Ikpa Okwa Itọn̄ ìre ikpa okwa mè uriaak, echi owuwa ene egebe me owuwa acha. Ebi Ijeren enenititen̄e ema igbaan̄ isun̄ isa ikigbaalek itọbọ ebum inyi Awaji. Îre ogwu ubọọn̄ Debit oge owuwa me lek okwa mè uriaak chi.

Usini me lek okwa chi ìre okwa itọn̄, mè echi ekisa itọbọ ebum inyi Awaji. Usini ìre uriaak ekisa ibeek Awaji ntap-ubọk, mè okwukwek, mè unyan̄a. Usini ìre uriaak ekisa ibeek itetele ijo, usini ìre okwa ekisa ibe Awaji onirọ mije ugbana kan̄. Usini ìre ito ekito ibe Awaji isulu ebi ochicha osusut.

Usini uriaak chi ìre uriaak òkup inyi ene me ene, usini ìre uriaak òkup inyi ido. Usini ìre uriaak òkijeen̄ udọk udọk ejit ene, me ene me ene, sà usini ore uriaak òkijeen̄ inu òkup me uyọt me lek otutuuk ebi eyi Awaji.

Ebi ìgege okwa mè uriaak chi ege inu òkup me udọk udọk ejit kiban̄, mè ìre ekitọn̄ Awaji, mè ìyaka ire ekinununuun̄ me mgbọ uyọrọlek otetbe ema.

Eche okwa mè uriaak chi itap me irek ikpa go ikeyi: Adasi Ikpa, Okwa 1-41; Ikpa òso iba, Okwa 42-72; Ikpa òso ita, Okwa 73-89; Ikpa òso ini, Okwa 90-106; Ikpa òso go, Okwa 107-150.