Use ogwu ubọọn̄ ochieekbe
Okwa kè Debit.
101
Jei Okumugwem, mâkọt okwa itọn̄ owu;mâkikọt ibe ke owu òkakilọ imumun̄ ene me chieen̄,
mè ikekisibi oyerebet ònenen.
2 Mâgbala chieen̄ iluk ugwem òtatana.
Ìre mgbọ owa ke owu obonu me lek n̄a ni?
Mâluk me emen uwu n̄a
me ejit òtatana.
3 M̀kpasa chieen̄ ikpọ inu ikagbege
echi ebi ene ekirọ me ere nkupbe.
Ncha eru ebi ìjijit Awaji itele ekaan̄be;
inu kiban̄ ìkabochiọọk emi me lek.
4 M̀kpakaan̄ ejit irọrọ ene ikpak;
mâda lek ibọkọ me lek irọrọ ijo inu.
5 Ogwu òkifiat ofifi ene me udun̄,
m̀kpatele ibe igat ugwem;
ikeya si, ogwu òkinyan lek mè ogwu òkigumu lek,
m̀kpakọt ime me ere nkupbe.
6 Mâbọkọ ebi ido kiji ebi ìkekeke inye me lek Awaji itap,
mè itele ibe ema ekup eriaak emi me lek;
ebi ìtatana me ugwem kiban̄,
ebiba ke mâtele ibe esi ikwaan̄ enyi emi.
7 Ogwu ofiaan̄ ge ikeyi ìkpoluk me uwu n̄a;
ogwu ataak ìkpokeke me isi n̄a.
8 Ewelegwe usen geelek,
mâkikpan̄ otutuuk ebi ìkifiat ikan me ido kiji;
mâfieek ebek otutuuk ebi ìkirọ inu ikpak
me emen ama Okumugwem.