Agai ìben nriran me mgbọ ebi Juda enan̄abe me usun̄ akọn̄ ika, mè iniluk me inyọn̄ ijọn̄ kiban̄ acha inen mè inen. Otutuuk mgbọ cha, ema ekikpọ chieen̄ me lek kiban̄ gaalek, kpekeek Uwu Mbuban. Ebi ibot kiban̄ mîkaan̄ ubọk, ire, owuwa me lek ebi ikike ekisasa, sabum èrie. Okumugwem onenitumu inyi Agai ibe ke inu òrọrọ ebi Juda ekikwook ukwook sabum èrie, ìre ke Uwu Mbuban ìkup si me ǹrioon̄, ke kpekpọk inama. Îtumu si ibe ke eyi ema kpekpọ chieen̄ me lek Uwu Mbuban ìkijeen̄ ibe ke ema kpenyi Okumugwem umin, ke îre eya orọ ibe Okumugwem ikagbana ema.

Ebi Juda mîgban̄ utọn̄, mè ikpọk inama Uwu Mbuban, Okumugwem onenichieek use ibe ke ọmọ môgbana ema, mè irọ ibe inu ije ijaan̄ ema me lek.