Jisọs îria ebi udun̄ kan̄ isibi
10
Jisọs onenigwen akọp mè ebi udun̄ iba kan̄ cha iriaak me lek kan̄,
mè inyi ema unye,
inyi ema ekelap ijo erumun̄ esibi me emen ene,
mè ekegwa esese chieen̄ orukan̄ mè ufiak geelek.
2 Erieen̄ akọp mè ebi udun̄ iba kan̄ cha ìre,
adasi,
Saimọn ogwu ekigwen si Pita,
mè Anduru ogwu ngwan̄,
mè Jemis gwun̄ kè Jebidi mè Jọn ogwu ngwan̄,
3 mè Filip mè Batolomi mè Tọmọs mè Matiyu ogwu òkibọkọ otitip ido,
mè Jemis gwun̄ kè Alifiọs,
mè Tadiọs,
4 mè Saimọn ogwu ulọk ama ominbe me ejit,
mè Judas Isikariọt ogwu òleke Jisọs inyi ekpan̄.
5 Akọp mè ene iba kechi ke Jisọs oria isibi.
Sabum îniria ema isibi,
înyi ema nteme ibe,
“Ikaje ìsi lek ebi ekarege ebi Ju.
Ikanin̄ ama ebi Sameria geege.
6 Ire,
ìje isi yaage ìsi lek ebi Ijeren ebi ìkup kubọk arọọn̄ òchechep.
7 Ike enyi ekije,
ìkilook ebi ene ibe ke mkpulu emen inyọn̄ îkup mgbet.
8 Ìgwa ebi orukan̄,
mè ìjomo ebi ìkwakwaan̄,
mè ìgwa ebi inyakpa,
mè ìlap ijo erumun̄ ìsibi me emen ebi ene.
Enyi ebọkọ unye yi me ọsọ.
Ikeya si,
ìsa unye yi ìsi ikwaan̄ ìnyi ebi ene me ọsọ.
9 Ikamọnọ ikpoko alata okuket,
mè ìre eyi alata araran̄,
mè ìre eyi ekwe geege ìtap me akpa.
10 Ikaben akpa ije,
ikamọnọ àwurukù irak ìso iba,
ikamọnọ ikpukot ìso iba,
ikamọnọ mkpat geege ìkaan̄ me ubọk me oniin̄ ije kinyi.
Mije,
ogwu òsi ikwaan̄ môrie inu ubọk ikwaan̄ kan̄.
11 “Ama geelek enyi enin̄be,
mè ìre ama ile,
mè ìre gwun̄ ama,
ìweek ene ge òkakaan̄ ukpook Awaji me emen,
mè ìkup me uwu ene ya mege ire mgbọ enyi mêtelebe ama ya.
12 Enyi isinin̄ uwu geelek,
ìtọp ebi ìkup me uwu ya amọn ibe,
‘Esuuk ikup melek kinyi.’
13 Ire ebi ìkup me uwu ya ibọkọ enyi itap,
esuuk kinyi môkup melek kiban̄.
Ire,
ire kpebọkọ enyi itap,
esuuk kinyi môgwu ikom igọọk enyi.
14 Ire ikaan̄ uwu geelek,
mè ìre ama geelek kpebọkọ enyi itap,
mè igban̄ ikọ kinyi,
enyi isibenan̄a me uwu ya,
mè ìre ama ya isibi,
ìgen̄ achiaan̄ ukot kinyi ìgwook me ere ya.
15 Me atikọ,
ǹkitumu inyi enyi ibe,
me Usen Oyerebet Awaji,
ke môfieek inyi ama ya enenen igak ama Sodọm mè Gomora.
16 “Mgbọ yi,
ǹkiria enyi isibi kubọk arọọn̄ isi itap me etete ibo oron.
Eya orọ,
ìgbala chieen̄ kubọk ijijinu,
ire,
ìkirọ inu esuuk esuuk kubọk ekerekwukwu.
17 Ire,
ìgbala chieen̄ me lek ebi ene,
mije,
ebilene mêtet enyi me unye,
mè isa enyi isi isi ebi ibot ama,
mè isa olik isulu enyi me uwu ntitiin̄ kiban̄ me ama geelek.
18 Mije n̄a,
mêsa enyi isi oyerebet me isi ebi ibot mkpulu,
mè ebi ubọọn̄,
inyi enyi ekesa irek òkup ikeya elook ebi ibot chi melek ebi ekarege ebi Ju ata etip.
19 Ire,
isisa enyi isi oyerebet,
ikasisaak lek kinyi me lek inu enyi ebetumu,
mè ìre ike enyi ebesa itumu,
mije,
mênyi enyi inu enyi ebetumu me ike mgbọ ya.
20 Mije,
ìkare enyi ebekitumu ikọ mgbọ ya,
îre Ekwukwu eyi Nte kinyi obokup me emen kinyi ikitumu ikọ me mgbọ ya.
21 “Mgbọ ya,
ngwan̄ môsa ngwan̄ inyi ekpan̄,
ute môsa ogwu gwun̄ inyi ekpan̄,
nsabọn mênye ibot inyi ebi ute mè ebi uga,
mè irọ inyi ekpan̄ ema.
22 Otutuuk ene mêcha enyi mije n̄a.
Ire,
ene geelek me lek kinyi òkekeke inye isi ire okputut,
ogwa ke mênyan̄a.
23 Ire ebi ene isisaak enyi me ama ge,
ìlibi ìfo ofifi ama.
Me atikọ,
enyi kpebejijen̄e ikana otutuuk ama òkup me ido Ijeren iso sabum Gwun̄ Ebilene mônube.
24 “Ogwu òkikween̄ inu ìkakimin ìgak ogwu òkijeen̄ ọmọ inu.
Ikeya si,
gwun̄ uwu ìkakimin ìgak ogwu ute-uwu.
25 Ogwu òkikween̄ inu môkọt imin ikup kubọk ogwu òkijeen̄ ọmọ inu,
gwun̄ uwu si môkọt imin ikup kubọk ogwu ute-uwu.
Ire,
ire ebi ene igwen ogwu nte uwu,
Bejibun,
ìriọọn̄ ibe ke kpebelọlọ igwegwen ebi uwu ene ya erieen̄ òfefieek igak ikeya.
26 “Eya orọ,
enyi ikatet ukpook me lek kiban̄,
mije kpunu inu geege echitbe eyi kpebechili ibook,
kpunu si inu geege eletbe eyi kpokpọkbe mbum,
inyi ebi ene eriọọn̄.
27 Inu geelek ntumube inyi enyi me emen udun,
ìtumu ìsibi me utoon̄ egwe.
Ikọ geelek etumube ususuk itap enyi me utọn̄,
ìkeke me inyọn̄ uwu ìtumu,
inyi otutuuk ene enọ.
28 Ikatet ukpook me lek ebi ìbekọt ikpan̄ akpalek gaalek,
ire,
kpebekọt ikpan̄ ibot ejit.
Ire,
ìtet ukpook me lek Awaji ogwu òbokọt igbaan̄ ibot ejit mè akpalek ijijaka isan̄a me emen ukan̄ ama yọk.
29 Ìre ìkare agagawaji iba ke ekinyam ikpoko ge?
Ire,
kpunu agagawaji geege òkinan̄a irọn̄ me ijọn̄ me ikarege nkeek eyi Nte kinyi.
30 Ike yaage si,
Awaji îriọọn̄ otu ifuk otutuuk ukut ijeek òkup enyi me ibot isan̄a.
31 Eya orọ,
ikafieek owot,
mije,
enyi mînye otu ewe igak ogbogbo agagawaji.
Usini ene mêbọkọ Jisọs itap, usini ene mêjit ọmọ
32 “Ire ikaan̄ ogwu ichieek me lek n̄a,
mè itumu emi isibi me isi ebilene,
emi mâtumu ene ya si isibi me isi kè Nte n̄a ogwu òkup me emen inyọn̄.
33 Ire,
ire ikaan̄ ogwu ijit emi me isi ebilene,
emi mâjit si ene ya me isi kè Nte n̄a ogwu òkup me emen inyọn̄.
34 “Enyi ikakeek ibe ke emi m̀banitap esuuk me linyọn̄.
Ǹkanu inenitap esuuk.
Îre oge akọn̄ ke nsa inu.
35 Mije,
ǹnu inenitap ochicha me etete gwun̄ enerieen̄ mè ogwu ute,
mè etete gwun̄ enenwaan̄ mè ogwu uga,
mè etete nwa gwun̄ mè uga-olom.
36 Ebi ochicha ene ebere ebi ototun̄ ukan̄ ene ya.a
37 “Ene geelek òmama ogwu ute mè ogwu uga igak emi ìkagbe irere ogwu eyi n̄a.
Ene geelek si òmama gwun̄ kan̄ enerieen̄ mè gwun̄ kan̄ enenwaan̄ igak emi,
ìkagbe si irere ogwu eyi n̄a.
38 Ene geelek ogwu ìkakiben uti nkwurieen̄ kan̄ ìgọọk emi,
ene ya ìkagbe si irere ogwu eyi n̄a.
39 Ene geelek òbọbọọk ugwem kan̄ isun̄,
môfiin̄ ugwem kan̄.
Ire,
ene geelek òfifiin̄ ugwem kan̄ mije n̄a môkaan̄ ugwem kan̄.
40 “Ene geelek òbọbọkọ enyi itap,
ìbọkọ emi itap.
Ene geelek òbọbọkọ emi itap,
ìbọkọ Awaji ogwu òraria emi inu itap.
41 Ene geelek òbọbọkọ ogwu nriran itap mije îrebe ogwu nriran,
ene ya môbọkọ si mkpukpe ogwu nriran ya môbọkọbe.
Ikeya si,
ene geelek òbọbọkọ ogwu ata irọrọ itap mije îrebe ogwu ata irọrọ,
ene ya môbọkọ si mkpukpe eyi ogwu ata irọrọ môbọkọbe.
42 Me atikọ,
ǹkitumu inyi enyi ibe,
ire ikaan̄ ene geelek òtọtọkọ ekpen̄ mudim ge inyi ogwu òsisip ichit me lek ebi udun̄ n̄a chi mije îrebe ogwu udun̄ n̄a,
ene ya ìkpolọlọ ibọbọkọ si mkpukpe kan̄.”