Okwa Itọn̄ 1

Okwa Itọn̄

ADASI IKPA

Okwa 1–41

Oruru me lek ikakaan̄ ukpook Awaji

1

Kpọ-nu uga ubelejit òkup inyi ene ya

ogwu ikabọkọge nteme me otu

ebi ìkikpaka ibot inyi Awaji;

ìkarọ orọmijọn̄ ebi ijo;

ìkakup si me otu ifuk ebi ìkirọ Awaji ochak.

2 Kpan̄asi ikeya, nteme

Okumugwem gaalek ke îkinwọọn̄,

mè òkotọp nteme cha okana

me ejit kan̄ eririeen̄ mè ikarek.

3 Ene ya ìbet lek uti ewopbe me agba mun̄,

òkito mfut kan̄ me ibot mgbọ kan̄;

inwan̄ kan̄ ìkakaan̄ ichachiaak;

inu geelek îrọbe ìkisisibi oruru.

4 Ebi ìkikpaka ibot inyi Awaji kpekup ikeya;

ekup kubọk mfufe akpa eyi efet okiben iwut isan̄a

mgbọ ekigen̄ akpa.

5 Me usen oyerebet,

Awaji ìbotitip ema oyerebet;

ìkponyi ema irek geege ibe

egọọk ebi ata irọrọ ekup.

6 Mije, Okumugwem ìkibebem oniin̄ ebi ata irọrọ;

ire, oniin̄ ebi ìkikpaka ibot ìre oniin̄ eyi mkpa.