Ikpa Abakuk ìkijeen̄ ibe ke Awaji ìkirọ inu òneme ọmọ ubọk òneme ọmọ me mgbọ òneme ọmọ. Abakuk îmun̄ ubọk ikpak mè mfeen̄ ojotbe Juda, mè iriaak uriaak igak, ibe Awaji itọbọ ijibi ininwene ido ya. Ire, ìkamun̄ inu geege, ìkup kubọk Awaji ìkpọkpọ iriaan̄ ere. Mgbọ Awaji onifọọk otu, ufọọk-otu înyibe osisisik Abakuk lek, mè ike ọmọ chieen̄ enenen. Awaji ìtumu ibe ke ọmọ ìbosa ebi Babilọn, ebi ìkiriaak mkpọmfaka, inisulu ebi Juda, ebi kan̄, osusut. Abakuk oninina lek, mè ibe ke eya ìkatat, ìkagbegbe si inu Awaji morọbe, mije ke ebi Babilọn mîfieek igak ebi Juda. Awaji ofọfọọk ibe, ọmọ isirọ isan̄a, ke ọmọ môtolek inisulu ebi Babilọn osusut. Me òta kan̄, Abakuk otọtọn̄ Awaji, mije unye kan̄ mè ujamgbugbo kan̄, ubọk geelek ikakọtge ìriọọn̄ ubọk Awaji okirọ inu.

Ikpele ikween̄ inu ge òkup me emen ikpa yi ìre ke Awaji òwa okupbe me mkpulu linyọn̄ keyi, ubọk geelek îkupbe kubọk ijo inu ijo inu okitim ikpan̄ me ere geelek.