3 Mgbọ Jisọs orebe inyọn̄ ogoon̄ Olifu,

mè isiki ikweek,

ebi udun̄ kan̄ enwenween̄ lek ije inu me lek kan̄,

mè inido ọmọ ibe,

“Ìre mgbọ owa ke otutuuk inu chi oborọ iso?

Sà ìre kpasi inu ijejeen̄ ke ebesa iriọọn̄ mgbọ owu oboyaka inu,

mè mgbọ linyọn̄ keyi oboraka?”

4 Jisọs ofọfọọk ema ibe,

“Ìgbala chieen̄.

Ikachieek ibe ene geege ifiaan̄ enyi.

5 Mije,

owuwa ene mênu me erieen̄ n̄a,

mè ikigwen lek kiban̄ Karais,

mè ifiaan̄ owuwa ene ifiin̄.

6 Enyi mênọ okput akọn̄ me agba lek kinyi,

mè inọ si etip akọn̄ òkitim me ujọn̄ọ ere.

Ikachieek ibe ejit kinyi isisik,

mije,

inu chi geelek môrọ,

ire,

òta mgbọ ìkpore-nu.

7 Ido môtim akọn̄ ikeme ido,

ama ubọọn̄ môtim akọn̄ ikeme ama ubọọn̄.

Owuwa akan̄ môkup,

sikisik-ijọn̄ môkup me owuwa ere.

8 Otutuuk inu chi geelek ìbore gaalek ibebene ujaralek cha,

ìbokup kubọk uman obene ikifiak nwa-owot.

9 “Mgbọ ya,

ebi ene mêtet enyi isa inyi etutuku,

mè ekpan̄.

Ebi ido geelek mêcha enyi mije enyi echieekbe me lek n̄a.

10 Mgbọ ya si,

owuwa ene mêyaak itele ichechieek kiban̄.

Ema mêcha lek kiban̄,

mè ikileke ebi melek kiban̄ itap me ufialek.

11 “Mgbọ ya,

owuwa ebi nriran ataak mêkana isibi,

mè ifiaan̄ owuwa ene.

12 Mgbọ ya si,

mije inu ikpak obokimumana,

imumechieen̄ òkup me etete owuwa ebi ene môtọọk.

13 Ire,

ene geelek òchechieek me lek n̄a,

mè ikeke inye isi ire òta mgbọ,

ogwugwa obokaan̄ unyan̄a.

14 Ire,

mêdasi ilook ata etip eyi mkpulu Awaji yi ikana otutuuk linyọn̄,

inyi otutuuk ido geelek enọ,

sabum òta mgbọ ònore.

15 “Enyi isimun̄ òchichaka inu eyi òkitap mfufiat,^a

eyi ogwu nriran Danien otumube ikọ ibak,

okekebe me ere mbuban (ogwu òkifuk,

itet ibot),

16 mgbọ ya,

ebi ìkup me Judia,

elibi efon inyọn̄ ogoon̄.

17 Ikaan̄ ogwu ikup me inyọn̄ otoon̄-uwu kan̄,

ikanan̄a ìsibi ijọn̄ ìsi ìnin̄ uwu kan̄ ìmọnọ inu geege ìsibi.

18 Ikaan̄ ogwu ikup me emen uko,

ikaweek ifofo uwu isi imọnọ ofọnti kan̄.

19 Môfieek enenen me lek ebibaan̄ ebi ìkup me owot mè ebi ìkaan̄ nsek bọn ìkinwọ ebe me ubọk mgbọ usen cha môrebe.

20 Ire,

ìriaak Awaji ibe ekot ya ikare me mgbọ utọọk,

mè ikare si me Usen Mbuban.

21 Mije,

ikpele ujaralek òbokup mgbọ cha,

ojelek kan̄ ìkararak ìkup karake linyọn̄ yi obenebe mege inire chereyi.

Mbet kan̄ si ìkpoyaka ikup.

22 Awaji îra iwuuk lek ifieek usen cha igbidim.

Ire ìkare ikeya,

kpunu ogwu mosik me ugwem.

Awaji môrọ inyi usen cha igbidim,

mije ebi îgobobe inyi lek kan̄.

23 Me mgbọ ya,

ire ikaan̄ ogwu itumu inyi enyi ibe,

‘Ìkpọ,

ke Karais ire ogwu,’

mè ìre,

‘Ke Karais ire ogwulọ,’

ikachieek.

24 Mije,

owuwa ebi Karais ataak mè owuwa ebi nriran ataak mêkana isibi,

mè inijeen̄ owuwa ikpele inu ijejeen̄,

mè ikirọ owuwa inu ukechieen̄ isa ikifiaan̄ ebi ene.

Ire ikup mfufet,

ema mêfiaan̄ si ire lek ebi Awaji ogobobe inyi lek kan̄.

25 Ìkpọ!

Nra idasi ilook enyi sabum inu chi oborọ.

26 “Eya orọ,

ire ene initumu inyi enyi ibe ìkpọ,

ke Karais òwa me emen èwê,

ikasibi ìsi ìweek.

Ire iyaka itutumu inyi enyi ibe ke Karais òwa me emen agwut,

ikachieek si.

27 Mije,

inunu Gwun̄ Ebilene ìbokup kubọk isinyọn̄ òkikekebe,

eyi ebi ene ekimun̄,

bene me agan̄ mbum-ura re agan̄ ichep-ura.

28 Ere geelek nkwukwu inu okupbe,

ere keya ke edene okititiin̄.”

29 Jisọs onenitumu ibe,

“Mgbọ yaage otutuuk ujaralek usen cha môrakabe isan̄a,

30 “Mgbọ ya,

iman̄ Gwun̄ Ebilene môsibi ikeke me isinyọn̄.

Otutuuk ebi ido geelek me linyọn̄ mêkup me ufieejit.

Ema mêmun̄ Gwun̄ Ebilene okinu me emen oduku inyọn̄ me isinyọn̄,

me unye mè ikpele ujamgbugbo.

31 Ida ikpele otita môtaan̄,

ọmọ môraria ebi osat kan̄ itap me otutuuk linyọn̄,

me agan̄ inyọn̄,

mè agan̄ osiki,

mè agan̄ mbum-ura,

mè agan̄ ichep-ura,

ibe esi ekpulu ebi ọmọ ogobobe inyi lek kan̄ etitiin̄.

32 “Ìsa uti figi ìkween̄ inu.

Uti figi isigen̄ oka inwan̄ isan̄a,

mè inibene igwook ayaya inwan̄ me lek,

enyi mîra iriọọn̄ ibe ke mgbọ ura îgbet.

33 Ikeya si,

enyi isimun̄ otutuuk inu chi okirọ,

ìriọọn̄ ibe ke inunu Gwun̄ Ebilene îgbet;

ke îra irere me otu isotu kinyi.

34 Me atikọ,

ǹkitumu inyi enyi ibe ke ebi ukot keyi kpebekwaan̄ isan̄a mege otutuuk inu chi môrọbe iso.

35 Inyọn̄ mè ijọn̄ môraka,

ire,

ikọ n̄a ìkakaan̄ mgbọ iraraka kubọk ge.

36 “Ire,

kpunu ene geege òrọriọọn̄ usen ya,

mè mbubak mgbọ ya.

Ebi osat Awaji ìkup me emen inyọn̄ me lek kiban̄ kperiọọn̄,

emi Gwun̄ Ebilene ǹkariọọn̄,

îtata Nte n̄a gaalek oriọọn̄.

37 Ike îkupbe me ukot kè Nuwa,

ikeya si ke ìbokup mgbọ Gwun̄ Ebilene mônube.

38 Sabum mun̄ ile ya oninu,

ebi ene ekirerie,

mè ikinwọ,

mè ikido nwa,

mè ikisa bọn kiban̄ iche olom mege ire usen Nuwa onin̄be emen uji.

39 Ema kperiọọn̄ si ibe ke ufialek òkinu,

mege ire mgbọ mun̄ ile ya onube,

mè inimeen̄ ema otutuuk isan̄a.

Ikeya si ke ìbokup mgbọ Gwun̄ Ebilene mônube.

40 Ene iba mêkisi ikwaan̄ me uko,

mêmọmọnọ ene ge isan̄a,

mè ijuuk ene ge itele.

41 Ebibaan̄ iba mêkikọk akpa me inyọn̄ ewuuk,

mêmọmọnọ ene ge isan̄a,

mè ijuuk ene ge itele.

42 “Eya orọ,

ìkup me mbem,

mije,

enyi kperiọọn̄ usen Okaan̄ kinyi môgwube ikom inu.

43 Ire,

ìtet ibot me lek ikọ keyi.

Ire ogwukaan̄ uwu moriọọn̄ ikeke mbubak mgbọ eyi ogwu inọ obosa inu uwu kan̄ me eririeen̄,

kè òkup me mbem lek,

kpomotele uwu kan̄ inyi ogwu inọ inibum inin̄ isi ichiin̄ inu.

44 Eya orọ,

enyi si,

ìkup me mbem,

mije,

Gwun̄ Ebilene ìbonu me mgbọ enyi kpebekpọ chieen̄.”

45 Jisọs onenibe ema,

“Ìre ekene ore ogwu usun̄ ya ogwu òrọriọọn̄ inu,

mè igbe utoon̄-ejit,

ogwu ogwu ute-uwu osabe ito me ibot otutuuk ebi uwu kan̄,

mè ibe ikinyi ema inorie me mgbọ me mgbọ?

46 Mônwọn inyi ogwu usun̄ ya,

ire ogwu ute-uwu ika inimun̄ ubọk îkisi ikwaan̄ enyibe ọmọ ijaan̄ ifo isi.

47 Me atikọ,

ǹkitumu inyi enyi ibe ke ogwukaan̄ uwu ya môsa ogwu usun̄ ya irọ ogwu ibot me lek otutuuk inu geelek îkaan̄be.

48 Ire,

ìkeek-nu,

ire ogwu usun̄ ya ire ogwu ikpak,

mè itumu ifieek me ejit kan̄ ibe ke nte uwu kan̄ ìkpogwat lek ika,

49 mè ibene ikisut ebi usun̄ ogbo kan̄,

mè ikigọọk ebi usa-miin̄ ikirie mè ikinwọ isa,

50 mè ire nte uwu kan̄ inika me usen mè mbubak mgbọ eyi ọmọ ikakpọge chieen̄ ibe ke môka,

51 nte uwu ya môsulu ọmọ me njijan̄,

mè irọ ọmọ inu ekirọ ebi isi iba,

mè ilap ọmọ ito me ere ge melek ebi isi iba,

ema mêkukup me ere ya ikito uga ito,

mè ikitaka ejeek.”