Ikọ òkup me emen ikpa yi ìre asabọn urọk mè udọk udọk ikọ ekisa itumu ikọ, mè ikisa inyi ene nteme.

Ebi ìtoto urọk chi mîwa. Ire, erieen̄ ene ita gaalek ke ebak me emen ikpa yi. Ema ìre ogwu ubọọn̄ Solomọn, mè Aguru, mè ogwu ubọọn̄ Lemuwen. Mîge si erieen̄ kiban̄ me ere egebe urọk kiban̄. Ofifi ebi ìtoto urọk me emen ikpa yi, egbagbaan̄ ema igwen Ebi Ìriọọn̄ Inu. Me etete otutuuk kiban̄, urọk kè Solomọn owa ichit.

Ikpele ibot ikọ echi etobe urọk ofolek me emen ikpa yi ìre inu ògbaan̄ me lek Awaji melek ebilene, mè iriọọn̄-inu, mè ogwu mbubut, mè ogwu ugbek, mè unene, mè unye òkup me ikọ otu ene, mè olom mè nwa mè ototun̄ ukan̄, mè mkpa mè ugwem. Asabọn ibot ikọ echi etobe urọk ofolek si ìre ugbọọri, mè unen oyerebet, mè ugumulek, mè itetet lek ikaan̄, mè usa-miin̄, mè unaan̄-ejit, mè itutumu ikọ òkaan̄ iriọọn̄-inu.