ n̄a Anani ito, mè inisa Ananiya ogwu ibot ebi ìkibem uwu mgban akọn̄ ito igbaalek, ibe ekpulu Jeruselem, mije, Ananiya ìre ogwu atikọ, ogwu òkakaan̄ ukpook Awaji me emen igak owuwa ene. 3 Nneninyi ema ida ibe ekachili otunchit Jeruselem geege me otu ewelegwe usen geelek îtata ura ìbubum inye. Egwe isifit, ema emun̄ ibe ke ebi ìkibem otunchit mîchit otutuuk otunchit geelek, mè isa olọkọrọ igon ikam, sabum ema ènechit ikwaan̄ usen keya. Nnyi si ema ida ibe egobo ebi ìluk me emen ama Jeruselem eto ekana lek mgban ama, inyi ekebem, kpa ogwu mè mgbọ mbem eyi kan̄, ogwu ikup obem me isi ere uwu kan̄.Erieen̄ ebi ìnan̄a me usun̄ akọn̄ ika
4 Jeruselem îmin enenen, mè iwele isaak. Ire, ebi ìluk me emen kan̄ ìre ene inen mè inen gaalek. Uwu inen mè inen gaalek si ke ekpọk inama. 5 Awaji n̄a onenitap emi me ejit ibe emi ǹtitiin̄ ebi ugane ama, mè ebi ibot mkpulu, mè otutuuk ebi ene, inyi enetap erieen̄ me ikpa, me otoko me otoko. Nneniweek ikpa egebe erieen̄ ebi ìdadasi inan̄a me usun̄ akọn̄ ya ika. Inu egebe me emen ikpa ya ire ikeyi:
6 Ebibi ìre ebi ìnan̄a me usun̄ akọn̄ me ido Babilọn, ebi Nebukadineja ogwu ubọọn̄ Babilọn okpulube me akọn̄, ebi ìyayaka ika inu ama Jeruselem mè ido Juda, ogwu ikup ofo ama kiban̄. 7 Ema eje ukot ge melek kè Jerubaben, mè Jesuwa, mè Neyemaya, mè Ajariya, mè Rayamaya, mè Nayamani, mè Mọdikai, mè Bilisan, mè Misiperet, mè Bigibai, mè Neyum, mè Bayana ika.
Erieen̄ ebi Ijeren ìnanan̄a ika ire echi:
8 Ebi owot iman kè Paros, obop iba mè efit mè akọp jaaba mè iba,
9 ebi owot iman kè Sefatiya, efit ita mè akọp jaaba mè iba,
10 ebi owot iman kè Ara, efit gweregwen mè akọp go mè iba,
11 ebi owot iman kè Payat-Mowabu (ebi ìnan̄a me owot iman kè Jesuwa mè Jowabu), obop iba mè efit jeeta mè akọp mè jeeta,
12 ebi owot iman kè Elam, obop mè efit iba mè akọp go mè ini,
13 ebi owot iman kè Jatu, efit jeeta mè akọp ini mè go,
14 ebi owot iman kè Jakai ore efit jaaba mè akọp gweregwen,
15 ebi owot iman kè Binuwi, efit gweregwen mè akọp ini mè jeeta,
16 ebi owot iman kè Bebai, efit gweregwen mè akọp iba mè jeeta,
17 ebi owot iman kè Ajigadi, obop iba mè efit ita mè akọp iba mè iba,
18 ebi owot iman kè Adonikam, efit gweregwen mè akọp gweregwen mè jaaba,
19 ebi owot iman kè Bigibai, obop iba mè akọp gweregwen mè jaaba,
20 ebi owot iman kè Adin, efit gweregwen mè akọp go mè go,
21 ebi owot iman kè Ateri (ebi ìnan̄a me owot iman kè Ejikaya), akọp onaan̄ge mè jeeta,
22 ebi owot iman kè Asum, efit ita mè akọp iba mè jeeta,
23 ebi owot iman kè Bejai, efit ita mè akọp iba mè ini,
24 ebi owot iman kè Arifu, efit mè akọp mè iba,
25 ebi owot iman kè Gibiọn, akọp onaan̄ge mè go.
26 Ebi ama Beteleyem mè ebi ama Netofa, efit mè akọp jeeta mè jeeta,
27 ebi ama Anatọt, efit mè akọp iba mè jeeta,
28 ebi ama Bet Ajimabet, akọp ini mè iba,
29 ebi ama Kiriat Jiarim mè ebi ama Kefira mè ebi ama Bierot, efit jaaba mè akọp ini mè ita,
30 ebi ama Rama mè ebi ama Geba, efit gweregwen mè akọp iba mè ge,
31 ebi ama Mikimas, efit mè akọp iba mè iba,
32 ebi ama Beten mè ebi ama Ai, efit mè akọp iba mè iba
33 ebi ama Nebo keyilọ, akọp go mè iba,
34 ebi ama Elam keyilọ, obop mè efit iba mè akọp go mè ini,
35 ebi ama Arim, efit ita mè akọp iba,
36 ebi ama Jeriko, efit ita mè akọp ini mè go,
37 ebi ama Lodi mè ebi ama Adidi mè ebi ama Ono, efit jaaba mè akọp iba mè ge,
38 ebi ama Senaya, obop ita mè efit onaan̄ge mè akọp ita.
39 Owot iman ebi ngwugwa:
ebi owot iman kè Jedaya (ebi ìnan̄a me owot iman kè Jesuwa), efit onaan̄ge mè akọp jaaba mè ita,
40 ebi owot iman kè Imeri, obop mè akọp go mè iba,
41 ebi owot iman kè Pasuru, obop mè efit iba mè akọp ini mè jaaba,
42 ebi owot iman kè Arim, obop mè akọp mè jaaba.
43 Owot iman ebi otoko kè Libai:
Ebi owot iman kè Jesuwa (ebi ìnan̄a me owot iman kè Kadimien inan̄a me owot iman kè Odabia), akọp jaaba mè ini.
44 Owot iman ebi ìkọt okwa:
Ebi owot iman kè Asafu, efit mè akọp ini mè jeeta.
45 Owot iman ebi ìkibem otunchit:
Ebi owot iman kè
Salum, mè Ateri, mè Talimon, mè Akubu, mè Atita, mè Sobai, efit mè akọp ita mè jeeta.
46 Owot iman ebi bọn ikwaan̄ Uwu Mbuban:
Ebi owot iman kè
Jiya, mè Asufa, mè Tabayot,
47 mè Kerọs, mè Siya, mè Padọn,
48 mè Lebana, mè Agaba, mè Salimai,
49 mè Yanan, mè Giden, mè Gayari,
50 mè Reyaya, mè Rejin, mè Nekoda,
51 mè Gajam, mè Uja, mè Paseya,
52 mè Besayi, mè Meyunim, mè Nefusim,
53 mè Bakibuk, mè Akufa, mè Ariyuri,
54 mè Bajilut, mè Meyida, mè Arasa,
55 mè Bakọs, mè Sisera, mè Tema,
56 mè Nejia, mè Atifa.
57 Ebi owot iman ebi usun̄ kè Solomọn:
Ebi owot iman kè
Sotai, mè Soferet, mè Perida,
58 mè Jala, mè Darikon, mè Giden,
59 mè Sefatiya, mè Atin,
mè Pokeret-Ajebayim, mè Amọn.
60 Ebi bọn ikwaan̄ Uwu Mbuban mè ebi owot iman ebi usun̄ kè Solomọn, efit ita mè akọp onaan̄ge mè iba.
61 Ebibi enan̄a me ido Babilọn me ama Teli Mela, mè Teli Arasa, mè Kerubu, mè Adọn, mè Imeri, ire, ema kpeyaka ikọt iriọọn̄ mè ìre ebi uwu nte kiban̄ mè ebi owot iman kiban̄ ìre ebi Ijeren, mè ìre kpere:
62 Ebi owot iman kè
Delaya, mè Tobaya, mè Nekoda, efit gweregwen mè akọp ini mè iba.
63 Ebi owot iman ebi ngwugwa:
Ebi owot iman kè
Obaya, mè Akoji, mè Bajilai (ogwu òdo gwun̄ enenwaan̄ kè Bajilai ogwu Giliadi, mè inikichieek erieen̄ nte ogwu nwa.)
64 Ebibi mîwọlọ emen ikpa ikpọ, kpemun̄ erieen̄ ebi owot iman kiban̄. Mije keyi, kpeyaka imọnọ ema kubọk ebi ngwugwa, emun̄ ema kubọk ebi ìchaka mbuban. 65 Ogwu ibot mkpulu oneninyi ida ibe ema ekarie inorie geege òkup mbuban ichit mege ire mgbọ geelek ogwu ngwugwa ge mônube, mè inisa Urim mè Tumim iweek iriọọn̄ mè ema ìre ebi ngwugwa me atikọ.
66 Otu ifuk otutuuk kiban̄ ebi ìkaka ìre akọp obop ini mè obop iba mè efit ita mè akọp gweregwen. 67 Kpefuk ebi usun̄ ebirieen̄ mè ebi usun̄ ebibaan̄ kiban̄ igbaalek, otu ifuk ebi usun̄ ìre obop jaaba mè efit ita mè akọp ita mè jaaba. Kpefuk si efit ene iba, ebirieen̄ mè ebibaan̄ ebi ìkọt okwa, igbaalek. 68 Ema mîkaan̄ inyinya, efit jaaba mè akọp ita mè gweregwen, mè ikaan̄ si inyinya mgbidim ukot, efit iba mè akọp ini mè go,a 69 mè ikaan̄ aligọ, efit ini mè akọp ita mè go; mè inyinya akpan, obop gweregwen mè efit jaaba mè akọp iba.
70 Usini ebi ibot uwu mînyi inyinyi ibe esa etap ubọk erọ ikwaan̄ ya. Ogwu ibot mkpulu ìkpe obop ikpoko alata araran̄ itap me emen uwu isun̄-ikpoko ikwaan̄, mè inyi si akọp ngigọ go, mè ofọnti ikwaan̄ ebi ngwugwa, efit go mè akọp ita. 71 Ebi ibot uwu kechilọ ekpe akọp obop ikpoko alata araran̄ iba, mè alata okuket, obop kilo mè efit kilo iba mè akọp kilo go. 72 Otu ifuk inu otutuuk ebi ene enyibe ìre akọp obop ikpoko alata araran̄ iba, mè efit kilo alata okuket mè kilo ini, igbaalek ofọnti ikwaan̄ ebi ngwugwa akọp gweregwen mè jaaba.
73 Otutuuk ebi ngwugwa, mè ebi otoko kè Libai, mè ebi ìkibem otunchit, mè ebi ìkọt okwa, mè bọn ikwaan̄ Uwu Mbuban, igbaalek usini ebi ikike, mè otutuuk ebi Ijeren efofon ama kiban̄ isi iluk.
Ejira îfuk Ikan isibi
Me emen onyan̄ jaaba me acha ya, otutuuk ebi Ijeren ekekiluk me ama kiban̄ geelek me ido Juda.