Ikpa Juwen ìkpa inu òfo me lek akaka ituuk melek una ibot òjijijaka inyọn̄ ijọn̄ Ijeren isan̄a kpai. Juwen ìsa ùrioon̄ yi ikijeen̄ inu ijejeen̄ òfo me lek usen oyerebet Awaji eyi òbonu, òrere mgbọ Awaji môsulube ebi geelek ìjeje ikeme nkeek kan̄, òrere nkeek eyi ata irọrọ, osusut.

Juwen ìkilook ebi ene etip Okumugwem, ibe mè egwu ekom, mè ikilook si ibe ke Okumugwem môkpọk inyi ema irek kiban̄, mè igbana ema.

Use ge òsibi esese me emen ikpa yi ìre use eyi Awaji ochieekbe ibe ke ọmọ môria Ekwukwu kan̄ inu me lek otutuuk ene, ebirieen̄ mè ebibaan̄, nsabọn mè ugane.