Erieen̄ ikpa yi ìnan̄a me lek erieen̄ ogwu ògege onyibe lek kan̄. Ogwu ògege ikpa yi ìgwen lek kan̄ “Ogwu Etip,” mè itumu si ibe ke ọmọ ìre gwun̄ ogwu ubọọn̄ Debit, ke ọmọ ìre si ogwu ubọọn̄ me Jeruselem (ibot 1:1). Îtumu si ibe ke ọmọ îkaan̄ iriọọn̄-inu igak ene geelek òwuwuuk lek ire ubọọn̄ me Jeruselem me isi kan̄ (ibot 1:16). Otutuuk ikọ chi ìkijeen̄ ibe ke ìre ogwu ubọọn̄ Solomọn, gwun̄ kè Debit, oge ikpa yi, ubọk geelek ikabakge erieen̄ kan̄ me emen ikpa yi.

Ogwu òge ikpa yi îwọlọ owuwa inu ikpọ me emen ugwem ebilene. Îtumu ikọ ofolek ibọbọọn̄ ubọọn̄, mè ikakaan̄ ikpele irek, mè ikakaan̄ nje-nnyi-isi me lek inu geelek ene okirọ, mè ibebele ejit; mè initumu ibe ke otutuuk inu chi geelek ìre inu ikike, ke ìkup kubọk ene okiweek itetet efet. Îjeen̄ si ibe ke Awaji ore Ogwu Òrom, mè Ogwu Ubọọn̄ òkakaan̄ otutuuk unye isasa ikpulu, mè ogwu òkaan̄ iriọọn̄-inu òdọdọk ichit.

Nkana-ngwook kan̄ ìre ikeyi: “Tet ukpook me lek Awaji, mè sun̄ ikan kan̄, mije, eyiyi ore otutuuk ikwaan̄ òkukup inyi ogwu ebilene.” (12:13)