Ikpa Okwa Ògak Okwa, mè ìyaka ire Okwa kè Solomọn, òrere ofifi erieen̄ ekigwen si (ibot 1:1), ìre owuwa okwa ima, echi enerieen̄ okọtbe inyi ogwu enenwaan̄ ogwu ima kan̄, mè echi enenwaan̄ okọtbe inyi enerieen̄ ogwu ima kan̄ si. Okwa chi ìkijeen̄ ojelek udọk udọk ima ògbegbe ibe ikup me etete enenwaan̄ mè enerieen̄.

Owuwa ene mîmun̄ okwa chi me esese oniin̄. Usini ene emọnọ ibe ke okwa chi ìkijeen̄ ima òkukup me etete kè Solomọn melek ogwu enenwaan̄ Shulam ge, kubọk ebakbe erieen̄ kiban̄ me emen ikpa yi. Ubọk geelek kpebak erieen̄ Awaji mgbọ geege me emen ikpa yi, usini ene mîmọnọ ibe ke ikpa yi ìkijeen̄ imumechieen̄ òkukup me etete Awaji melek ebi kan̄, ebi Ijeren, mè ìyaka ire, me etete kè Karais melek ntitiin̄ kan̄ me linyọn̄.