Jefanaya ore òta ene me etete ebi asasa ebi nriran, ogwu òbeben nriran sabum ebi Babilọn enikpulu ebi Juda me usun̄ akọn̄. Jefanaya ìben nriran sọntiik mgbọ me etete mgbọ ogwu nriran ilile, Jerimaya, okiben si nriran me Juda.

Ebi ido Juda mîkikeek ibe, mgbọ ge òkinu me isi, ke Awaji môkpọk irọ ibe ema ekaan̄ unye, mè etim ekpan̄ ebi ochicha kiban̄. Mgbọ ya, eyi òbore mgbọ ntim-mkpan̄, mè mgbọ mkpukpe ijo inu obonu me lek ebi ochicha, mè mgbọ ijọk inyi ema, ke ema egwen ibe ìre Usen Okumugwem. Ire, Jefanaya onenitumu inyi ema ibe ke mgbọ ya ìbore mgbọ Okumugwem obosulu ebi geelek ìkpakpaka ibot inyi ọmọ osusut, ke osusut ya môre si lek ebi Juda igbaalek ebi ofifi ido.

Îtaba ebi Juda ubọk me utọn̄ ibe ke otutuuk oniin̄ ema ebesa inwọnọ unaan̄-ejit Okumugwem ìre igbagban̄ utọn̄ inyi Okumugwem, mè ikitọbọ ebum inyi ọmọ gaalek.