Ikpa Obidaya ogbidim ichit me otutuuk agan̄ oka inyan̄a-ibot me Ikpa Mbuban. Ogwu nriran, Obidaya, ìben nriran yi me mgbọ egwakbe Jeruselem igwook isan̄a. Obidaya ìben nriran yi ikeme ebi ido Edọm, ebi ìwuwuuk lek ire ebi ochicha ebi Ijeren karake akat. Ebi Edọm mîbele ejit mije ufialek òrọrọn̄ ikeme ebi Juda, ebi eyi Awaji, mè igọọk inifum inu me Jeruselem, mè itap si ubọk inyi ebi ochicha cha ebi ìgwagwak Jeruselem igwook.

Mije keyi ke Obidaya oben nriran ikeme ebi Edọm, ibe ke ema mêbọkọ osusut, ke mêtim akọn̄ ikpan̄ ema, ema melek ofifi ebi ochicha ebi Ijeren. Îtumu si ibe ke ido Edọm môchep, ire, ke ebi Ijeren mêyaka igwu ikom ika inu ido kiban̄.