Emọs ìkare ogwu nriran me ibebene kan̄, kpekpukpo ọmọ si isibi kubọk ogwu nriran. Ọmọ ìre ogwu ido Juda, ònan̄a me ama Tekowa, ire, Awaji ìria ọmọ ibe isi iben nriran me ama Beten, inyi ebi ido Ijeren.

Me emen ikpa yi, Emọs ìdasi itumu ikọ ikeme ebi ido cha òkukup ikana Ijeren, sabum înitumu ikọ ikeme ebi Ijeren, ògak ge, ebi ìbọbọọn̄ ubọọn̄ mè ido Ijeren. Ebi ife chi ekisa ikpele unye ema ekaan̄be ichichiki ebi ugbọọn̄ itap me usun̄.

Ubọk geelek owuwa kiban̄ ekitọbọ ebum inyi ofifi awaji, ema ekikpọ chieen̄ si ibe ke Awaji môbem ema. Ire, Emọs otutumu inyi ema ibe ke Awaji ìbosusulu ema osusut, ire ema kpenwene, mè ikirọ unen inu. (5:15).